କନକ ବ୍ୟୁରୋ : ଲକ୍ଷାଧିକ ଟଙ୍କା ମୂଲ୍ୟର ହାତୀ ଦାନ୍ତ ଚୋରା ଚାଲାଣ ସମୟରେ ଧରିଲା ଏସଟିଏଫ ଟିମ । ଗୋଟିଏ ହାତୀ ଦାନ୍ତ ସହ ଚାଲାଣ କରୁଥିବା ଜଣେ ଲୋକକୁ ଗିରଫ କରିଛି ବନ ବିଭାଗ । ପଦ୍ମପୁର ରେଂଜ ଅଧିନସ୍ଥ କେନ୍ଧୁଭଟା ଛକ ନିକଟରେ ଜଣେ ବ୍ୟକ୍ତି ହାତୀ ଦାନ୍ତ ନେଇ ଆସୁଥିବା ଖବର ପାଇ ଏସଟିଏଫ ଟିମ ଓ ପଦ୍ମପୁର ବନବିଭାଗ ଚଢାଉ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ପଦ୍ମପୁର ରେଂଜରଙ୍କ ସୂଚନା ଅନୁସାରେ ଲକ୍ଷାଧିକ ଟଙ୍କା ମୂଲ୍ୟର ଏହି ହାତୀ ଦାନ୍ତର ଓଜନ ୩କେଜି ୩୫୦ ଗ୍ରାମ । ଚାଲଣ କରୁଥିବା ବ୍ୟକ୍ତି ଜଣକ ବଲାଙ୍ଗୀର ଜିଲ୍ଲା ଲରମ୍ଭା ଥାନା ଅଂଚଳର ରମେଶ ପ୍ରଧାନ । ଯେହେତୁ ହାତୀ ଦାନ୍ତ ଚାଲାଣ କରୁଥିବା ବ୍ୟକ୍ତି ଜଣକ ବଲାଙ୍ଗୀର ଜିଲ୍ଲା ଅଂଚଳର ତେଣୁ ବଲାଙ୍ଗୀର ଅଂଚଳରୁ ଚାଲାଣ ହେଉଥିବା ଅନୁମାନ କରାଯାଉଛି । ଅଧିକ ତଦନ୍ତ ଜାରି ରହିଛି ।