ଜୟ ଶ୍ରୀରାମ ନାରା ଜପୁଥିବା ସବୁ ଲୋକ ସାଧୁ ନୁହଁନ୍ତି, କିଛି ରାକ୍ଷସ ମଧ୍ୟ ଅଛନ୍ତି । କଂଗ୍ରେସ ନେତାଙ୍କ ବୟାନକୁ ନେଇ ବଢିଲାଣି ବିବାଦ ।
କନକ ବ୍ୟୁରୋ : ରାଜନୀତିରେ ଶ୍ରୀରାମ । କଂଗ୍ରେସ ନେତା ରସିଦ ଅଲଭିଙ୍କ ବୟାନକୁ ନେଇ ଏବେ ବିବାଦ ଦେଖାଦେଇଛି । ସଲମାନ ଖୁର୍ସିଦଙ୍କ ପରେ ରସିଦ ଅଲଭିଙ୍କ ବୟାନ ଏବେ ବିବାଦକୁ ଆହୁରି ବଳ ଯୋଗାଇଛି । ଉତ୍ତରପ୍ରଦେଶର ଏକ କାର୍ଯ୍ୟକ୍ରମରେ ପ୍ରଭୁ ଶ୍ରୀରାମଙ୍କ ନାଁରେ ବିଜେପିକୁ ଟାର୍ଗେଟ କରିଛନ୍ତି କଂଗ୍ରେସ ନେତା ରସିଦ ଅଲଭି । ରାମାୟଣର ଏକ ପ୍ରସଙ୍ଗକୁ ନେଇ ଆଲୋଚନା କରିବା ସହ ଜୟ ଶ୍ରୀରାମ କହୁଥିବା ଲୋକଙ୍କୁ ରାକ୍ଷସ ସହ ତୁଳନା କରିବାକୁ ପଛାଇନାହାନ୍ତି ରସିଦ ।ଏହି କାର୍ଯ୍ୟକ୍ରମରେ ଶହ ଶହ ଲୋକଙ୍କ ଉପସ୍ଥିତିରେ ରସିଦ କହିଛନ୍ତି, ଜୟ ଶ୍ରୀରାମ ନାରା ଲଗାଉଥିବା ସମସ୍ତ ବ୍ୟକ୍ତି ମୁନି ବା ସାଧୁ ନୁହନ୍ତି ବରଂ କିଛି ନିଶାଚର ବା ରାକ୍ଷସ ରହିଥାନ୍ତି । ସେମାନଙ୍କ ଠାରୁ ସତର୍କ ରହିବାର ଆବଶ୍ୟକତା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶରେ ନିର୍ବାଚନ ମାହୋଲ ଆରମ୍ଭ ହେଲାଣି । ଆଉ ଏହାପୂର୍ବରୁ ଧର୍ମକୁ ନେଇ ରାଜନୀତି ମଧ୍ୟ ତେଜିଲାଣି । ଉତ୍ତରପ୍ରଦେଶର ସମ୍ଭଳରେ ଆୟୋଜିତ ଏକ କାର୍ଯ୍ୟକ୍ରମରେ ରାମାୟଣ ବାବଦରେ ଉଲ୍ଲେଖ କରିଥିଲେ । ରସିଦ କହିଥିଲେ, ଯେତେବେଳେ ଲକ୍ଷ୍ମଣ ମୂର୍ଚ୍ଛିତ ହୋଇ ପଡିଥିଲେ, ସେତେବେଳେ ବୈଦ୍ୟ ସଞ୍ଜିବନୀ ଆଣିବାକୁ ହନୁମାନଙ୍କୁ ହିମାଳୟକୁ ପଠାଇଥିଲେ । ସୂର୍ଯ୍ୟୋଦୟ ପୂର୍ବରୁ ଏହି କାମ ସାରିବାକୁ ହନୁମାନଙ୍କୁ କୁହାଯାଇଥିଲା । ଆଉ ହନୁମାନ ସଞ୍ଜିବନୀ ଆଣିବାକୁ ଯାଉଥିବା ବେଳେ ଏକ ସାଧୁଙ୍କୁ ଦେଖିବାକୁ ପାଇଥିଲେ । ଯିଏ ଜୟ ଶ୍ରୀରାମ ନାରା ଜପ କରୁଥିଲେ । ଆଉ ଏଭଳି ଜଣେ ରାମଭକ୍ତଙ୍କୁ ଦେଖି ହନୁମାନ ତାଙ୍କ ପାଖକୁ ଆସିଥିଲେ ଏବଂ ଜୟ ଶ୍ରୀରାମ ନାରା ଜପିଲେ । ତେବେ ଉକ୍ତ ସାଧୁ ଜଣକ ସଙ୍ଗେ ସଙ୍ଗେ ତାଙ୍କୁ ସ୍ନାନ କରି ଆସିବାକୁ କହିଲେ । ଆଉ ହନୁମାନ ସ୍ନାନ କରିବାକୁ ଆସିବାରୁ ଗୋଟିଏ କୁମ୍ଭୀର ତାଙ୍କ ଗୋଡକୁ କାମୁଡି ଧରିବା ସହ କହିଥିଲେ ଶ୍ରୀରାମ ନାମ ଜପ କରୁଥିବା ଉକ୍ତ ସାଧୁ ବାସ୍ତବରେ ସାଧୁ ନୁହଁନ୍ତି ବରଂ ଜଣେ ରାକ୍ଷସ । ସଞ୍ଜିବନୀ ଆଣିବାରେ ବିଳମ୍ବ କରିବାକୁ ରାବଣ ଉକ୍ତ ରାକ୍ଷସଙ୍କୁ ସାଧୁ ବେଶରେ ପଠାଇଛି । ତେଣୁ ଏବେ ବହୁତ ଲୋକ ଶ୍ରୀରାମ ନାମ ଜପ କରୁଛନ୍ତି କିନ୍ତୁ ସମସ୍ତେ ସାଧୁ ନୁହଁନ୍ତି ବରଂ କିଛି ରାକ୍ଷସ ଅଛନ୍ତି । ଯେଉଁମାନଙ୍କ ଠାରୁ ସର୍ତକ ରହିବାର ଆବଶ୍ୟକତା ରହିଛି ।
आजकल कुछ लोग जय श्री राम का नारा लगाकर देश के लोगों को गुमराह करते हैं, ऐसे लोगों से होशियार रहना चाहिए। आज जो जय श्री राम बोलते हैं, वे बिना नहाएं बोलते हैं। आज भी बहुत लोग जय श्री राम का नारा लगाते हैं, वे सब मुनि नहीं वे निसिचर घोरा है: कांग्रेस नेता राशिद अल्वी, संभल (11.11) pic.twitter.com/DTIcIeFq11
— ANI_HindiNews (@AHindinews) November 12, 2021
ରସିଦ କହିଛନ୍ତି, ଆମେ ବି ଦେଶରେ ରାମରାଜ୍ୟ ଚାହୁଁଛୁ । ଯେଉଁ ରାଜ୍ୟରେ ଛେଳି ଓ ସିଂହ ଗୋଟିଏ ଘାଟରେ ପାଣି ପିଉଛନ୍ତି ସେଠାରେ ଘୃଣା ଆସିବ ବା କେଉଁଠୁ? ଯେଉଁମାନେ ଶ୍ରୀରାମଙ୍କ ନାଁରେ ଲୋକଙ୍କୁ ଭ୍ରମିତ କରୁଛନ୍ତି ସେମାନଙ୍କ ଠାରୁ ଦୂରେଇ ରହିବାର ଆବଶ୍ୟକତା ରହିଛି ।
सलमान ख़ुर्शीद के बाद अब कांग्रेस के नेता राशिद अल्वी जय श्री राम कहने वालों को निशाचर (राक्षस) बता रहे हैं।
राम भक्तों के प्रति कांग्रेस के विचारों में कितना ज़हर घुला हुआ है। pic.twitter.com/kHG3vXSpDW
— Amit Malviya (@amitmalviya) November 12, 2021
ରସିଦଙ୍କ ଏହି ବୟାନ ପରେ ବର୍ଷିଛି ବିଜେପି । ଦଳୀୟ ନେତା ଅମିତ୍ୟ ମାଲବୀୟ ଏହି ଭିଡ଼ିଓକୁ ଟ୍ୱିଟ୍ କରିବା ସହ କହିଛନ୍ତି ଜୟ ଶ୍ରୀରାମ ନାରା ଦେଉଥିବା ଲୋକଙ୍କୁ କଂଗ୍ରେସ ନେତା ରାକ୍ଷସ କହୁଛନ୍ତି । ରାମଭକ୍ତଙ୍କୁ ନେଇ କଂଗ୍ରେସ ବିଚାରରେ କେତେ ବିଷ ଭରି ରହିଛି ତାହା ସ୍ପଷ୍ଟ ଦର୍ଶାଉଛି ।