କନକ ବ୍ୟୁରୋ: ତାଲିବାନ ଆଗରେ ପ୍ରାଚୀର ହୋଇ ଛିଡା ହୋଇଥିବା ପଂଜଶିର ମୁଖ୍ୟଙ୍କୁ ଶକ୍ତ ଧକ୍କା ଲାଗିଛି। ରେଜିଷ୍ଟେନ୍ସ ଫ୍ରଣ୍ଟ ର ପ୍ରବକ୍ତା ତଥା ମାସୁଦଙ୍କ ଡାହାଣ ହାତ କୁହାଯାଉଥିବା ଫହିମ୍ ଦସ୍ତି ପ୍ରାଣ ହରାଇଛନ୍ତି । ପଂଜଶିର ନର୍ଦ୍ଦନ ଏଲାଏନ୍ସ ଓ ତାଲିବାନ ମଧ୍ୟରେ ଯୁଦ୍ଧ ଲାଗିଥିବାବେଳେ ତାଲିବାନର ଗୁଳିମାଡରେ ଫହିମ ଦସ୍ତି ପ୍ରାଣ ହରାଇଥିବା ସ୍ଥାନୀୟ ଗଣମାଧ୍ୟମ ଟୋଲ ନ୍ୟୁଜ୍ ପ୍ରକାଶ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦସ୍ତିଙ୍କ ସହ ଆଫଗାନିସ୍ତାନର ପୂର୍ବତନ ନେତା ଜେନରଲ ସାହିବ୍ ଅବଦୁଲ ବଦୁଦ ଝୋର ମଧ୍ୟ ଏହି ଯୁଦ୍ଧରେ ପ୍ରାଣ ହରାଇଛନ୍ତି । ତାଲିବାନ୍ ସହ ଯୁଦ୍ଧରେ ନିଜର ଦୁଇ ଅନ୍ତରଙ୍ଗ ବନ୍ଧୁଙ୍କୁ ହରାଇଥିବା ସୋସିଆଲ ମିଡିଆରେ ପ୍ରକାଶ କରିଛନ୍ତି ମାସୁଦ । ଏହାପୂର୍ବରୁ ସାମ୍ବାଦିକ ଫ୍ରଂଜ ବେଜାନଙ୍କ ସହ ଏକ ସାକ୍ଷାତକାରରେ ଯୋଗ ଦେଇ ଦସ୍ତି ,ବଦୁଦ ଝୋର କହିଥିଲେ ଯେ, ସେମାନେ କେବଳ ପଂଜଶିର ନୁହେଁ ବରଂ ସମ୍ପୂର୍ଣ୍ଣ ଆଫଗାନିସ୍ତାନ ପାଇଁ ଲଢୁଛନ୍ତି । ଆଫଗାନ ବାସି ତଥା ଏଠିକାର ମହିଳାଙ୍କୁ ସମାନତା ଓ ସେମାନଙ୍କ ଅଧିକାର ବଜାୟ ରଖିବାକୁ ଏହି ଯୁଦ୍ଧ ଜାରି ରଖିବାକୁ ଦୁହେଁ କହିଥିଲେ ।