ରସଗୋଲା ଯୁଦ୍ଧରେ ଓଡିଶା ଜିତିଲା, ସୋସିଆଲ ମିଡିଆରେ ଶୁଭେଚ୍ଛା ଛୁଟିଲା

ନ୍ୟୁଜ୍
By Ramakrushna Barik
367

କନକ ବ୍ୟୁରୋ: ଏଣିକି ଓଡିଶା ଛାତି ବାଡେଇ କହିବ ରସଗୋଲା ଆମର । ଯେଉଁଠି, ଯେତେବେଳେ, ଯିଏ ପ୍ରଶ୍ନ କରିବ ରସଗୋଲା କାହାର? ଉତ୍ତରରେ ଆପେ ଆପେ ପାଟିରୁ ବାହାରି ପଡିବ ଓଡିଶାର..। କାରଣ ଓଡିଶା ରସଗୋଲାକୁ ମିଳିଛି ଜିଆଇ ଟ୍ୟାଗ । ଓଡିଶାର ରସଗୋଲା ପାଇଛି ଭୌଗଳିକ ପରିଚୟ । ଚେନ୍ନାଇ ଜିଆଇ କାର୍ଯ୍ୟାଳୟରୁ ଏହି ମାନ୍ୟତା ମିଳିଛି । ଆଉ ଓଡିଶାକୁ ଏହି ମାନ୍ୟତା ମିଳିବା ପରେ ଓଡିଶା-ପଶ୍ଚିମବଙ୍ଗ ମଧ୍ୟରେ ଲାଗିଥିବା ବିବାଦରେ ପୂର୍ଣ୍ଣଚ୍ଛେଦ ପଡିଛି ।


ତେବେ ଓଡିଶାକୁ ମାନ୍ୟତା ମିଳିବା ପରେ ସୋସିଆଲ ମିଡିଆରେ ଟ୍ରେଣ୍ଡ ହୋଇଛି ଏହି ପ୍ରସଙ୍ଗ । ଟ୍ୱିଟରରେ ବିଭିନ୍ନ ଲୋକ ଭିନ୍ନ ଭିନ୍ନ ପୋଷ୍ଟ କରି ନିଜ ନିଜର ମତ ରଖିଛନ୍ତି । ଓଡିଶାକୁ ଜିଆଇ ଟ୍ୟାଗ ମିଳିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖୁସି ବ୍ୟକ୍ତ କରିଛନ୍ତି । ଛେନାରେ ତିଆରି ଏହି ରସଗୋଲାକୁ ସାରା ବିଶ୍ୱରେ ଥିବା ଓଡିଆ ଖାଇବାକୁ ଭଲପାଆନ୍ତି । ବର୍ଷ ବର୍ଷ ଧରି ଏହି ରସଗୋଲା ମହାପ୍ରଭୁ ଜଗନ୍ନାଥଙ୍କ ପାଖରେ ଭୋଗ ଲାଗି ଆସୁଛି ବୋଲି ମୁଖ୍ୟମନ୍ତ୍ରୀ ଟ୍ୱିଟ କରିଛନ୍ତି ।

 ରସଗୋଲାକୁ ନେଇ ଟ୍ୱିଟରରେ ବେଙ୍ଗଲକୁ କଡା ସମାଲୋଚନା କରିଛନ୍ତି କିଛି ୟୁଜର୍ସ । ଏବେ ପଶ୍ଚିମବଙ୍ଗ ଯେତେବେଳେ ସରଗୋଲା ଦେଖିବ ସେତେବେଳେ ତାର ଓଡିଶା କଥା ମନେପଡିବ ବୋଲି କିଛି ଲେଖିଛନ୍ତି ।

ଆଉ କିଛି ଜିଆଇ ଖବର ଶୁଣି ବେଙ୍ଗଲ କେମିତି ମୁହଁ ଫୁଲାଇ ବସିଥିବ ତାର ଏକ ଫଟୋ ଦେଇ ମଧ୍ୟ ୟୁଜର୍ସ ଟ୍ୱିଟ କରିଛନ୍ତି ।

ତେବେ କେହି କେହି ରସଗୋଲାକୁ ଓଡିଶା ସଂସ୍କୃତି, ପରମ୍ପରାର ଅଭିନ୍ନ ଅଙ୍ଗ ବୋଲି କହିଛନ୍ତି ।

ଆଗକୁ ପଢନ୍ତୁ

ଇଶାନ କିଷାନଙ୍କ ଦମଦାର ବ୍ୟାଟିଂ । ୯ ୱିକେଟରେ ବିଜୟ ହାସଲ କଲା…

ଦୁର୍ନୀତି ଯୋଗୁଁ ଚାଷୀଙ୍କ ଖାତାକୁ ଯାଉନି ଟଙ୍କା । ସାମ୍ନାକୁ ଆସିଲା…

ଜିଆଇ ମାନ୍ୟତା ମିଳିବା ପରେ କାରିଗରମାନେ ରସଗୋଲାର କ୍ୱାଲିଟି ଉପରେ ଧ୍ୟାନ ଦେବାକୁ କିଛି ମତ ରଖିଛନ୍ତି ।

ମାନ୍ୟତା ପରେ ପଶ୍ଚିମବଙ୍ଗକୁ ଅନେକ ସମାଲୋଚନାଭରା ପୋଷ୍ଟ ଦେଖିବାକୁ ମିଳିଛି ।

ସମ୍ବନ୍ଧିତ ଖବର More from author

Comments are closed.