ଅବସର ଦିନ ଅଫିସରଙ୍କୁ ପୁରସ୍କାରରେ ମିଳିଲା ଜୋତାମାଳ, ଏମିତି ଜବାବ ଦେଲେ କର୍ମଚାରୀ

109

କନକ ବ୍ୟୁରୋ : ରିବାର ଅବଦେ୍ଧଶ ପ୍ରତାପ ସିଂ ବିଶ୍ୱବିଦ୍ୟାଳୟର ଉପ ରେଜିଷ୍ଟାର ଲାଲ ସାହବ ସିଂଙ୍କୁ ତାଙ୍କ ଅବସର ଦିନରେ ତାଙ୍କ ସହ କର୍ମଚାରୀମାନେ ଏଭଳି ବ୍ୟବହାର କରିଛନ୍ତି ଯେ ଯାହା ଏକ ସଭ୍ୟ ସମାଜ ପାଇଁ କେବେ ବି ଗ୍ରହଣ ଯୋଗ୍ୟ ନୁହେଁ । ଅବସର ଦିନ ବିଶ୍ୱବିଦ୍ୟାଳୟର କର୍ମଚାରୀମାନେ ଲାଲ ସାହବ ସିଂଙ୍କୁ ଜୋତାମାଳା ପିନ୍ଧାଇବା ସହ ମୁର୍ଦ୍ଦାବାଦ ନାରା ଲଗାଇଥିଲେ । ଏହାର ଜବାବରେ ଲାଲ ସାହବ ସିଂ କର୍ମଚାରୀମାନଙ୍କୁ ଧନ୍ୟବାଦ ଦେଇଛନ୍ତି । ଏବେ ଏହି ଘଟଣାର ଭିଡିଓ ଭାଇରାଲ ହେବାରେ ଲାଗିଛି ।

କହିରଖୁ କି ଉପ ରେଜିଷ୍ଟାର ଲାଲ ସାହବ ସିଂ ନଭେମ୍ବର ୩୦ ତାରିଖରେ ନିଜ ପଦରୁ ଅବସର ନେଲେ । ଏହି ଅବସରରେ ଅବଦେ୍ଧଶ ବିଶ୍ୱବିଦ୍ୟାଳୟର ପ୍ରଶାସନ ତରଫରୁ ତାଙ୍କ ପାଇଁ ଏକ ବିଦାୟକାଳୀନ ସମ୍ବୋର୍ଦ୍ଧନା ସଭାର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମ ବିଶ୍ୱବିଦ୍ୟାଳୟର ବି.ଆର ମାଥୁର ସଭାକକ୍ଷରେ ଆୟୋଜିତ କରାଯାଇଥିଲା । ହେଲେ କର୍ମଚାରୀ ୟୁନିୟନ ଏହି ସଭାକୁ ବହିସ୍କାର କରିଥିଲା । ସଭା ପରେ ଯେତେବେଳେ ଲାଲ ସାହବ ସିଂ କୁଳପତିଙ୍କ ଦପ୍ତରକୁ ଯାଇଥିଲେ ସେତେବେଳେ କର୍ମଚାରୀମାନେ ତାଙ୍କୁ ଘେରି ଯାଇଥିଲେ । ଏହାପରେ କର୍ମଚାରୀମାନେ ମିଳିତ ଭାବେ ମୁର୍ଦ୍ଦାବାଦ ନାରା ପକାଇବା ସହ କିଛି କର୍ମଚାରୀ ଲାଲ ସାହବ ସିଂଙ୍କ ଗଳାରେ ଜୋତାମାଳ ପିନ୍ଧାଇ ଦେଇଥିଲେ । ଏହାପରେ ଲାଲ ସାହବ ସିଂ ଜୋତାମାଳ ପିନ୍ଧାଇଥିବା କର୍ମଚାରୀଙ୍କୁ ଧନ୍ୟବାଦ ଦେଇ ସେଠାରୁ ବାହାରି ଯାଇଥିଲେ ।

ଏହାର କାରଣ ଭାବେ କୁହାଯାଇଛି କି ଏହା ପୂର୍ବରୁ ବିଶ୍ୱବିଦ୍ୟାଳୟର କିଛି କର୍ମଚାରୀ ସେବା ନିବୃତ୍ତ ହୋଇଥିଲେ । ହେଲେ ବିଶ୍ୱବିଦ୍ୟାଳୟ ପ୍ରଶାସନ ପକ୍ଷରୁ ସେମାନଙ୍କୁ ସମ୍ବୋର୍ଦ୍ଧତ କରିବାକୁ କୌଣସି କାର୍ଯ୍ୟକ୍ରମର ଆୟୋଜନ କରାଯାଇ ନଥିଲା । ଏହାଥିଲା ଅନ୍ୟ କର୍ମଚାରୀଙ୍କ ଅସନ୍ତୋଷର କାରଣ । ସେମାନଙ୍କ ମନରେ ଧାରଣା ଥିଲା ଯେ ଅନ୍ୟ କର୍ମଚାରୀଙ୍କୁ ବିଦାୟକାଳୀନ ସଭାରେ ସମ୍ମାନିତ ନକରିବା ପଛରେ ଉପ ରେଜିଷ୍ଟାର ଲାଲ ସାହବ ସିଂଙ୍କର ପ୍ରମୁଖ ହାତ ରହିଛି । ଏହାସହ ସିଂ ସର୍ବଦା କର୍ମଚାରୀମାନଙ୍କ ବିରୋଧରେ କାମ କରୁଥିବା ନେଇ ଅନ୍ୟ କର୍ମଚାରୀମାନେ ତାଙ୍କ ଉପରେ ଅସନ୍ତୁଷ୍ଟ ଥିଲେ । ଯାହାର ପ୍ରତିବାଦ ସେମାନେ ଏଭଳି କରିବାକୁ ନିଷ୍ପତ୍ତି ନେଇଥିଲେ ।