ମହାରାଷ୍ଟ୍ର ମହାନାଟକ : ପ୍ରତିକ୍ରିୟା ରଖିଲେ ସୁପ୍ରିୟା ସୁଲେ; କହିଲେ ଅଜିତଙ୍କ ସହ ସମ୍ପର୍କ ଭଲ ରହିଛି ଏବଂ ଆଗକୁ ଭଲ ରହିବ

କନକ ବ୍ୟୁରୋ : ମହାରାଷ୍ଟ୍ରରେ ରବିବାର ଯେଉଁ ରାଜନୈତିକ ଝଡ଼ ଆସିଥିଲା, ତାହା କେହି କେବେ କଳ୍ପନା କରିନଥିଲେ । ହଠାତ୍ ଏନସିପି ନେତା ଅଜିତ ପାୱାର ନିଜ ସମର୍ଥକ ବିଧାୟକଙ୍କ ସହ ରାଜଭବନ ପହଞ୍ଚିଥିଲେ ଏବଂ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ । ଯାହା ପରେ ରାଜନୀତି ସରଗରମ ହୋଇଛି ।

ମହାରାଷ୍ଟ୍ର ରାଜନୀତିରେ ଏଭଳି ଘଟଣାକୁ ଦୁର୍ଭାଗ୍ୟଜନକ କହିଛନ୍ତି ଏନସିପିର କାର୍ଯ୍ୟକାରୀ ଅଧ୍ୟକ୍ଷ ସୁପ୍ରିୟା ସୁଲେ । କହିଛନ୍ତି, ଅଜିତ୍ ପାୱାରଙ୍କ ପ୍ରତି ସର୍ବଦା ତାଙ୍କ ଭଲପାଇବା ରହିଛି । ତାଙ୍କ ସହ କୌଣସି ମତଭେଦ ନାହିଁ । ଯଦି ଅଜିତ ପାୱାର ଫେରନ୍ତି, ବହୁତ ଖୁସି ହେବେ ବୋଲି ସୁପ୍ରିୟା କହିଛନ୍ତି । ସୁପ୍ରିୟା ଆହୁରି କହିଛନ୍ତି, ଅଜିତ ପାୱାର ଏବେବି ତାଙ୍କ ଭାଇ ହୋଇ ରହିଛନ୍ତି । ଆଗକୁ ମଧ୍ୟ ଉଭୟଙ୍କ ସମ୍ପର୍କ ଭଲ ରହିବ ।