ଦେବଦତ୍ତଙ୍କ ଧୂଆଁଧାର ଶତକ । ୧୦ ୱିକେଟରେ ବିଜୟୀ ହେଲା ବାଙ୍ଗାଲୋର । ପଏଣ୍ଟ ଟେବୁଲ ଟପରେ ରୟାଲ ଚାଲେଞ୍ଜର୍ସ ।
କନକ ବ୍ୟୁରୋ: ଦେବଦତ୍ତଙ୍କ ଧୂଆଁଧାର ଇଂନିସରେ ବିଜୟୀ ହେଲା ବାଙ୍ଗାଲୋର । ଆଜି ରାଜସ୍ଥାନ ରୟାଲ୍ସକୁ ୧୦ ୱିକେଟରେ ମାତ୍ ଦେଇଛି ବିରାଟ ବାହିନୀ । ଦଳ ତରଫରୁ ଯୁବ ଓପନର ଦେବଦତ୍ତ ପାଡିକଲ ଶତକ ହାସଲ କରିଥିବାବେଳେ ନିଜେ ଅଧିନାୟକ କୋହଲି ୭୨ ରନ୍ କରି ଅପରାଜିତ ରହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦେବଦତ୍ତଙ୍କ ଧୂଆଁଧାର ଇଂନିସ । ଆଇପିଏଲରେ ଶତକ ହାସଲ କଲେ ପାଡିକଲ । ୫୧ ବଲରୁ ହାସଲ କଲେ ୧୦୧ ରନ୍ ।#DevduttPadikkal #IPL pic.twitter.com/3ZkCfcDe6Z
— Kanak News (@kanak_news) April 22, 2021
ଆଜି ଟସ୍ ଜିତି ଆରସିବି ଅଧିନାୟକ ବିରାଟ କୋହଲି ବୋଲିଂ ନିଷ୍ପତ୍ତି ନେଇଥିଲେ । ଏହାପରେ ବ୍ୟାଟିଂ କରିବାକୁ ପଡିଆକୁ ଓହ୍ଲାଇଥିଲା ରାଜସ୍ଥାନ ରୟାଲ୍ସ । ତେବେ ଦଳ ଆରମ୍ଭରୁ ହିଁ ଝଟକା ଖାଇଥିଲା । ଦଳର ସ୍କୋର ୧୬ ରନ୍ ଥିବାବେଳେ ଦଳ ଦୁଇ ଓପନରଙ୍କୁ ହରାଇଥିଲା । ଏହାପରେ ଡେଭିଡ୍ ମିଲର ମଧ୍ୟ ନିଜର ୱିକେଟ୍ ଫୋପାଡିଥିଲେ । ତେବେ ଶେଷ ଆଡକୁ ଶିଭମ ଦୁବେ ଓ ରାହୁଲଙ୍କ ଇଂନିସ ଯୋଗୁଁ ଦଳର ସ୍କୋର ଆଗକୁ ବଢିବା ସହିତ ୧୭୭ ରନ୍ ହୋଇଥିଲା ।
ବାଙ୍ଗାଲୋର ପକ୍ଷରୁ ଦ୍ରୁତ ବୋଲର ମହମ୍ମଦ ସିରାଜ ଓ ହର୍ଷଲ ପଟେଲ ୩ଟି ଲେଖାଏଁ ସଫଳତା ପାଇଥିଲେ । ତାଙ୍କ ସହ ଜାମିନସନ, ରିଚାର୍ଡସନ ଓ ସୁନ୍ଦର ମଧ୍ୟ ଗୋଟିଏ ଲେଖାଏଁ ସଫଳତା ପାଇଥିଲେ । ଏହାପରେ ବ୍ୟାଟିଂ କରିବାକୁ ଓହ୍ଲାଇଥିବା ବାଙ୍ଗାଲୋର ବିନା କୌଣସି ୱିକେଟ ହରାଇ ନିଜର ବିଜୟ ଲକ୍ଷ୍ୟରେ ପହଂଚିଯାଇଛି ।