ପୁରୀରେ ରଥଯାତ୍ରା କର୍ଫ୍ୟୁ କଟକଣାର ଖୋଲା ଉଲ୍ଲଘଂନ । ନିୟମ ଭାଙ୍ଗି ଠାକୁର ଦର୍ଶନ କଲେ ୟୁଟ୍ୟୁବର ଗୋବିନ୍ଦକ୍ରିଷ୍ଣା ଦାସ ।

229

କନକ ବ୍ୟୁରୋ: ରଥଯାତ୍ରା ସମୟରେ ନିୟମ ଉଲ୍ଲଘଂନ ମହଙ୍ଗା ପଡ଼ିଛି । ଲୋକପ୍ରିୟ ୟୁ-ଟ୍ୟୁବର ଗୋବିନ୍ଦ କ୍ରିଷ୍ଣା ଦାସଙ୍କ ସମେତ ୧୦ ଜଣଙ୍କ ନାଁରେ ମାମଲା ରୁଜୁ କରିଛି ପୁଲିସ୍ । କଟକଣା ସତ୍ତେ୍ୱ ଛାତ କିମ୍ବା ରଥ ପାଖକୁ ଯାଇ ଭିଡିଓ କିମ୍ବା ଫଟୋ ଉଠାଇବା କାରଣରୁ ଏହି କାର୍ଯ୍ୟାନୁଷ୍ଠାନ ହୋଇଛି । ଫଟୋ ସହ ଏକ ତାଲିକା ପ୍ରଶାସନ ଜାରି ହୋଇଥିବା ବେଳେ ଆଗକୁ ଆଉ ଏକ ତାଲିକା ଜାରି କରାଯିବ ବୋଲି ପ୍ରଶାସନ କହିଛନ୍ତି । ସେହିପରି ବଡ଼ଦାଣ୍ଡ ବଳଗଣ୍ଡି ଛକରେ ଥିବା ଗଙ୍ଗାଲଜ୍କୁ ବି ସିଲ୍ କରାଯାଇଛି ।

ଲୋକପ୍ରିୟ ୟୁ-ଟ୍ୟୁବର ହେଉଛନ୍ତି ଗୋବିନ୍ଦ କ୍ରିଷ୍ଣା ଦାସ ।  ଯାହାଙ୍କୁ ଆପଣ ବୁଲି ବୁଲି ଭାରତୀୟ ଧର୍ମ ସଂସ୍କୃତିର ପ୍ରଚାର କରୁଥିବା  ଦେଖିଥିବେ । ହେଲେ ଏବେ ଅଡୁଆରେ ଛନ୍ଦି ହୋଇଯାଇଛନ୍ତି ଗୋବିନ୍ଦ କ୍ରିଷ୍ଣ ଦାସ । କଟକଣା ସତ୍ତେ୍ୱ ପୁରୀରେ ରହି ରଥଯାତ୍ରା ସମୟରେ ଫଟୋ ଓ ଭିଡିଓ ନେବା କାରଣରୁ ତାଙ୍କ ନାଁରେ ମାମଲା ରୁଜୁ କରିଛି ପୁରୀ ପ୍ରଶାସନ । ଗୋବିନ୍ଦ କ୍ରିଷ୍ଣା ଦାସଙ୍କ ଭଳି ୟୁଟ୍ୟୁବର ଅତୁଲ କ୍ରିଷ୍ଣାଙ୍କ ସମେତ ୧୦ ଜଣଙ୍କ ନାଁରେ ମାମଲା ରୁଜୁ ହୋଇଛି । ରଥଯାତ୍ରା ପାଇଁ ଜାରି ହୋଇଥିବା ଏସଓପିର ଉଲ୍ଲଘଂନ ହେବାର ପ୍ରମାଣ ମିଳିବା ପରେ ପ୍ରଶାସନ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

ସେହିପରି ବଡ଼ଦାଣ୍ଡ ବଳଗଣ୍ଡି ଛକରେ ଥିବା ଗଙ୍ଗାଲଜକୁ ସିଲ୍ କରାଯାଇଥିବା ବେଳେ କର୍ଫ୍ୟୁ କଟକଣା ଉଲ୍ଲଘଂନ ଅଭିଯୋଗରେ ଅକ୍ଷୟପାତ୍ର ଫାଉଣ୍ଡେସନ୍ କୋଠାକୁ ସିଲ୍ କରାଯାଇଛି । ପୁଲିସ୍ ପ୍ରଶାସନ ପକ୍ଷରୁ ଭିଡିଓ ଓ ଫଟୋ ଜାରି କରି ନିୟମ ଉଲ୍ଲଘଂନକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେଇଛି । ଖାଲି ସେତିକି ନୁହେଁ, ଆଗକୁ ଦ୍ୱିତୀୟ ତାଲିକା ଜାରି ହେବ ବୋଲି କୁହାଯାଇଛି ।

ଏପଟେ ରଥଯାତ୍ରା ଦିନ ନିୟମ ଭାଙ୍ଗି କର୍ଡନ ଭିତରେ ରଥ ନିକଟକୁ ଯାଇଥିଲେ କିଛି ପ୍ରଭାବଶାଳୀ ବ୍ୟକ୍ତି । ଏନେଇ ପୁରୀ ସିଂହଦ୍ୱାର ଥାନାରେ ଏତଲା ଦିଆଯାଇଛି । ରଥ ନିକଟକୁ ଯିବା ସହ ରଥ ସମ୍ମୁଖରେ ଅନେକ ଫଟୋ ମଧ୍ୟ ଉଠାଇଛନ୍ତି, କିଛି ବ୍ୟକ୍ତି । ରଥଯାତ୍ରା ଦିନ ୨ଟି ମର୍ସିଡିଜ ଗାଡି ସମେତ ୩ଟି ଦାମିକିଆ କାର ରଥ ନିକଟକୁ ଯାଇଥିବା ମଧ୍ୟ ଅଭିଯୋଗ ହୋଇଛି ।

Comments are closed.