ପଶ୍ଚିମବଙ୍ଗରେ ଅଭାବନୀୟ ଘଟଣା ! ଆଇପିଏସ ଅଫିସର କଲେ ଆତ୍ମହତ୍ୟା, ସୁଇସାଇଡ୍ ନୋଟରେ ମମତା ବାନାର୍ଜୀଙ୍କୁ କଲେ ଦାୟୀ ।
ପଶ୍ଚିମବଙ୍ଗରେ ଅଭାବନୀୟ ଘଟଣା । ପଶ୍ଚିମବଙ୍ଗର ଜଣେ ଆଇପିଏସ ଅଫିସର ଆତ୍ମହତ୍ୟା କରିଛନ୍ତି । ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ଦ୍ବାରା ସେ ସବୁବେଳେ ନିର୍ଯ୍ୟାତିତ ହୋଇଆସୁଥିଲେ, ଏଣୁ ଆତ୍ମହତ୍ୟାର ପଥ ବାଛିଲେ ବୋଲି ସେ ନିଜର ଆତ୍ମହତ୍ୟା ପତ୍ରରେ ଲେଖିଛନ୍ତି । ପୁଲିସ ସୁତ୍ରରୁ ପ୍ରକାଶ ଯେ, ୧୯୮୬ ବ୍ୟାଚର ଆଇପିଏସ ଅଫିସର ଗୌରବ ଦତ୍ତ ବିଗତ କିଛି ମାସ ଧରି ମାନସିକ ଅସ୍ଥିରତା ଦେଇ ଗତି କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତ ୧୯ ତାରିଖରେ ତାଙ୍କ ପତ୍ନି ସଲ୍ଟଲେକ ସ୍ଥିତ ବାସଭବନରୁ ବାହାରକୁ ଯାଇ ଫେରିବା ପରେ ଗୌରବଙ୍କ ମୃତଦେହ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଦେଖିଥିଲେ । ସେ ନିଜର ମଣିବନ୍ଧକୁ କାଟି ଆତ୍ମହତ୍ୟା କରିଥିବା ପୁଲିସ କହିଛି । ତାଙ୍କ ପାଖରୁ ମିଳିଥିବା ଆତ୍ମହତ୍ୟା ପତ୍ର ବା ସୁଇସାଇଡ ନୋଟରେ ସେ ନିଜର ମୃତ୍ୟୁ ପାଇଁ ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କୁ ଦାୟୀ କରିଛନ୍ତି । ତାଙ୍କ ବିରୋଧରେ ଚାଲିଥିବା ୨ଟି ମାମଲାକୁ ଜାଣିଶୁଣି ଚଲାଯାଇଥିଲା । ଏହାକୁ ବନ୍ଦ କରିବାକୁ ମମତା ମନା କରିଦେଇଥିଲେ । ତାଙ୍କ ବିରୋଧରେ ଥିବା ଦୁର୍ନୀତି ମାମଲା ପ୍ରମାଣିତ ହୋଇନଥିବାରୁ ମାମଲାକୁ ବନ୍ଦ କରିବାକୁ ନିଜେ ପୁଲିସ ଡିଜି ସୁପାରିଶ କରିଥିବାବେଳେ ମମତା ତାହାକୁ ମାନିନଥିଲେ । ଗତ ୧୦ ବର୍ଷ ଧରି ତାଙ୍କୁ ଏପରିଭାବେ ନିର୍ଯ୍ୟାତନା ଦିଆଯାଉଥିଲା ବୋଲି ସେ ଲେଖିଛନ୍ତି ।