ଆରଜିଏଚର ୨ ଡାକ୍ତରଙ୍କୁ କରୋନା, ପଠାଗଲା କ୍ୱାରେଂଟିନରେ: ରାଉରକେଲା ସ୍ୱତନ୍ତ୍ର କାରଗାରର ୬ କଏଦୀ ବି ଆକ୍ରାନ୍ତ

ରାଜ୍ୟରେ ଆଜି ଚିହ୍ନଟ ହୋଇଛନ୍ତି ୭୫ ଆକ୍ରାନ୍ତ: ଗଂଜାମରେ ଆଉ ଜଣକର ମୃତ୍ୟୁ

850

କନକ ବ୍ୟୁରୋ: ରାଉରକେଲାରେ ଡାକ୍ତରଙ୍କୁ କରୋନା । ୨ ଜଣ ଡାକ୍ତରଙ୍କ ଠାରେ ମିଳିଲା କରୋନା ଭୂତାଣୁ । ରାଉରକେଲା ଆରଜିଏଚ ର ୨ ଜଣ ଡାକ୍ତରଙ୍କ ଠାରେ କୋଭିଡ୍ ୧୯ ଭୂତାଣୁ ମିଳିଥିବା ଜଣାପଡିଛି । ଆଜି ସୁନ୍ଦରଗଡରେ ୧୮ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତିା ଏହା ମଧ୍ୟରୁ ୨ ଜଣ ଡାକ୍ତର କରୋନା ଆକ୍ରାନ୍ତ । ୨ ଜଣ ଡାକ୍ତର କୋଭିଡ୍ ଡାକ୍ତରଖାନା ଏବଂ ସଂଗରୋଧ କେନ୍ଦ୍ରରେ ଚିକିତ୍ସା ଦାୟିତ୍ୱରେ ରହିଥିଲେ । ଡାକ୍ତରଙ୍କ ଠାରେ କରୋନା ପଜିଟିଭ୍ ମିଳିବା ପରେ ସେମାନଙ୍କୁ ସଂଗରୋଧରେ ରଖାଯାଇ ଚିକିତ୍ସା ଆରମ୍ଭ ହୋଇଛି । ସେହପିରି ରାଉରକେଲା ସ୍ୱତନ୍ତ୍ର କାରଗାରର ୬ କଏଦୀ ବି କରୋନା ଆକ୍ରାନ୍ତ ।

ରାଜ୍ୟରେ ଆଉ ୭୫ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହା ମଧ୍ୟରୁ ୭୨ ଜଣ ସଂଗରୋଧ କେନ୍ଦ୍ରରୁ ଥିବାବେଳେ ସ୍ଥାନୀୟ ଅଂଚଳରୁ ୩ ଜଣ ଆକ୍ରାନ୍ତ ରହିଛନ୍ତି । ଏହି ୭୫ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ୍ ଆକ୍ରାନ୍ତ ସଂଖ୍ୟା ୨ ହଜାର ୮୫୬କୁ ବୃଦ୍ଧି ହୋଇଛି । ରାଜ୍ୟରେ କରୋନା ସଂକ୍ରମଣରେ ଆଉ ଜଣଙ୍କ ମୃତ୍ୟୁ ହୋଇଛି । ଏହି ମୃତକ ଗଂଜାମ ଜିଲ୍ଲାରୁ , ତାଙ୍କ ବୟସ ୫୫ ବର୍ଷ ବୋଲି ଜଣାପଡିଛି । ଏହାକୁ ମିଶାଇ ରାଜ୍ୟରେ ମୋଟ୍ କରୋନା ମୃତ୍ୟୁ ସଂଖ୍ୟା ୯ କୁ ବୃଦ୍ଧି ହୋଇଛି । ୭୫ ନୂଆ ଆକ୍ରାନ୍ତଙ୍କ ମଧ୍ୟରୁ ଖୋର୍ଧାରୁ ୧୮ ଜଣ, ସୁନ୍ଦରଗଡରୁ ୧୮ ଜଣ, ଯାଜପୁରରୁ ୭ ଜଣ, ବଲାଙ୍ଗିର ଓ କଟକରୁ ୫ ଜଣ ଲେଖାଏଁ , ନୟାଗଡ ୪, କେନ୍ଦ୍ରାପଡା ୩ ଆକ୍ରାନ୍ତ ରହିଛନ୍ତି ।

ସେହିପରି ଅନୁଗୁଳ, ଢେଙ୍କାନାଳ, ଜଗତସିଂହପୁରରୁ ୨ ଜଣ ଲେଖାଏଁ ଆକ୍ରାନ୍ତ ରହିଛନ୍ତି । ପୁରୀ, ନୂଆପଡା, କେନ୍ଦ୍ରାପଡା, ଗଂଜାମରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ଏବେ ମୋଟ୍ ଆକ୍ରାନ୍ତ ସଂଖ୍ୟା ୨ ହଜାର ୮୨୬ ରହିଛି । ଏହା ମଧ୍ୟରୁ ୧୧ ଶହ ୨୯ ଜଣ ଆକ୍ଟିଭ୍ କେସ୍ ରହିଛନ୍ତି । ଗଂଜାମରେ ମୋଟ୍ ଆକ୍ରାନ୍ତ ସଂଖ୍ୟା ୫୯୮, ଯାଜପୁରରେ ୩୧୯, ଖୋର୍ଧା ୨୪୪, ବାଲେଶ୍ୱର ୧୯୦, କଟକ ୧୭୨, କେନ୍ଦ୍ରାପଡା ୧୬୬ , ଭଦ୍ରକରେ ୧୪୦ ଜଣ, ବଲାଙ୍ଗିର ୧୨୧ ଏବଂ ପୁରୀରେ ୧୦୧ କୁ ବୃଦ୍ଧି ହୋଇଛି ଆକ୍ରାନ୍ତ ସଂଖ୍ୟା ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.