ଟିମ୍ ଇଣ୍ଡିଆକୁ ବଡ ଝଟକା । ଆହତ ଯୋଗୁଁ ଟି-ଟ୍ୱେଣ୍ଟି ସିରିଜରୁ ବାଦ ପଡିଲେ ଜାଡେଜା । ସାର୍ଦ୍ଦୁଲ ଠାକୁର ଦଳରେ ସାମିଲ
କନକ ବ୍ୟୁରୋ : ଅଷ୍ଟ୍ରେଲିଆ ଗସ୍ତରେ ଥିବା ଟିମ୍ ଇଣ୍ଡିଆକୁ ବଡ ଝଟକା । ଅଲରାଉଣ୍ଡର ରବିନ୍ଦ୍ର ଜାଡେଜା ଅଷ୍ଟ୍ରେଲିଆ ବିପକ୍ଷ ୩ଟିକିଆ ଟି-୨୦ ସିରିଜରୁ ବାଦ ପଡିଛନ୍ତି । ତାଙ୍କ ସ୍ଥାନରେ ପେସ ବୋଲର ସାର୍ଦ୍ଦୁଲ ଠାକୁରଙ୍କୁ ଦଳରେ ସାମିଲ କରାଯାଇଛି । ପ୍ରଥମ ଟି-ଟ୍ୱେଣ୍ଟିରେ ଜାଡେଜା ଆହତ ହୋଇ ଅଧା ମ୍ୟାଚରୁ ପାଭିଲିୟନ ଫେରିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜାଡେଜା ୨୩ ବଲରେ ୪୪ ରନ କରିଥିବା ବେଳେ ମିଚେଲ ଷ୍ଟାର୍କଙ୍କ ଏକ ବଲ ତାଙ୍କ ହେଲମେଟରେ ବାଜିଥିଲା । ଫଳରେ ସେ ଆହତ ହୋଇ ପାଭିଲିୟନ ଫେରିଯାଇଥିଲେ । ତାଙ୍କ ବଦଳରେ କନକ୍ସନ ନିୟମରେ ଚହଳ ଦଳରେ ସାମିଲ ହୋଇଥିଲେ । ଆଉ ଦଳକୁ ବିଜୟୀ କରାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ ।
ବର୍ତ୍ତମାନ ଆଗାମୀ ଦୁଇଟି ଟି-ଟ୍ୱେଣ୍ଟିରୁ ବାଦ ପଡିଛନ୍ତି ଜାଡେଜା । ଏନେଇ ବିସିସିଆଇ ଟ୍ୱିଟ କରି ସୂଚନା ଦେଇଛି । ବିସିସିଆଇ କହିଛି ଯେ, ବର୍ତ୍ତମାନ ଜାଡେଜା ଡାକ୍ତରୀ ଟିମର ପରାମର୍ଶ କ୍ରମେ ବିଶ୍ରାମରେ ଅଛନ୍ତି ।