ମହାପ୍ରଭୁଙ୍କ ଶୟନରେ ସୃଷ୍ଟି ହେଉଛି ବାଧା: ଗର୍ଭଗୃହରେ ଲାଗିବନି ମୂଷାଧରା ମେସିନ
କନକ ବ୍ୟୁରୋ: ଶ୍ରୀମନ୍ଦିର ଗର୍ଭଗ୍ୃହରେ ଲାଗିବନି ମୂଷାଧରା ମେସିନ । ସେବାୟତଙ୍କ ପ୍ରବଳ ବିରୋଧ ପରେ ଶ୍ରୀମନ୍ଦିର ପ୍ରଶାସନ ଏ ନେଇ ନିଷ୍ପତି ନେଇଛି । ଶ୍ରୀମନ୍ଦିର ଗର୍ଭଗୃହରେ ବଡ ବଡ ମୂଷା ଉତ୍ପାତ କରୁଥିବାରୁ ମୂଷାଧରା ମେସନିକୁ ଜଣେ ଦାତା ଶ୍ରୀମନ୍ଦିର ପ୍ରଶାସନକୁ ଦେଇଥିଲେ । ଏହାକୁ ପରୀକ୍ଷାମୂଳକ ଭାବେ ମନ୍ଦିର ଭିତରେ ରଖାଯାଇଥିଲା । ଏହି ମେସିନ ଏକ ଉଚ୍ଚ କ୍ଷମତାସମ୍ପନ୍ନ ମେସିନ ଥିଲା
Kanak News is now on WhatsApp
Join and get latest news updates delivered to you via WhatsApp
ଏଥିରୁ ଯେଉଁ ବିପ ଶଦ୍ଦ ବାହାରେ ସେଥିରେ ମୂଷା ଆକର୍ଷିତ ହୁଅନ୍ତି । କିନ୍ତୁ ସେବାୟତଙ୍କ ତର୍କ ଥିଲା
-ମହାପ୍ରଭୁ ଶୋଇବା ସମୟରେ ବିପ ଶଦ୍ଦ ଠିକ ନୁହେଁ
-ଶୟନ ସମୟରେ ପରିବେଶ ନିଶଦ୍ଦ ରହିବା ବିଧି ଅଛି
-ଜୟବିଜୟ ଦ୍ୱାରଠାରୁ ଗର୍ଭଗୃହ ଅନ୍ଧାର ରହିବା ପରମ୍ପରା ଅଛି
ଆଉ ସେବାୟତଙ୍କ ବିରୋଧ ପରେ ମେସିନକୁ ଗର୍ଭଗୃହରେ ରଖାଯିବ ନାହିଁ ବୋଲି ନିଷ୍ପତି ହୋଇଛି । ବର୍ତମାନ ଗର୍ଭଗୃହରେ ମୂଷା ଧରିବାକୁ ପୁରୁଣା ପଦ୍ଧତିରେ ଯନ୍ତା ବସାଯିବ । ଆଉ ମୂଷା ଯନ୍ତାରେ ପଡିବା ପରେ ସେମାନଙ୍କୁ ବାହାରେ ଛଡାଯିବ । ସୋମବାର ଥିଲା ମହାପ୍ରଭୁଙ୍କ ଖସାପଡା ନୀତି । ଆଉ ଏହି ସମୟରେ ଦଇତାପତି ସେବକମାନେ ଶ୍ରୀଅଙ୍ଗର ସ୍ଥିତି ଅନୁଧ୍ୟାନ କରିଥିଲେ । ସେମାନଙ୍କ କହିବା ଅନୁସାରେ,
-ଶ୍ରୀଅଙ୍ଗ ସୁରକ୍ଷିତ ଅଛି
-ସୁଭଦ୍ରା ଓ ବଳଭଦ୍ରଙ୍କ ବସ୍ତ୍ର ଓ ଫୁଲ ତୁଳସୀଙ୍କୁ କାଟିଛନ୍ତି ମୂଷା
– ମୂଷା ଉତ୍ପାତ କମାଇବା ପଦକ୍ଷେପ ସମ୍ପର୍କରେ ଶ୍ରୀମନ୍ଦିର ପ୍ରଶାସନକୁ ଅବଗତ କରାଯାଇଛି
ଶ୍ରୀଜଗନ୍ନାଥ କୋଟି କୋଟି ଓଡିଆଙ୍କ ଭାବାବେଗ ସହ ଜଡିତ । ତେଣୁ ସେବାୟତଙ୍କ କଥାକୁ ବିଶ୍ୱାସକୁ ନିଆଯାଇ ଗର୍ଭଗୃହରେ ମୂଷାଙ୍କ ଉତ୍ପାତକୁ ରୋକିବାକୁ ପଦକ୍ଷେପ ନେବାକୁ ଜଗନ୍ନାଥପ୍ରେମୀ ମତ ଦେଇଛନ୍ତି ।