ଚାନ୍ଦବାଲିରେ ବିରଳ ମାଛ । ଦକ୍ଷିଣ ଆମେରିକାର ବିରଳ ପ୍ରଜାତିର ମାଛ , କ୍ୟାଟଫିସକୁ ନେଇ ଅଂଚଳରେ ଚର୍ଚ୍ଚା : ମାଛକୁ ଧରିବା ପରେ ଘରେ ରଖିଛନ୍ତି ମତ୍ସ୍ୟଜୀବୀ
କନକ ବ୍ୟୁରୋ : ଚାନ୍ଦବାଲିରେ ଦକ୍ଷୀଣ ଆମେରିକାର ବିରଳ ପ୍ରଜାତିର ମାଛ କ୍ୟାଟ ଫିସ୍ । ଦକ୍ଷୀଣ ଆମେରିକାରେ ଦେଖାଯାଉଥିବା ଏହି ବିରଳ ପ୍ରଜାତିର ମାଛ ଚାନ୍ଦବାଲିରେ ମିଳିବା ଆଶ୍ଚର୍ଯ୍ୟ ସୃଷ୍ଟି କରିଛି । ଆଖିକୁ ସୂନ୍ଦର ଦେଖାଯାଉଥିବା ଏହି ବିରଳ ମାଛକୁ କ୍ରିଷ୍ଣା ନମଜ ଜଣେ ମତ୍ସ୍ୟଜୀବୀ ଧରିଥିଲେ । ଦୀର୍ଘ ୧ ମାସ ହେବ ଏହି ମାଛକୁ ନିଜ ଘରେ ଥିବା ଏକ କୁଣ୍ଡରେ ସରଂକ୍ଷିତ ରଖିଛନ୍ତି । ମାଛର ଦେହସାରା କଂଟାକଂଟା ରହିଥିବା ବେଳେ ତଳ ପଟେ ରହିଛି ଏହାର ପାଟି । ତେବେ ବିଲେଇ ପରି ମୁହଁ ହୋଇଥିବାରୁ ଏହକୁ କ୍ୟାଟ୍ ଫିସ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବାରରାଣୀ ରାମନଗର ଠାରେ ଏହି ବିରଳ ମାଛ ମିଳିବା ପରେ ବୈଜ୍ଞାନିକ ମାନେ ଏହି ମାଛ ଏକ ମାଂସାହାରୀ ଏବଂ ଏହା ଇକୋ ସିଷ୍ଟମ ପାଇଁ ବେଶ କ୍ଷତି କାରକ ବୋଲି ଚେତାଇ ଦେଇଥିଲେ । ତେବେ କେବଳ ଭାରତ ନୁହେଁ ଦକ୍ଷୀଣ ଏସିଅରେ ମଧ୍ୟ ଏହି ଭଳି ମାଛ ଦେଖିବାକୁ ମିଳେ ନାହିଁ । କିନ୍ତୁ ରାମ ନଗର ଡ଼ଲଫିନ ସରଂକ୍ଷଣ ଅଂଚଳରେ ଏହି ମାଛ ଦେଖାଯିବା ଅନ୍ୟ ଜୀବଜନ୍ତୁଙ୍କ ପାଇଁ ଭୟ ସୃଷ୍ଟି କରିଛି । ତେବେ ଏହି ମାଛକୁ ଧରିବା ପରେ ପୁନର୍ବାର ଏହାକୁ ନଦୀରେ ନଛାଡ଼ିବାକୁ ଜୀବ ବୈଜ୍ଞାନୀ ପରାମର୍ଶ ଦେଇଛନ୍ତି । ଭାରତ ଠାରୁ ହଜାର ହଜାର କିଲୋମିଟର ଦୂରରେ ରହିଛି ଦକ୍ଷୀଣ ଆମେରିକାରେ ଦେଖାଯାଉଥିବା ଏହି ମାଛ ଚାନ୍ଦବାଲିକୁ ଆସିଲା କେମିତି ତାହା ବିସ୍ମୟ ସୃଷ୍ଟି କରିଛି ।