ମାଓ ମୁକ୍ତ ହେଲା ରାଜ୍ୟର ଆଉ ୫ ଜିଲ୍ଲା: ମାଓ ପ୍ରବଣ ତାଲିକାରୁ ବାଦ ପଡିଲେ ଅନୁଗୁଳ, ବୌଦ୍ଧ, ସମ୍ବଲପୁର, ଦେବଗଡ ଓ ନୟାଗଡ; ଟୁଇଟ୍ କରି ସୂଚନା ଦେଲେ ପୋଲିସ ଡିଜି

କହିଲେ, ଓଡିଶାକୁ ମାଓମୁକ୍ତ କରିବାକୁ ପ୍ରତିଶ୍ରୁତିବଦ୍ଧ ଓଡିଶା

763

କନକ ବ୍ୟୁରୋ: ମାଓବାଦୀ ପ୍ରଭାବିତ ଅଂଚଳରୁ ମୁକ୍ତ ହେଲା ଆଉ ୫ ଜିଲ୍ଲା । ଏହି ଜିଲ୍ଲାଗୁଡିକ ହେଲା ଅନୁଗୁଳ, ବୌଦ୍ଧ, ସମ୍ବଲପୁର ଦେଓଗଡ ଓ ନୟାଗଡ । ଏହା ସହ ସୁରକ୍ଷା ସମ୍ପର୍କିତ ଖର୍ଚ, ଏସଆରଇ ତାଲିକାରୁ ଏହି ଜିଲ୍ଲାଗୁଡିକୁ ବାଦ ଦିଆଯାଇଛି । ଓଡିଶା ସରକାର ଏଥିପାଇଁ ଆଜ ିମଞ୍ଜୁରୀ ଦେଇଛନ୍ତି । ଏନେଇ ଡିଜିପି ଆଜି ଟ୍ୱିଟ କରିଛନ୍ତି ।

ଏଥିରେ କୁହାଯାଇଛି, ଓଡିଶାକୁ ମାଓବାଦୀ ମୁକ୍ତ ଜିଲ୍ଲା କରିବାକୁ ଓଡିଶା ପୁଲିସ ପ୍ରତିଶ୍ରୁତିବଦ୍ଧ । ବର୍ତମାନ ସୁଦ୍ଧା ରାଜ୍ୟରେ ୧୧ ଜିଲ୍ଲା ମାଓ ମୁକ୍ତ ହୋଇପାରିଛି । ୨ ବର୍ଷ ମଧ୍ୟରେ ଏହା ସମ୍ଭବ ହୋଇପାରିଛି । ପୂର୍ବରୁ ୨୦୧୮ ଏପ୍ରିଲରେ ୬ ଜିଲ୍ଲା ଯାଜପୁର, ଢେଙ୍କାନାଳ, କେଉଁଝର, ମୟୁରଭଞ୍ଜ, ଗଜପତି ଓ ଗଞ୍ଜାମ ମାଓମୁକ୍ତ ଅଂଚଳ ଘୋଷିତ ହୋଇସାରିଛି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.