ଗ୍ରାହକଙ୍କ ପାଇଁ ଜିଓର ଆଉ ଏକ ଉପହାର ! ମାର୍କେଟକୁ ଆଣିବ ସିମ୍ ବାଲା ଲାପଟପ ।
ରିଲାଏନ୍ସ ଜିଓ ପ୍ରଥମେ ଜିଓ ସିମ୍ ଏବଂ ପରେ ଜିଓ ମୋବାଇଲ ଫୋନ ଲଞ୍ଚ କରି ଟେଲିକମ୍ ଇଣ୍ଡଷ୍ଟ୍ରିରେ ଏକ ପ୍ରକାର ଭୂମିକମ୍ପ ସୃଷ୍ଟି କରିଥିଲା । ୪ଜି ସର୍ଭିସ ଏବଂ ମୋବାଇଲ ଫୋନ ପରେ କମ୍ପାନୀ କଣ ଲାପଟପ ଆଣିବା ପାଇଁ ପ୍ରସ୍ତୁତି କରୁଛି କି ? ରିପୋର୍ଟ ଅନୁସାରେ, ମୁକେଶ ଅମ୍ବାନୀଙ୍କ କମ୍ପାନୀ ରିଲାଏନ୍ସ ଜିଓ ସେଲୁଲାର କନେକସନ୍ ବାଲା ଲାପଟପ ଆଣିବା ପାଇଁ ପ୍ରସ୍ତୁତି କରୁଛି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟରେ କୁହାଯାଇଛି ଯେ, ରିଲାଏନ୍ସ ଜିଓ ସିମ୍ ବାଲା ଲାପଟପ ଆଣିବା ପାଇଁ ଏକ ଆମେରିକୀୟ ପ୍ରୋସେସର କମ୍ପାନୀ ସହ କଥାବାର୍ତ୍ତା ଚାଲିଛି । ଏଥିରେ Windows ୧୦ ରହିବ ଏବଂ ବ୍ୟବହାରକାରୀ ଏଥିରେ ସିମ ଲଗାଇପାରିବେ । ରିଲାଏନ୍ସ ଜିଓ ପକ୍ଷରୁ ଏପର୍ଯ୍ୟନ୍ତ ଏହି ବାବଦରେ କୌଣସି ସୂଚନା ଦିଆଯାଇନାହିଁ । କିନ୍ତୁ ଏକ ଆମେରିକୀୟ ପ୍ରୋସେସର କମ୍ପାନୀର ଜଣେ ଅଧିକାରୀ କହିଛନ୍ତି ଯେ, ସେ ଜିଓ ସହ କଥାବାର୍ତ୍ତା କରୁଛନ୍ତି । ସେ କହିଛନ୍ତି ଯେ, ସେ ଡିଭାଇସ ନେଇ ଡାଟା ଏବଂ କଣ୍ଟେଣ୍ଟ ବିକ୍ରି କରିପାରନ୍ତି ।
ଇଟି ର ଏକ ରିପୋର୍ଟ ଅନୁଯାୟୀ, ଆମେରିକୀୟ କମ୍ପାନୀ ପକ୍ଷରୁ କୁହାଯାଇଛି ଯେ, ସେମାନେ ଭାରତୀୟ ସ୍ମାର୍ଟଫୋନ ମେକର ସ୍ମାଟ୍ରୋନ ସହ କଥାବାର୍ତ୍ତା କରୁଛନ୍ତି ଯେମିତି କି ସେଲୁଲାର କନେକ୍ଟିଭିଟି ବାଲା ଲାପଟପ ଅଣାଯାଇପାରିବ ଏବଂ ଏଥିରେ ସ୍ମାପଡ୍ରାଗନ ୮୩୫ ପ୍ରୋସେସର ଦିଆଯାଇପାରିବ ।
ରିପୋର୍ଟ ଅନୁଯାୟୀ, ରିଲାଏନ୍ସ ଜିଓ ପାଇଁ ଆଗାମୀ ସବୁଠାରୁ ବଡ ପ୍ରୋଜେକ୍ଟ ଲାପଟପ ରହିବ । ଯାହାକି କମ୍ପାନୀକୁ ଆଭରେଜ ରେଭେନ୍ୟୁ ପ୍ରତି ୟୁଜର୍ସ ବଢାଇବାରେ ସାହାଯ୍ୟ ମିଳିବ । ତେବେ ମାର୍କେଟରେ ସେଲୁଲାର କନେକ୍ଟିଭିଟି ବାଲା ଟ୍ୟାବଲେଟ ରହିଛି କିନ୍ତୁ ଲାପଟପ ନାହିଁ । ଯଦି ଜିଓ ଏହାକୁ ଲଞ୍ଚ କରେ ତେବେ ନିଶ୍ଚିତ ଭାବେ କିଛି ନୂଆ ପ୍ଲାନ ମଧ୍ୟ ଲଞ୍ଚ କରିବ । କାହିଁକି ନା କମ୍ପ୍ୟୁଟରରେ ମୋବାଇଲ ଅପେକ୍ଷା ଅଧିକ ଡାଟା ବ୍ୟବହାର ହୋଇଥାଏ । ଆଉ ଏଥି ପାଇଁ କେବଳ କମ୍ପ୍ୟୁଟର ବ୍ୟବହାରକାରୀଙ୍କ ପାଇଁ ଜିଓ ଅଲଗା କିଛି ପ୍ଲାନ ଲଞ୍ଚ କରିପାରେ ।