କରୋନା ଭାଇରସରେ କଲବଲ ଚୀନବାସୀ । ଉହାନରେ ଫସିଥିବା ଶହେ ଭାରତୀୟଙ୍କ ସ୍ୱଦେଶ ଫେରିବା ନେଇ ଦେଖା ଦେଲାଣି ବଡ ସଂକଟ । ଭାରତୀୟ ବିମାନକୁ ପ୍ରବେଶ ପାଇଁ ଅନୁମତି ଦେଉନି ଚୀନ ପ୍ରଶାସନ
କନକ ବ୍ୟୁରୋ: କରୋନା ବଳୟରେ ସାଂଘାତିକ ଭାବେ ଫସିଛି ଚୀନ । ଏପରି ସ୍ଥିତିରେ ଉହାନରେ ଫସିଥିବା ୧୦୦ ଭାରତୀଙ୍କୁ କିପରି ସ୍ୱଦେଶ ଅଣାଯିବ ତାକୁ ନେଇ ଦେଖା ଦେଲାଣି ବଡ ସଂକଟ । ଜାଣିଶୁଣି ଗୋଟିଏ ପଟେ ଭାରତୀୟ ବାୟୁସେନା ବିମାନକୁ ଚୀନରୁ ମିଳୁନି ଅନୁମତି । ସେପଟେ ଭାରତ ଫେରିବା ଆଶାରେ ଉହାନରେ ଅଛନ୍ତି ୧୦୦ ଭାରତୀୟ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଚୀନ ପ୍ରଶାସନ ଉହାନ ଯିବାକୁ ଭାରତୀୟ ବାୟୁସେନା ବିମାନକୁ ଅନୁମତି ଦେବାରେ ଜାଣିଶୁଣି ସମୟ ଗଡାଇ ଚାଲିଛି । ପୂର୍ବନିଷ୍ପତି ଅନୁସାରେ ଭାରତୀୟ ବାୟୁସେନା ବିମାନ ସି ସତର ଗ୍ଲୋବମାଷ୍ଟର ଗତ ୨୦ ତାରିଖରେ ଉଡାଣ ନେବାର ଥିଲା । ହେଲେ ଅନୁମତି ମିଳିନଥିବାରୁ ଏହା ନୂଆଦିଲ୍ଲୀରୁ ଉଡାଣ ନେଇପାରିନି । ଚୀନରେ କରୋନା ଜନିତ ମୃତ୍ୟୁ ସଂଖ୍ୟା ୨୨ ଶହ ଟପି ସାରିଲାଣି । ଆକ୍ରାନ୍ତ ସଂଖ୍ୟା ୪୫ ହଜାର ୩୪୬ ରହିଛି । ପ୍ରକୃତରେ କରୋନା ପ୍ରବଣ ଅଂଚଳ ଉହାନ ପାଇଁ ଭାରତ ଏହି ବିମାନରେ ଔଷଧ ବି ପଠାଇବ । ସେଠାରେ ଥିବା ଭାରତୀୟଙ୍କୁ ବି ସ୍ୱଦେଶ ଆଣିବ ।
ରାଜନୈତିକ କାରଣରୁ ବିମାନ ଚୀନକୁ ଯିବା ନେଇ ଚୀନରୁ ମିଳିପାରୁନି ଅନୁମତି । ଏସବୁ ଭିତରେ ଭାରତର ସହାୟତା ଓ ଚୀନରୁ ଭାରତୀୟଙ୍କୁ ସ୍ୱଦେଶ ଆଣିବା ପ୍ରକ୍ରିୟା ବି ଫସିରହିଛି । ସେପଟେ ଏପରି ଅଭିଯୋଗକୁ ଖଣ୍ଡନ କରିବା ସହ ଦୁଇ ଦେଶର ଅଧିକାରୀ ଏନେଇ ଆଲୋଚନା କରିବାକୁ ବେଜିଂ କହିଛି । ଏଠାରେ ସୂଚନା ଦିଆଯାଇପାରେ ଏୟାର ଇଣ୍ଡିଆ ବିମାନ ଦୁଇ ଥରରେ ଚୀନରୁ ୬୪୦ ଭାରତୀୟଙ୍କୁ ସ୍ୱଦେଶ ଆଣି ସାରିଛି ।