କୋବ୍ରା ବାହିନୀଙ୍କ ନାଁରେ ନାବାଳିକାକୁ ଗଣଦୁଷ୍କର୍ମ ଭଳି ସଙ୍ଗୀନ ଅଭିଯୋଗ ! ଥାନାରେ ରୁଜୁ ହେଲା ମାମଲା

22

କନକ ବ୍ୟୁରୋ : ରକ୍ଷକ ସାଜିଲେ ଭକ୍ଷକ । ଜୟପୁର ସେମିଳିଗୁଡା ବ୍ଲକ ସୋରିଷପଦର ଜଂଗଲରେ ଜଣେ ନବମ ଶ୍ରେଣୀ ଛାତ୍ରୀକୁ ୪ ଜଣ କୋବ୍ରା ବାଟାଲିୟନ ଯବାନ ଗଣଦୁଷ୍କର୍ମ କରିଥିବାର ଅଭିଯୋଗ ହୋଇଛି । ସ୍କୁଲରୁ ଫେରୁଥିବାବେଳେ ଲେଂଜିଗୁଡା ଘାଟୀରେ ଏହି ଘଟଣା ଘଟିଥିବାର ଅଭିଯୋଗ ହୋଇଛି । ଏନେଇ ପଟାଂଗୀ ଥାନାରେ ଏନେଇ ଏତଲା ଦାୟର କରାଯାଇଛି । ପରେ ପୀଡାତା ଜଣଙ୍କୁ ଡାକ୍ତରଖାନାରେ ଭତର୍ତ୍ତି କରାଯାଇଛି । ତେବେ ଏହି ଘଟଣାକୁ ନେଇ ଉତ୍ୟକ୍ତ ଲୋକମାନେ ଟାୟାର ଜାଳି ରାସ୍ତା ଅବରୋଧ କରିଥିଲେ ।

ତେବେ ଏଭଳି ଅଭିଯୋଗକୁ ଖଣ୍ଡନ କରିଛନ୍ତି ସିଆରପିଏଫ ଡିଆଇଜି ରାମ ଚରିତ୍ର । ସେ କହିଛନ୍ତି, ଏହି ଘଟଣାରେ କୋବ୍ରା ବାହିନୀ ସଂପୃକ୍ତ ଥିବା ଜାଣିବା ପରେ ପ୍ରାଥମିକ ତଦନ୍ତ କରାଯାଇଥିଲା ଏବଂ କିଛି ଅଧିକାରୀଙ୍କ ସହ କଥା ମଧ୍ୟ ହୋଇଛି । କିନ୍ତୁ ସେଭଳି କୌଣସି ପ୍ରମାଣ ନଥିବା ସେ କହିଛନ୍ତି । ଏହି ଗଣଦୁର୍ଷ୍କମରେ କୋବ୍ରା ବାହିନୀର କୌଣସି ଯବାନ ସାମିଲ ନାହାନ୍ତି ବୋଲି ସେ ସ୍ପଷ୍ଟ କରିଛନ୍ତି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.