କାଳ ହେଲା କରୋନା । ଡିଲରଙ୍କ ପାଖରେ ମହଜୁଦ ଅଛି ଅନେକ ବିଏସ-୪ ଗାଡି, ବିକ୍ରି କରିବାର ଡେଡଲାଇନ ମାର୍ଚ୍ଚ ୩୧ ! ତେବେ ଗାଡି ଗୁଡିକ କଣ ନଷ୍ଟ ହେବ ?

20,419

କନକ ବ୍ୟୁରୋ : ପୂର୍ବରୁ ମାନ୍ଦା ଅବସ୍ଥାରେ ଚାଲିଥିବା ଅଟୋ ସେକ୍ଟରକୁ କରୋନା ଏକ ବଡ଼ ଝଟକା ଦେଇଛି। ସମଗ୍ର ଦେଶରେ ଲକଡାଉନ ଯୋଗୁଁ ସମସ୍ତ ଶୋ’ରୁମ୍ ବନ୍ଦ ରହିଛି । ଅନେକ ପ୍ଲାଣ୍ଟରେ କାମ ମଧ୍ୟ ବନ୍ଦ ହୋଇଯାଇଛି । ଏପରି ପରିସ୍ଥିତିରେ, ସେହି ଯାନଗୁଡିକର କ’ଣ ହେବ, ଯାହାର ବିକ୍ରୟ ପାଇଁ ୩୧ ମାର୍ଚ୍ଚ ଶେଷ ସମୟସୀମା ଅଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ବିଏସ୍ ୪ ଗାଡି ୩୧ ମାର୍ଚ୍ଚ ୨୦୨୦ ପରେ ପଞ୍ଜୀକୃତ ହେବ ନାହିଁ। କିନ୍ତୁ ଡିଲରମାନଙ୍କର ବହୁ ସଂଖ୍ୟକ ବିଏସ୍ ୪ ଦୁଇ ଚକିଆ ଏବଂ ଚାରି ଚକିଆ ଷ୍ଟକ୍ ଅଛି। କାର୍ ଓ ବାଇକ୍ ଡିଲରମାନେ ଆଶା କରୁଥିଲେ ଯେ ଯାହା ଷ୍ଟକ୍ ଅଛି ତାହା ମାର୍ଚ୍ଚ ୩୧ ସୁଦ୍ଧା ବିକ୍ରି ହେବ, ଏଥିପାଇଁ ଡିଲରଙ୍କ ଠାରୁ ବିଏସ୍ ୪ ଗାଡି ଉପରେ ଲୋଭନୀୟ ଅଫର ଦିଆଯାଉଥିଲା ।

କିନ୍ତୁ କରୋନା ସଙ୍କଟ କାରଣରୁ ଶୋ’ରୁମକୁ ବନ୍ଦ କରିବାକୁ ପଡିଛି । ଅନେକ ଡିଲରଙ୍କ କହିବା ଅନୁଯାୟୀ ଗତ ୧୫ ଦିନ ଧରି କରୋନା ଭୟ ଯୋଗୁଁ ଲୋକମାନେ ସୋ’ରୁମରେ ପହଞ୍ଚି ନଥିଲେ। ଏଭଳି ପରିସ୍ଥିତିରେ ମାର୍ଚ୍ଚ ୩୧ ପରେ ଷ୍ଟକରେ ଥିବା କାର ଏବଂ ବାଇକ୍ ସେମାନେ କ’ଣ କରିବେ? କାରଣ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ୩୧ ମାର୍ଚ୍ଚ ପରେ ଏହାକୁ ବିକ୍ରି କରିହେବ ନାହିଁ । ତେବେ ତାଲା ପକାଇବା ପୂର୍ବରୁ ଫେଡେରେସନ୍ ଅଫ୍ ଅଟୋମୋବାଇଲ୍ ଡିଲର୍ସ ଆସୋସିଏସନ୍ (ୠଇଊଇ) ସୁପ୍ରିମକୋର୍ଟଙ୍କ ନିକଟକୁ ଯାଇ ମେ ମାସ ଶେଷ ପର୍ଯ୍ୟନ୍ତ ବିଏସ୍ ୪ ଗାଡି ବିକ୍ରି ଜାରି ରଖିବାକୁ ନିବେଦନ କରିଛି। କିନ୍ତୁ ଏ ପର୍ଯ୍ୟନ୍ତ କୌଣସି ରାୟ ସୁପ୍ରିମକୋର୍ଟ ଦେଇନାହାନ୍ତି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.