ବିନମ୍ରତାର ସହ କେଜରିୱାଲଙ୍କୁ ମୁହଁଭଙ୍ଗା ଜବାବ୍ ଦେଲେ ବିଜେପି ନେତା ଗୌତମ ଗମ୍ଭୀର ! କହିଲେ ଗୋଟିଏ ସିଟ୍ ପାଇଁ ଯଦି ଆପଣ ଏତେ ଗମ୍ଭୀର ଅଭିଯୋଗ ଆଣିପାରନ୍ତି ତେବେ…
ପୂର୍ବଦିଲ୍ଲୀରୁ ଲୋକସଭା ନିର୍ବାଚନ ଜିତିଥିବା ବିଜେପି ନେତା ଗୌତମ ଗମ୍ଭୀର ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍ ଙ୍କ ଉପରେ ଖୁବ୍ ବର୍ଷିଛନ୍ତି । ସେ କହିଥିଲେ ମୁଁ ମୁଖ୍ୟମନ୍ତ୍ରୀ ମହୋଦୟଙ୍କୁ କହିବାକୁ ଚାହୁଁଛି ନିର୍ବାଚନ ଆସିବ ଏବଂ ଯିବ । କିନ୍ତୁ ଯେଉଁ ଦିନ ଆପଣ ନିଜ ମାନବିକତା ଏବଂ ବିବେକ ହରାଇଦେବେ ସେହିଦିନ ଆପଣ ସବୁକିଛି ହାରିଯିବେ । ଗୋଟିଏ ସିଟ୍ ପାଇଁ ଯଦି ଆପଣ ଏତେ ଗମ୍ଭୀର ଏବଂ ଲଜ୍ଜାଶୀଳ ଅଭିଯୋଗ ଆଣିପାରିବେ ତେବେ ମୋ ପାଖରେ ଅଧିକ ଶବ୍ଦ ନାହିଁ ଏ ବିଷୟରେ କହିବା ପାଇଁ ।
Kanak News is now on WhatsApp
Join and get latest news updates delivered to you via WhatsApp
Gautam Gambhir: Main CM sahab ko bolna chahunga ki chunaav aenge-jaenge. Jis din aap apna zameer aur imaan haar jaenge us din sab haar jaenge. Ek seat jeetne ke liye agar aap aisa ghinona arop laga sakte hain to mere pas zyada shabd nahi hain un ke baare main baat karne ke liye pic.twitter.com/W1POxEKHOi
— ANI (@ANI) May 25, 2019
ତେବେ ଆପଣଙ୍କୁ କହିରଖୁଛୁ କିଛି ଦିନ ତଳେ ଦିଲ୍ଲୀରେ କିଛି ଚିରକୁଟିକୁ ନେଇ ହଙ୍ଗାମା ହୋଇଥିଲା । ଯେଉଁଥିରେ ଆପ୍ ସଂଯୋଜକ ଅରବିନ୍ଦ କେଜରିୱାଲ୍ ଏବଂ ପାର୍ଟି ପ୍ରତ୍ୟାଶୀ ଆତିଶୀଙ୍କୁ ନେଇ ଅପଶବ୍ଦ ଲେଖା ହୋଇଥିଲା । ଆତିଶୀଙ୍କ ବିରୁଦ୍ଧରେ ଏଥିରେ ଅପଶବ୍ଦ ଲେଖା ହୋଇଥିଲା । ଆପ୍ ଏକ ପ୍ରେସ୍ କନଫରେନ୍ସରେ ପୂର୍ବ ଦିଲ୍ଲୀ ବିଜେପି ପ୍ରାର୍ଥୀ ଗୌତମ ଗମ୍ଭୀରଙ୍କ ଉପରେ ଏହି ଚିରକୁଟି ବାଣ୍ଟିବାର ଅଭିଯୋଗ ଲଗାଇଥିଲା ।
ଏହା ପୂର୍ବରୁ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍ ଏହି ଘଟଣାକୁ ନେଇ ଗୌତମ ଗମ୍ଭୀରଙ୍କୁ ଏକ ଆଇନ୍ ନୋଟିସ୍ ପଠାଇଥିଲେ ଏବଂ ଆଇନର ପ୍ରଶ୍ରୟ ନେବା ପାଇଁ ଧମକ ଦେଇଥିଲେ । ନୋଟିସ୍ ରେ ଏହା ଲେଖାହୋଇଥିଲା ଯେ କେଜରିୱାଲଙ୍କୁ ବ୍ୟକ୍ତିଗତ ଭାବେ କ୍ଷମା ପ୍ରାର୍ଥନା କରନ୍ତୁ । ଏହାକୁ ନେଇ ଗମ୍ଭୀରଙ୍କୁ ନିଜ ସୋସିଆଲ୍ ଆକାଉଣ୍ଟରେ ସଠିକ୍ ତଥ୍ୟ ଦେବା ପାଇଁ ମଧ୍ୟ କୁହାଯାଇଥିଲା ଏବଂ ଏଭଳି କରିବାରେ ଅସଫଳ ରହିବାରୁ ଆଇନର ପ୍ରଶ୍ରୟ ନେବା ପାଇଁ କୁହାଗଲା ।