ଟଙ୍କା ପାଇଁ କାକା-ଖୁଡ଼ିଙ୍କୁ ମିଳିମିଶି ମାରିଥିଲେ ପୁତୁରା ଝିଆରି । ବ୍ରଜରାଜନଗର ଦମ୍ପତିଙ୍କୁ ହତ୍ୟାକାଣ୍ଡର ପର୍ଦ୍ଦାଫାଶ କଲା ପୁଲିସ । ୨ ପୁତୁରା ଏବଂ ୩ ଝିଆରିଙ୍କୁ ଗିରଫ ପରେ ନ୍ୟାୟିକ ପ୍ରକ୍ର୍ରିୟା ଜାରି ।
କନକ ବ୍ୟୁରୋ : ଝାରସୁଗୁଡ଼ା ଜିଲ୍ଲା ବ୍ରଜରାଜନଗରରେ ଦମ୍ପତିଙ୍କୁ ହତ୍ୟା ଘଟଣାର ପର୍ଦ୍ଦାଫାଶ କରିଛି ପୁଲିସ୍ । କକା-ଖୁଡ଼ିଙ୍କୁ ହତ୍ୟା ଅଭିଯୋଗରେ ୫ଜଣ ଝିଆରି ଏବଂ ପୁତୁରାଙ୍କୁ ଗିରଫ କରିଛି ଝାରସୁଗୁଡ଼ା ପୁଲିସ । ୨ ପୁତୁରା, ଏବଂ ୩ ଝିଆରିଙ୍କୁ ଗିରଫ କରିଛି ପୁଲିସ୍ । ହତ୍ୟାକାଣ୍ଡରେ ବ୍ୟବହାର ହୋଇଥିବା ମାରଣାସ୍ତ୍ର ମଧ୍ୟ ଜବତ କରାଯାଇଛି । ପାରିବାରିକ କଳହରୁ ଏହି ହତ୍ୟାକାଣ୍ଡ ହୋଇଥିବା ପୁଲିସ୍ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଝାରସୁଗୁଡ଼ା ଜିଲ୍ଳା ରାମପୁର ଫାଣ୍ଡି ପଞ୍ଜାବୀ ଧଉଡ଼ାର ଗିରିବର ଦାସ ପେନେକା ଏବଂ ତାଙ୍କ ସ୍ତ୍ରୀ ଗୀତା ଦାସ ପେନେକାଙ୍କ ଅଦ୍ଧଦଗ୍ଧ ମୃତଦେହ ଉଦ୍ଧାର ହୋଇଥିଲା । ଆଉ ପୁଲିସ ତଦନ୍ତ ପରେ ଏହା ଦୁର୍ଘଟଣାବଶତଃ ମୃତ୍ୟୁ ନୁହେଁ ବରଂ ହତ୍ୟାକାଣ୍ଡ ବୋଲି ସ୍ପଷ୍ଟ କରିଛି ପୁଲିସ୍ । ଟଙ୍କା ଭାଗବଂଟାକୁ କେନ୍ଦ୍ର କରି ଏହି ହତ୍ୟାକାଣ୍ଡ ହୋଇଥିବା ଜଣାପଡ଼ିଛି ।
ଏହି ଘଟଣାରେ ମୃତ ଗିରିବରଙ୍କ ୫ ଜଣ ଝିଆରି-ପୁତୁରାଙ୍କୁ ପୁଲିସ୍ ଗିରଫ କରି କୋର୍ଟ ଚାଲାଣ କରିଛି । ଗିରଫ୍ ହୋଇଥିବା ୫ ଜଣ ହେଲେ ପୁତୁରା ଦୀପକ ଦାସ ପେନେକା, ରାହୁଲ ଦାସ ପେନେକା, ଝିଆରି ମିରନ ଦାସ ପେନେକା, ସୁନିତା ଦାସ ପେନେକା ଏବଂ ସୁପ୍ରିୟା ଦାସ ପେନେକା ।
ମିଳିଥିବା ସୂଚନା ଅନୁସାରେ ମୃତକଙ୍କ ବାପା ଏମ୍ସିଏଲ୍ରେ କାମ କରୁଥିଲେ । ତାଙ୍କ ମୃତ୍ୟୁ ପରେ ସେ ପାଇଥିବା ଅବସରକାଳୀନ ଟଙ୍କାର ଭାବବଂଟାକୁ ନେଇ ଭାଈ-ଭାଇ ମାନଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ହତ୍ୟା କରିଥିବା ଝିଆରି-ପୁୁତୁରାମାନେ ଟଙ୍କା ପାଇଁ କାକାଙ୍କୁ ଟାର୍ଗେଟ୍ କରିଥିଲେ । ଆଉ ଏମାନେ ମିଳିତାଭବେ ପ୍ରଥମେ ମାରଣାସ୍ତ୍ରରେ ପିଟି ପିଟି ଆହତ କରିବା ପରେ ତଂଟି ଚିପି ହତ୍ୟାକରିଥିଲେ । ପରେ ପ୍ରମାଣ ନଷ୍ଟ କରିବା ପାଇଁ କୋଇଲା ଚୁଲାରେ ପୋଡ଼ିଦେବାକୁ ଉଦ୍ୟମ କରିଥିଲେ ।