୨୨ ତାରିଖ ଯାଏଁ ଜେଲରେ ରହିବେ ରିୟା ଚକ୍ରବର୍ତ୍ତୀ :  ଡ୍ରଗ୍ସ ମାମଲାରେ ସୁଶାନ୍ତ ବାନ୍ଧବୀଙ୍କ ଜାମିନ ଆବେଦନକୁ ଖାରଜ କଲେ ମୁମ୍ବାଇ କୋର୍ଟ; ଭାଇ ସୌଭିକଙ୍କୁ ମିଳିଲାନି ବେଲ୍, ଆଜି ବମ୍ବେ ହାଇକୋର୍ଟରେ କରିବେ ଅପିଲ 

251

କନକ ବ୍ୟୁରୋ : ସୁଶାନ୍ତ ସିଂ ରାଜପୁତଙ୍କ ବାନ୍ଧବୀ ରିୟା ଚକ୍ରବର୍ତିଙ୍କୁ ଆଉ ଏକ ଝଟକା । ଖାରଜ ହେଲା ଜାମିନ୍ ଆବେଦନ । ଆଜି ସ୍ପେଶାଲ କୋର୍ଟରେ ହୋଇଥିବା ଶୁଣାଣିରେ କୋର୍ଟ ରିୟା ଚକ୍ରବର୍ତିଙ୍କ ଜାମିନ୍ ଆବେଦନକୁ ଖାରଜ କରିଦେଇଛନ୍ତି । ଫଳରେ ଏବେ ରିୟା ଚକ୍ରବର୍ତି ଆସନ୍ତା ସେପ୍ଟେମ୍ୱର ୨୨ ତାରିଖ ଯାଏଁ ଜେଲ ହାଜତରେ ରହିବେ ଏହା ସ୍ପଷ୍ଟ ହୋଇଯାଇଛି । ଏବେ ତାଙ୍କୁ ଜେଲ ହାଜତରୁ ମିଳିବନି ନିସ୍ତାର । ଗତ ୮ ତାରିଖରେ ରିୟାଙ୍କୁ ଡ୍ରଗ୍ସ କାରବାର ମାମଲାରେ ନାରକୋଟିକ୍ସ ବ୍ୟୁରୋ ଗିରଫ କରିଥିଲା ।

ରିୟାଙ୍କ ସହିତ ତାଙ୍କ ଭାଇ ସୌଭିକ୍ ଚକ୍ରବର୍ତି ମଧ୍ୟ ଗିରଫ ହୋଇ ଏବେ ମୁମ୍ୱାଇର ଭାଇକାଲ ଜେଲରେ ଅଛନ୍ତି । ଏନସିବିର ଜେରା ସମୟରେ ସୌଭିକ ଚକ୍ରବର୍ତିଙ୍କ ଜରିଆରେ ସେ ଡ୍ରଗ୍ସ ମଗାଉଥିବା କଥା ସାମ୍ନାକୁ ଆସିଥିଲା । ଏହି ଘଟଣା ପରେ ଏନସିବି ତାଙ୍କୁ ୩ ଦିନ ମାରାଥନ୍ ଜେରା କରିବା ପରେ ଗିରଫ କରିଥିଲା ।

 

Comments are closed.