୧୦% ଲୋକଙ୍କ ପାଖରେ ଦେଶର ଅଧାରୁ ଅଧିକ ସମ୍ପତି : ନ୍ୟାସନାଲ ସାମ୍ପଲ ସର୍ଭେର ରିପୋର୍ଟ
୭୦ କୋଟି ଲୋକଙ୍କ ପାଖରେ ଦେଶର ମାତ୍ର ୧୦% ସଂପତି; ବଢୁଛି ଧନୀ- ଗରୀବ ତାରତମ୍ୟ
କନକ ବ୍ୟୁରୋ : ଆମ ଦେଶର ୧୦ ପ୍ରତିଶତ ଧନୀ ଲୋକଙ୍କ ପାଖରେ ଯେତିକି ସମ୍ପତି ଅଛି ତାହା ଦେଶର ୫୦ ପ୍ରତିଶତ ସମ୍ପତିଠୁ ଅଧିକ । ଏବଂ ଦେଶର ୫୦ ପ୍ରତିଶତ ଗରିବ ଲୋକଙ୍କ ପାଖରେ ଯେତିକି ସମ୍ପତି ଅଛି ତାହା ଦେଶର ୧୦ ପ୍ରତିଶତ ସମ୍ପତି ଠୁ କମ୍ । ନ୍ୟାସନାଲ ସାମ୍ପଲ ସର୍ଭେ(ଏନଏସଏସ) ପକ୍ଷରୁ ୨୦୧୯ରେ ଦେଶର ଋଣ ଏବଂ ପୁଞ୍ଜି ବିନିଯୋଗକୁ ନେଇ କରାଯାଇଥିବା ସର୍ଭେରୁ ଏଭଳି ତଥ୍ୟ ସାମ୍ନାକୁ ଆସିଛି । ଯାହା ଆମ ଦେଶରେ ଧନୀ, ଗରିବଙ୍କ ମଧ୍ୟରେ ଥିବା ତାରତମ୍ୟକୁ ଦର୍ଶାଉଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୯ ଜାନୁଆରୀରୁ ଡିସେମ୍ବର ମାସରେ ଦେଶରେ ଲୋକଙ୍କ ପାଖରେ ଥିବା ସମସ୍ତ ସମ୍ପତିର ମୂଲ୍ୟ ଆକଳନ କରି ଏହି ରିପୋର୍ଟ ପ୍ରକାଶ କରାଯାଇଛି । ରିପୋର୍ଟ ମୁତାବକ, ଦେଶର ଗ୍ରାମାଂଚଳରେ ୧୦ ପ୍ରତିଶତ ଧନୀ ଲୋକଙ୍କ ପାଖରେ ୫୦.୮ ପ୍ରତିଶତ ସମ୍ପତି ରହିଥିବା ବେଳେ ସହରାଂଚଳରେ ୧୦ ପ୍ରତିଶତ ଧନୀ ଲୋଙ୍କ ମଧ୍ୟରେ ୫୫.୭ ପ୍ରତିଶତ ସମ୍ପତି ଅଛି ।
ସର୍ଭେରୁ ଜଣାପଡିଛି ଯେ, ଗ୍ରାମାଂଚଳରେ ୫୦ ପ୍ରତିଶତ ଗରିବଙ୍କ ପାଖରେ ଥିବା ସମ୍ପତି ଦେଶର ଗ୍ରାମାଂଚଳର ୧୦.୨ ସମ୍ପତି ସହ ସମାନ ହୋଇଥିବା ବେଳେ ସହରାଂଚଳରେ ୬.୨ ପ୍ରତିଶତ ସମ୍ପତି ଠୁ କମ୍ । ଧନୀ ଗରିବ ମଧ୍ୟରେ ଥିବା ଏହି ତାରତମ୍ୟ ରାଜଧାନୀ ଦିଲ୍ଲୀ, ପଞ୍ଜାବ, ଉତରାଖଣ୍ଡ, ମଧ୍ୟପ୍ରଦେଶ, ହରିଆଣାରେ ସବୁଠୁ ଅଧିକ ରହିଥିବା ବେଳେ ଜାମ୍ମୁ କାଶ୍ମୀର, ଝାରଖଣ୍ଡ, ତେଲେଙ୍ଗାନା, ଆସାମ, ଓଡ଼ିଶା, ତାମିଲନାଡୁରେ ସବୁଠୁ କମ ରହିଛି ।
୧୦ % ଧନୀ ସମ୍ପତି ୫୦% ଗରିବ ସମ୍ପତି
ଦିଲ୍ଲୀ ୮୮.୯% ଦିଲ୍ଲୀ ୨.୧%
ପଞ୍ଜାବ ୬୫% ପଞ୍ଜାବ ୫%
ଜାମ୍ମୁ କାଶ୍ମୀର ୩୨% ଜାମ୍ମୁ କାଶ୍ମୀର ୧୮%
ଓଡ଼ିଶା ୪୦% ଓଡ଼ିଶା ୧୦%