ସାବଧାନ ! ସ୍ୱାସ୍ଥ୍ୟ ବୀମା କରାଇବା ପୂର୍ବରୁ ପ୍ରଥମେ ପଢ଼ି ନିଅନ୍ତୁ ଏହି ଖବର, ନହେଲେ ଭୋଗିପାରନ୍ତି ଅସୁବିଧା
ସ୍ୱାସ୍ଥ୍ୟ ବୀମା ପ୍ରତ୍ୟେକ ଲୋକଙ୍କ ଜୀବନରେ ଏକ ଜରୁରୀ ନୀତି । କେବେ ଓ କେଉଁଠି ଆପଣଙ୍କୁ ସ୍ୱାସ୍ଥ୍ୟ ପାଇଁ କେତେ ଟଙ୍କାର ଆବଶ୍ୟକତା ପଡିଯାଏ, ଏହା ବିଷୟରେ କିଛି ଜଣା ନାହିଁ । ହସପିଟାଲର ବଢ଼ୁଥିବା ଖର୍ଚ୍ଚକୁ ଦେଖିଲେ ସ୍ୱାସ୍ଥ୍ୟ ବୀମା ଆଜିକାଲିର ଯୁଗରେ ଏକ ମୁଖ୍ୟ ଆବଶ୍ୟକତା ପାଲଟିଯାଇଛି । ଆଜିକାଲି ମାର୍କେଟରେ ଅନେକ ପ୍ରକାରର ସ୍ୱାସ୍ଥ୍ୟ ବୀମା ଅଛି, କିନ୍ତୁ ଏହି ବୀମାକୁ କିଣିବା ସମୟରେ ଆପଣଙ୍କୁ କିଛି ସାବଧାନତା ଅବଲମ୍ବନ କରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟ ବୀମା ନେବା ପୂର୍ବରୁ ଧ୍ୟାନ ରଖନ୍ତୁ କି ଯଦି ଆପଣ ପ୍ରଥମରୁ କୈାଣସି ପ୍ରକାରର ରୋଗ ଯେମିତି ଡାଇବେଟିସ ବା ଆସ୍ଥମାରେ ପୀଡିତ ଅଛନ୍ତି, ତେବେ ଏହି କଥାର ଖୁଲାସା ନିଶ୍ଚୟ କରନ୍ତୁ । ଯଦି ଆପଣ ଏମିତି କରୁନାହଁନ୍ତି, ତେବେ କ୍ଲେମ ସମୟରେ ଆପଣଙ୍କୁ ସେହି ରୋଗର ପେମେଣ୍ଟ କରାଯିବନି । ବୀମା ନେବା ସମୟରେ କୁହାଯାଇଥିବା ରୋଗର କେବଳ ୩ରୁ ୫ ବର୍ଷ ପର୍ଯ୍ୟନ୍ତ ହିଁ କଭର କରାଯିବ ।
ସର୍ବନିମ୍ନ ପ୍ରତୀକ୍ଷା ଅବଧି : ପ୍ରତି ବର୍ଷ ଆପଣଙ୍କ ପଲିସିର ସମୀକ୍ଷା ଏବଂ ତାହାର ନବୀକରଣ କରାଯାଏ । ପ୍ରଥମ ବର୍ଷରୁ ହିଁ ଆପଣଙ୍କ ପଲିସି ପ୍ରଭାବୀ ମନାଯାଏ, ଯାହା ପ୍ରତି ବର୍ଷ ସେହି ସମୟରେ ପେମେଣ୍ଟ କରିବା ପରେ ରିନ୍ୟୁ ହୁଏ । କିନ୍ତୁ ରିନ୍ୟୁ ହେବା ସମୟରେ ଆପଣଙ୍କ ଗତ ବର୍ଷର କ୍ଲେମକୁ ଯାଂଚ କରାଯାଏ ଏବଂ ସେହି ଅନୁସାରେ ଆପଣଙ୍କ ପ୍ରିମିୟମର ଦର ବଢ଼ିପାରେ ।
ଲୋଡିଙ୍ଗ ୱିଦ ଏଜ : ଅଧିକ ଆୟୁ ଥିବା ବ୍ୟକ୍ତିର ପ୍ରିମିୟମ, କମ ଆୟୁ ଥିବା ବ୍ୟକ୍ତିର ପ୍ରିମିୟମ ଠାରୁ ଅଧିକ ଥାଏ, ଯାହାକୁ ଲୋଡିଙ୍ଗ ବୋଲାଯାଏ । ଉଦାହରଣ ସ୍ୱରୂପ, ଯଦି ଆପଣ ୩୫-୪୦ ଆୟୁରେ କୈାଣସି ସ୍ୱାସ୍ଥ୍ୟ ବୀମାର ଆରମ୍ଭ କରିଛନ୍ତି, ତେବେ ଆପଣଙ୍କୁ ପ୍ରିମିୟମ ୨୫-୩୦ ଆୟୁରେ ଆରମ୍ଭ କରିଥିବା ବ୍ୟକ୍ତିଙ୍କ ମୁକାବିଲାରେ ଅଧିକ କରିବାକୁ ପଡିବ ।
ଭର୍ତ୍ତି ହେଲେ ବି ମିଳିବ ପେମେଣ୍ଟ : ଯଦି ଆପଣ ହସପିଟାଲରେ ୨୪ ଘଣ୍ଟାରୁ ଅଧିକ ସମୟ ବିତାଇଛନ୍ତି, ତେବେ ହି ଆପଣ ମେଡିକ୍ଲେମ କରିପାରିବେ । ଯଦି ଆପଣଙ୍କ ଉପଚାର ୨୪ ଘଣ୍ଟା ପୂର୍ବରୁ ପୂରା ହୋଇଯିବ, ତେବେ ଆପଣ ମେଡିକ୍ଲେମ କରିପାରିବେ ନାହିଁ ।