କରୋନା ଚିନ୍ତା ଭିତରେ ଆଶ୍ୱସ୍ତିର ଖବର: ବିଶ୍ୱରେ ସୁସ୍ଥତା ସଂଖ୍ୟାରେ ଶୀର୍ଷରେ ଭାରତ, ୯୦% ଆକ୍ରାନ୍ତ ସୁସ୍ଥ; ଆମେରିକାରେ ସୁସ୍ଥ ହାର ମାତ୍ର ୬୫%
କନକ ବ୍ୟୁରୋ: ବିଶ୍ୱରେ କରୋନା ଆକ୍ରାନ୍ତ ସୁସ୍ଥତା ହାରରେ ଭାରତ ଏନ ନୂଆ ରେକର୍ଡ କରିଛି । ଭାରତରେ କରୋନା ସୁସ୍ଥ ହାର ୯୦ ପ୍ରତିଶତ ହୋଇଛି । ବର୍ତମାନ ସୁଦ୍ଧା ଦେଶରେ କରୋନା ସଂକ୍ରମିତ ହୋଇଥିବା ମୋଟ ରୋଗୀଙ୍କ ମଧ୍ୟରୁ ୯୦ ପ୍ରତିଶତ ବା ୭୦ ଲକ୍ଷ ୭୮ ହଜାର ୧୨୩ ଜଣ ସୁସ୍ଥ ହୋଇଛନ୍ତି । ଅନ୍ୟପଟେ ଏବେ ମୋଟ ସଂକ୍ରମିତଙ୍କ ମଧ୍ୟରୁ ମୋଟ ୮ ଦଶମିକ ୫୦ ପ୍ରତିଶତ ବା ୬ ଲକ୍ଷ ୬୮ ହଜାର ୧୫୪ ଜଣ ସଂକ୍ରମିତ ଅଛନ୍ତି । ତେବେ ମହାମାରୀ କରୋନା ଯୋଗୁଁ ଦେଶରେ ମୋଟ ଆକ୍ରାନ୍ତଙ୍କ ମଧ୍ୟରୁ ୧ ଦଶମିକ ୫୧ ପ୍ରତିଶତ ବା ୧ଲକ୍ଷ ୧୮ ହଜାର ୫୩୪ ଜଣଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଆଜି କରୋନା ଯୋଗୁଁ ମାତ୍ର ୫୭୮ ଜଣଙ୍କର ମୃତ୍ୟୁ ହୋଇଛି ଏବଂ ୫୦ ହଜାର ୧୨୯ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛି । ତେବେ ୱାର୍ଲ୍ଡୋମିଟରର ତଥ୍ୟ ଅନୁସାରେ ବ୍ରାଜିଲରେ ଏହା ୮୯.୫ ପ୍ରତିଶତ ରହିଥିବା ବେଳେ ଋଷିଆରେ ୭୫.୫ ପ୍ରତିଶତ ରହିଛି । କିନ୍ତୁ ଆକ୍ରାନ୍ତ ସଂଖ୍ୟାରେ ଶୀର୍ଷରେ ଥିବା ଆମେରିକା କ୍ଷେତ୍ରରେ ସୁସ୍ଥତା ହାର ବେଶ୍ କମ୍ । ଏହି ଦେଶରେ ଏହା ମାତ୍ର ୬୫ ପ୍ରତିଶତ ରହିଛି । ଭାରତରେ ସୁସ୍ଥତା ହାର ସର୍ବାଧିକ ରହିଛି ।