ମେଡିକାଲ ଆଇସିୟୁ ଭିତରେ ଯୁବତୀଙ୍କୁ ଦୁଷ୍କର୍ମ ଅଭିଯୋଗ, ଅଭିଯୋଗ ଆଣିଲେ ପୀଡିତାଙ୍କ ପିତା, ଚିକିତ୍ସା ବେଳେ ହୋଇଥିଲା ଦୁଷ୍କର୍ମ
କନକ ବ୍ୟୁରୋ : ମହିଳା କେଉଁଠି ସୁରକ୍ଷିତ ତାହା ଆଜିର ପ୍ରଶ୍ନ । ନା ଘରେ , ନା ରାସ୍ତାରେ ନା କର୍ମସ୍ଥଳୀରେ । ଏସବୁ ସ୍ଥାନରେ ମହିଳା ମାନଙ୍କ ପ୍ରତି ଅସଦା ଚରଣ, ହିଂସା ଓ ଦୁଷ୍କର୍ମ ଭଳି ମାମଲା ଦୈନିକ ଗଣମାଧ୍ୟମର ଶିରୋମଣ୍ଡନ କରୁଥିବା ବେଳେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଆଇସିୟୁ ଭିତରେ ଚିକିତ୍ସାଧିନ ଜଣେ ଯୁବତୀଙ୍କ ପ୍ରତି ଦୁଷ୍କର୍ମ ହୋଇଛି । ଏନେଇ ପୀଡିତାଙ୍କ ପିତା ଥାନାରେ ଅଭିଯୋଗ କରିଛନ୍ତି।
ସୂଚନା ମୁତାବକ ହରିଆଣାର ଗୁରୁଗ୍ରାମ ଠାରେ ଏକ ନାମି ଦାମି ମେଡିକାଲରେ ଦେଖିବାକୁ ମଳିଛି ଏଭଳି ଘଟଣା । ଏଠାରେ ଚିକିତ୍ସିତ ହେଉଥିବା ଜଣେ ଯୁବତୀଙ୍କ ପିତା ସୁଶାନ୍ତଲୋକ ଥାନାରେ ଅଭିଯୋଗ କରିଛନ୍ତି ତାଙ୍କ ଝିଅ ଆଇସିୟୁରେ ଚିକିତ୍ସିତ ହେଉଥିବା ବେଳେ ତାକୁ ଦୁଷ୍କର୍ମ କରାଯାଇଛି । କହିରଖୁ କି ୨୨ ଅକ୍ଟୋବର ଦିନ ଗୁରୁଗ୍ରାମର ଏକ ଘରୋଇ ହସ୍ପିଟାଲରେ ଯୁବତୀ ଜଣଙ୍କୁ ଆଡମିଶନ କରାଯାଇଥିଲା। ଏହା ପରେ ଯୁବତୀ ଜଣକ ନିଶ୍ୱାସ ପ୍ରଶ୍ୱାସ ରେ କଷ୍ଟ ଅନୁଭବ କରିବାରୁ ତାଙ୍କୁ ଆଇସିୟୁକୁ ନିଆଯାଇଥିଲା । ଏହା ପରେ ଆଇସିୟୁରେ ତାଙ୍କୁ ଦୁଷ୍କର୍ମ କରାଯାଇଥିବା ଯୁବତୀଙ୍କ ପିତା ଅଭିଯୋଗ କରିଛନ୍ତି ।
ହରିଆଣାର ସାଇବର ସିଟି ଗୁରୁଗ୍ରାମରେ ଏକ ନାମିଦାମି ଘରୋଇ ମେଡିକାଲରେ ଯୁବତୀଙ୍କ ସହିତ ଦୁଷ୍କର୍ମ ଘଟଣା ପଦାକୁ ଆସିବା ପରେ ଏବେ ସହରରେ ଚର୍ଚ୍ଚା ଜୋର ଧରିଛି । ଏନେଇ ପୋଲସ କହିଛି କି ଏହି ମାମଲାର ଯାଂଚ ପରେ ସମ୍ପୁର୍ଣ୍ଣ ସତ୍ୟ ପଦାକୁ ଆସିବ । ହେଡକ୍ୱାଟର ଏସପି ଓଷା କୁଣ୍ଡୁ କହିଛନ୍ତି କି ଦୁଷ୍କର୍ମ ଘଟଣା ମେଡିକାଲ ଭିତରେ ହୋଇଛି କି ବାହାରେ ହୋଇଛି ଏବେ ତାହା ଉପରେ ତଦନ୍ତ ଚାଲିଛି । ସେ କହିଛନ୍ତି କି ମେଡିକାଲରେ ଲାଗିଥିବା ସିସିଟିଭି ଫୁଟେଜର ଯାଂଚ ଚାଲିଛି । ଯାହାଦ୍ୱାରା ଘଟଣାର ସତ୍ୟ ସ୍ପଷ୍ଟ ହେବ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ ଦୁଖର କଥା ଯେ ଆଇସିୟୁରେ ଦୁଷ୍କର୍ମ ହୋଇଥିବା ଯୁବତୀ ଜଣକ ଏତେ ଅସୁସ୍ଥ ଅଛନ୍ତି କି ସେ କିଛି କହିପାରୁ ନାହାନ୍ତି । ତାଙ୍କ ସହିତ ହୋଇଥିବା ଦୁଷ୍କର୍ମ ବାବଦରେ ସେ ପାଟି ଖୋଲି କିଛି କହିପାରୁ ନାହାନ୍ତି । ଏନେଇ ସେ ଇଶାରା ରେ କିଛି କହିଥିବା ବେଳେ ସମ୍ପୁର୍ଣ୍ଣ ଘଟଣା କାଗଜରେ ଲେଖିଛନ୍ତି । ସେ ବିକାଶ ନାମକ ଜଣେ କର୍ମଚାରୀଙ୍କ ନାମ ଲେଖିଛନ୍ତି । ଯେ କି ତାଙ୍କ ସହିତ ଦୁଷ୍କର୍ମ କରିଛି ବୋଲି ଯୁବତୀ ଜଣକ କହିଛନ୍ତି । ଓଷା କୁଣ୍ଡୁ କହିଛନ୍ତି କି ଯୁବତୀ ଜଣକ ଏବେ ବୟାନ ଦେବାକୁ ଅକ୍ଷମ ଅଛନ୍ତି । ତାଙ୍କର ଚିକିତ୍ସା ଚାଲିଛି । ସେ ସୁସ୍ଥ ହୋଇ ବୟାନ ଦେବା ପରେ ଘଟଣା ବାବଦରେ ସ୍ପଷ୍ଟ ହୋଇଯିବ । କହିରଖୁ କି ଯୁବତୀଙ୍କ ପିତା ଏନେଇ ଗରୁଗ୍ରାମର ସାଉଥ୍ ସିଟି ପୋଲିସ ଷ୍ଟେସନରେ ୨୭ ଅକ୍ଟୋବର ଦିନ ଅଭିଯୋଗ କରିଥିଲେ । ଏବେ ଏହି ଘଟଣାକୁ ପୋଲିସ ଗୁରୁତର ସହ ନେଇ ତଦନ୍ତ ଜାରି ରଖିଛି ।