ସୁଧୁରିବ ୟେସ ବ୍ୟାଙ୍କ ସଙ୍କଟ । ମାର୍ଚ୍ଚ ୧୮ରୁ ପୁଣି କାର୍ଯ୍ୟକ୍ଷମ ହେବ, ପୂର୍ଣ୍ଣକାଳୀନ ବ୍ୟାଙ୍କିଂ ସେବା ଯୋଗାଇବ । ଜମାକାରୀଙ୍କ ଟଙ୍କା ସୁରକ୍ଷିତ ଥିବା କହିଲେ ଆରବିଆଇ ଗଭର୍ଣ୍ଣର
କନକ ବ୍ୟୁରୋ: ସୁଧୁରିବ ୟେସ ବ୍ୟାଙ୍କ ସଙ୍କଟ । ମାର୍ଚ୍ଚ ୧୮ରୁ ପୁଣି କାର୍ଯ୍ୟକ୍ଷମ ହେବ ୟେସ୍ ବ୍ୟାଙ୍କ । ଆସନ୍ତା ବୁଧବାର ଠାରୁ ଗ୍ରାହକମାନେ ସାଧାରଣ କାରବାର ସ୍ୱାଭାବିକ ଭାବେ କରିପାରିବେ । ପୂର୍ଣ୍ଣକାଳୀନ ବ୍ୟାଙ୍କିଂ ସେବା ଯୋଗାଇ ଦେବା ନେଇ ଟୁଇଟ କରି ସୂଚନା ଦେଇଛନ୍ତି କର୍ତ୍ତୃପକ୍ଷ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଜମାକାରୀଙ୍କ ଟଙ୍କା ସୁରକ୍ଷତି ଥିବା ନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ । ଅର୍ଥାତ ଗ୍ରାହକମାନେ ୫୦ ହଜାରରୁ ଅଧିକ ଟଙ୍କା ଉଠାଇ ପାରିବେ । ଏହାସହ ଉଠାଣ ଉପରେ ଲାଗିଥିବା କଟକଣାକୁ ବୁଧବାର ସଂଧ୍ୟା ୬ଟା ବେଳେ ହଟାଇ ଦିଆଯିବ ।
ୟେସ ବ୍ୟାଙ୍କ ଗ୍ରାହକଙ୍କ ପାଇଁ ଆରବିଆଇ କଟକଣା ହଟିଥିଲେ ମଧ୍ୟ ତରବରିଆ ଭାବେ ଟଙ୍କା ଉଠାଣ ନକରିବା ପାଇଁ ଆରବିଆଇ ଗଭର୍ଣ୍ଣର ଉପଦେଶ ଦେଇଛନ୍ତି । ୟେସ୍ ବ୍ୟାଙ୍କ ଦେବାଳିଆ ସ୍ଥିତିକୁ ଯାଉଥିବା ଯୋଗୁଁ ମାର୍ଚ୍ଚ ୫ରୁ ଏପ୍ରିଲ ୩ ତାରିଖ ଟଙ୍କା ଉଠାଣ ଉପରେ କଟକଣା ଲଗାଯାଇଥିଲା ।ଆରବିଆଇ ୟେସ୍ ବ୍ୟାଙ୍କରୁ ଟଙ୍କା ଉଠାଣ ନେଇ କଟକଣା ଜାରି ପରେ ଇଣ୍ଟରନେଟ ବ୍ୟାଙ୍କି, ୟୁପିଆଇ ପେମେଣ୍ଟ ଓ ଏଟିଏମରୁ ଟଙ୍କା ଉଠାଣ ବାଧାପ୍ରାପ୍ତ ହୋଇଥିଲା । ତେବେ ୟେସ୍ ବ୍ୟାଙ୍କର ପୁନଃରୁଉଦ୍ଧାର ପାଇଁ ଆଇବିଆଇର ପ୍ରସ୍ତାବ ଅନୁସାରେ ଶୁକ୍ରବାର ପୁନରୁଦ୍ଧାର ସ୍କିମକୁ ମଞ୍ଜୁରି ଦେଇଥିଲେ କେନ୍ଦ୍ର କ୍ୟାବିନେଟ ।
ଦେଶରେ ଥିବା ୟେସ୍ ବ୍ୟାଙ୍କର ୧ ହଜାର ୧୩୨ଟି ଶାଖା ମାର୍ଚ୍ଚ ୧୯ ତାରିଖରୁ ପୂର୍ଣ୍ଣ ଭାବେ ସେବା ଯୋଗାଇ ଦେବ । କେନ୍ଦ୍ର ସରକାର ଓ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଏହି ଘରୋଇ ବ୍ୟାଙ୍କର ପୁର୍ନରୁଉଦ୍ଧାର ପାଇଁ ସହଯୋଗର ହାତ ବଢ଼ାଇବା ପରେ ଏହା ସମ୍ଭବ ହେବାକୁ ଯାଉଛି । ଏହି ସୁବିଧା ଉଭୟ ଡିଜିଟାଲ ଓ କାଉଣ୍ଟରରେ ଉପଲବ୍ଧ ହେବ ବୋଲି ସୂଚନା ଦିଆଯାଇଛି ।