ସୋର ରେଳଷ୍ଟେସନରେ ଚାଲିଛି ମରାମତି । ସିଗନାଲ ଖୁଂଟି ସହ ଭାଙ୍ଗିଯାଇଥିବା ଟ୍ରେନର ଅଂଶକୁ କାଟି କରାଯାଉଛି ମରାମତି । ଷ୍ଟେସନର ବିଜୁଳି ଖୁଂଟକୁ ଟ୍ରେନ ଟାଣିନେବା ପରେ ଦବିଯାଇଥିଲା ଫୁଟର ଓଭର ବ୍ରିଜ
କନକ ବ୍ୟୁରୋ: ସୋର ରେଳ ଷ୍ଟେସନରେ ଦୁର୍ଘଟଣା ପରେ ଚାଲିଛି ମରାମତି କାମ । ଓଭର ବ୍ରିଜ୍ ଓ ସିଗନାଲ୍ ଖୁଂଟିର ମରାମତି ଚାଲିଛି । ଟ୍ରେନର ଭାଙ୍ଗି ଯାଇଥିବା ଅଂଶକୁ ଗ୍ୟାସ୍ କଟରରେ କାଟି ବାହାର କରାଯାଉଛି । ଗତକାଲି ଏହି ଦୁର୍ଘଟଣା ଫଳରେ ଏକ ବଡ଼ଧରଣର ଅଘଟଣ ଘଟିଥିଲା । ସୋର ରେଳ ଷ୍ଟେସନ୍ରେ ଏକ ବିଜୁଳି ଖୁଂଟକୁ ଧକ୍କା ଦେଇ ଗତକାଲି ମାଲବାହୀ ଟ୍ରେନ୍ ଚାଲି ଯାଇଥିଲା । ଯାହା ଫଳରେ ଷ୍ଟେସନ୍ରେ ଥିବା ଫୁଟ୍ ଓଭର ବ୍ରିଜ୍ ଦବି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବଡ଼ କଥା ହେଉଛି ଏହି ଫୁଟ ଓଭର ବ୍ରିଜରେ କେହି ଲୋକ ନଥିବାରୁ କେହି ଆହତ କିମ୍ବା ମୃତାହତ ହୋଇନାହାଁନ୍ତି । ଏହି ମାଲବାହୀ ଟ୍ରେନ୍ଟି ଧାମରାରୁ ହଳଦିଆ ଅଭିମୁଖେ ଯାଉଥିଲା । ଟ୍ରେନର ଗୋଟିଏ ଡବା, ଖୋଲାଥିବା କାରଣରୁ ବିଜୁଳି ଖୁଂଟ ସହ ଧକ୍କା ହୋଇଥିଲା । ଏହି ଦୁର୍ଘଟଣା ପରେ ଆଜି ଚାଲିଛି ମରାମତି କାମ ।