ମୋ ଉପରେ ଆସ୍ଥା ପ୍ରକଟ କରିଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ । ସ୍ୱାମୀଙ୍କ ଅଧୁରା ସ୍ୱପ୍ନକୁ ପୂରଣ କରିବି : ଅଳକା ମହାନ୍ତି
କନକ ବ୍ୟୁରୋ : ବ୍ରଜରାଜନଗର ଉପ-ନିର୍ବାଚନ ପାଇଁ ବିଡେଡି ପ୍ରାର୍ଥୀ ଘୋଷଣା କରିଛି । ସ୍ୱର୍ଗତ କିଶୋର ମହାନ୍ତିଙ୍କ ପତ୍ନୀ ଅଳକା ମହାନ୍ତିଙ୍କୁ ପ୍ରାର୍ଥୀ ଭାବେ ଘୋଷଣା କରିଛି ବେଜେଡି । ପଶ୍ଚିମ ଓଡିଶାର ପ୍ରମୁଖ ଚେହେରା ସ୍ୱର୍ଗତ କିଶୋର ମହାନ୍ତିଙ୍କ ଧର୍ମପତ୍ନୀ ଅଳକା ମହାନ୍ତିଙ୍କୁ ମୈଦାନକୁ ଓହ୍ଲାଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଶାସକ ଦଳ ପକ୍ଷରୁ କାହାକୁ ପ୍ରାର୍ଥୀ କରାଯିବ, ତାହା ଉପରେ ସଭିଁଙ୍କ ନଜର ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ଚର୍ଚ୍ଚା ହେଉଥିଲା ଝାରସୁଗୁଡାର ଟାଣୁଆ ନେତା ତଥା ରାଜ୍ୟସରକାରଙ୍କ ମନ୍ତ୍ରୀ ନବ ଦାସଙ୍କ ଝିଅ ଦୀପାଳି ଦାସଙ୍କୁ ଟିକେଟ ମିଳିପାରେ । ହେଲେ ଏଠି ଅଳକା ମହାନ୍ତିଙ୍କ ନାଁ ଘୋଷଣା କରି, ପୂର୍ବ ଫର୍ମୁଲାକୁ ପୁଣି ଦୋହରାଇଛି ବିଜୁ ଜନତା ଦଳ । ଶାସକ ଦଳ ପକ୍ଷରୁ ନାଁ ଘୋଷଣା ପରେ ଗଣମାଧ୍ୟମକୁ ସମ୍ବୋଧନ କରି ଅଳକା କହିଛନ୍ତି – ରାଜନୀତିକୁ ଆସି ସ୍ୱାମୀଙ୍କ ଅଧୁରା ସ୍ୱପ୍ନକୁ ପୂରଣ କରିବେ ।
ଅଳକା ମହାନ୍ତି ବ୍ରଜରାଜନଗର ଉପ-ନିର୍ବାଚନ ପାଇଁ ବିଜେଡି ତରଫରୁ ମଇଦାନକୁ ଓହ୍ଲାଇବେ ।
– ସ୍ୱର୍ଗତ କିଶୋର ମହାନ୍ତିଙ୍କ ପତ୍ନୀ ଅଳକା ମହାନ୍ତି
– ବ୍ରଜରାଜନଗର ବିଧାୟକ କିଶୋର ମହାନ୍ତିଙ୍କ ପରଲୋକ ପରେ, ପତ୍ନୀ ଅଳକା ମହାନ୍ତି ରାଜନୀତିରେ ପାଦ ଥାପିଛନ୍ତି
– ଅଳକାଙ୍କ ଜନ୍ମ ୫ମେ ୧୯୭୦ରେ ସମ୍ବଲପୁର ପଟ୍ଟନାୟକପଡାରେ ହୋଇଥିଲା
– ଅଳକା ଲେଡି ଲୁଇସ ଗାର୍ଲସ୍ ହାଇସ୍କୁଲରୁ ନିଜ ସ୍କୁଲ ପାଠପଢା ଶେଷ କରିଛନ୍ତି
– ସମ୍ବଲପୁର ମହିଳା ମହାବିଦ୍ୟାଳୟରୁ ନିଜ ସ୍ନାତକ ଡିଗ୍ରୀ ହାସଲ କରିଛନ୍ତି
– ଡିସେମ୍ବର୪, ୧୯୯୯ରେ କିଶୋର ମହାନ୍ତିଙ୍କୁ ବିବାହ କରିଥିଲେ
– ପ୍ରତ୍ୟକ୍ଷ ରାଜନୀତିରେ ପୂର୍ବରୁ କେବେ ବି ଜଡିତ ହୋଇ ନାହାଁନ୍ତି ଅଳକା
– ୨୦୧୯ ନିର୍ବାଚନବେଳେ ସ୍ୱାମୀ କିଶୋର ମହାନ୍ତିଙ୍କ ପାଇଁ ପ୍ରଚାର କରିଥିଲେ
– କିନ୍ତୁ ବିଭିନ୍ନ ସମୟରେ ସ୍ୱାମୀଙ୍କ ସହ ରହି ରାଜନୀତିକୁ ଅତି ନିକଟରୁ ଦେଖିଛନ୍ତି