ଢେଙ୍କାନାଳ ବଳରାମପୁରରେ ଆରଡିସି: ଜଙ୍ଗଲ ବୁଲି ଦେଖିବା ସହ ଗଛ କଟା ନେଇ ଗାଁ ଲୋକଙ୍କ ସହ କଲେ ଆଲୋଚନା
ଗାଁରେ ବସିଲା ସଭା
କନକ ବ୍ୟୁରୋ: ଢେଙ୍କାନାଳ ବଳରାମପୁରରେ ବିୟର ଫ୍ୟାକ୍ଟ୍ରି ବାତିଲ ହେବା ପରେ ଆଜି ଆରଡିସି ଘଟଣାସ୍ଥଳରେ ପହଞ୍ଚି ଗ୍ରାମବାସୀଙ୍କ ସହ ଆଲୋଚନା କରୁଛନ୍ତି । ଆରଡିସି ଡି ଭି ସ୍ୱାମୀ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁସାରେ ବଳରାମପୁରରେ ପହଚିଂଛନ୍ତି । ଜଙ୍ଗଲ ବୁଲି ଦେଖିବା ସହ ଗଛ କଟା ଘଟଣାକୁ ନେଇ ସ୍ଥାନୀୟ ଲୋକଙ୍କ ସହିତ ଆଲୋଚନା କରିଛନ୍ତି । ବହୁ ବାଦ ବିବାଦରେ ପରେ ଢେଙ୍କାନାଳ ବଳରାମପୁରରେ ବିୟର ଫ୍ୟାକ୍ଟ୍ରିକୁ ଗତକାଲି ବାତିଲ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବିୟର ଫ୍ୟାକ୍ଟ୍ରି ପାଇଁ ଗଛ କଟାକୁ ବନ୍ଦ କରିବାକୁ ନିର୍ଦ୍ଦେଶ ଦିଆଯିବା ପରେ ବଟଲିଂ ପ୍ଲାଂଟ ପ୍ରକଳ୍ପକୁ ଅନ୍ୟତ୍ର ଜାଗା ଦେବାକୁ ସରକାର ନିର୍ଦ୍ଦେଶ ଦେଇଛନ୍ତି । ଆରଡିସି ସ୍ତରୀୟ ତଦନ୍ତ ଆଧାରରେ ରାଜ୍ୟ ସରକାର ଏହି ନିର୍ଦ୍ଦେଶ ଦେଇଥିଲେ । ଶନିବାର ଦିନ ଗଛ କଟାକୁ ବିରୋଧ କରି ଢେଙ୍କାନାଳ ବଳରାମପୁରରେ ପୁଲିସ-ଗ୍ରାମବାସୀ ମୁହାଁମୁହିଁ ହୋଇଥିଲେ ।
ଇଡକୋ ଦ୍ୱାରା ଗୃହିତ ବିୟର କମ୍ପାନୀ ଓ ବଟଲିଂ ପ୍ଲାଂଟ ପାଇଁ ଗଛ କଟାଯାଉଥିବା ବେଳେ ମହିଳାମାନେ ଠେଙ୍ଗା ବାଡି ଧରି ଜଙ୍ଗଲରେ ପହଚିଂଥିଲେ । ପୁଲିସ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲା । ଏହାକୁ ନେଇ ଉଭୟଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା ।