ସରକାରଙ୍କୁ ସଂଯୁକ୍ତ କିଷାନ ମୋର୍ଚ୍ଚାର ଚେତାବନୀ, ଦାବି ପୂରଣ ନହେଲେ ପହିଲାରୁ ଆନ୍ଦୋଳନ
କନକ ବ୍ୟୁରୋ : ଉତ୍ତର ପ୍ରଦେଶ ଓ ଉତ୍ତରାଖଣ୍ଡପରେ ପୁଣି କୃଷକ ଆନ୍ଦୋଳନ ଆରମ୍ଭ ହେବ । ଏନେଇ ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଆନ୍ଦୋଳନ ସ୍ଥଗିତ ପରେ ଏକ ଆଲୋଚନା ବୈଠକ କରାଯାଇଥିଲା । ଏହି ବୈଠକରେ କୃଷକନେତାମାନେ ଅଭିଯୋଗ ଆଣିଥିଲେ କି ସରକାର ଦେଇଥିବା ପ୍ରତିଶ୍ରୁତି ପାଳନ କରିବାରେ ଟାଳଟୁଳ ନୀତି ଅବଲମ୍ବନ କରୁଛନ୍ତି । ଏହି ବୈଠକରେ ସଂଯୁକ୍ତ କିଷାନ ମୋର୍ଚ୍ଚାର ୪୦ ଟି ଯାକ ସଂଗଠନ ଯୋଗ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବୈଠକ ପରେ ସାମ୍ବାଦିକ ସମ୍ମିଳନୀରେ କିଷାନ ନେତା ୟୁଦ୍ଧବୀର ସିଂ କହିଛନ୍ତି କି ସରକାର ଯେଉଁ ପ୍ରତିଶୃତି ଦେଇଥିଲେ ଏହା ପୁରଣ କରିବାକୁ ସରକାର କୌଣସି କମିଟି ଗଠନ କରି ନାହାଁନ୍ତି । ଏହାସହ ଏନେଇ କୃଷକ ସଂଗଠନ ସହିତ ସରକାର ଯୋଗା ଯୋଗ କରିନଥିବା ୟୁଦ୍ଧବୀର ଅଭିଯୋଗ କରିଛନ୍ତି । ସରକାର ରେଲୱେ ପୋଲିସ ଓ ଦଲ୍ଲୀ ପୋଲିସ ଦ୍ୱାରା କୃଷକମାନଙ୍କ ଉପରେ ହୋଇଥିବା ଅଭିଯୋଗକୁ ଏପର୍ଯ୍ୟନ୍ତ ପ୍ରତ୍ୟାହାର କରିନାହାଁନ୍ତି । କେବଳ ହରିଆଣା ବ୍ୟତୀତ ଅନ୍ୟ ସମସ୍ତ ରାଜ୍ୟରେ ଏବେ ବି କୃଷକମାନଙ୍କ ଉପରେ ମାମଲା ପଡି ରହିଛି ।
ସରକାର କୃଷକ ସଂଗଠନ ସହ କରିଥିବା ବୁଝାମଣା ଉପରେ ଏପଯ ର୍୍ୟନ୍ତ କୌଣସି ପଦକ୍ଷେପ ନେଇ ନଥିବାରୁ ସଂଯୁକ୍ତ କିଷାନ ମୋର୍ଚ୍ଚା ଜାନୁଆରୀ ୩୧ ତାରିଖ ପର୍ଯ୍ୟନ୍ତ ଏନେଇ ସରକାରଙ୍କୁ ମହଲତ ଦେଇଛି । ଯଦି ସରକାର ଜାନୁଆରୀ ୩୧ ମଧ୍ୟରେ ଦେଇଥିବା ପ୍ରତିଶୃତି ପୂରଣ ନକରନ୍ତି ତେବେ ଫେବୃଆରୀ ପହିଲାରୁ ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ସବୁ ଜିଲ୍ଲାର ମୁଖ୍ୟାଳୟରେ ସରକାରଙ୍କ କୁଷପୂତ୍ତଳିକା ଦାହ କରାଯିବ ବୋଲି ଚେତାବନୀ ଦେଇଛି ସଂଯୁକ୍ତ କିଷାନ ମୋର୍ଚ୍ଚା ।
କହିରଖୁ କି କେନ୍ଦ୍ର ସରକାରଙ୍କ ଦ୍ୱାରା ପାରିତ ୩ ଟି କୃଷି ଆଇନକୁ ବିରୋଧ କରି ଦେଶର ୪୦ ଟି କୃଷକ ସଂଗଠନ ସହମତିରେ ସଂଯୁକ୍ତ କିଷାନ ମୋର୍ଚ୍ଚା ଗଠନ କରାଯାଇ ଦେଶର ବିଭିନ୍ନ ସୀମାରେ ୧ ବର୍ଷରୁ ଅଧିକ ହେବ ଆନ୍ଦୋଳନ କରାଯାଇଥିଲା । ଶେଷରେ କୃଷକଙ୍କ ଦାବି ଆଗରେ ମୁଣ୍ଡ ନୁଆଁଇଥିଲେ ସରକାର । ସରକାର କୃଷକଙ୍କ ପ୍ରଥମ ଦାବି କୃଷି କାନୁନ ପ୍ରତ୍ୟାହାର କରିଥିଲେ ବି ଅନ୍ୟ ସମସ୍ତ ଦାବି ଉପରେ ବିଚାର କରିବା ନେଇ ପ୍ରତିଶୃତି ଦେଇଥିଲେ । ଯାହା ଉପରେ ଏପର୍ଯ୍ୟନ୍ତ ସରକାର କୌଣସି ପଦକ୍ଷେପ ନେଇ ନଥିବା ସଂଯୁକ୍ତ କିଷାନ ମୋର୍ଚ୍ଚା ଅଭିଯୋଗ କରିଛି ।