କନକ ବ୍ୟୁରୋ : ପୁଣି ମୁଖ୍ୟମନ୍ତ୍ରୀ ଭାବେ ଝାଡଖଣ୍ଡବାସୀ ହେମନ୍ତ ସୋରେନଙ୍କୁ ଦେଖିବାକୁ ଯାଉଛନ୍ତି । ହେମନ୍ତ ସୋରେନ ଜେଲରୁ ଫେରିବା ପରେ ପୁଣି ମୁଖ୍ୟମନ୍ତ୍ରୀ ପଦ ସମ୍ଭାଳିବେ । ସେ ଗିରଫ ହେବା ପରେ ଚମ୍ପାଇ ସୋରେନ ଝାଡଖଣ୍ଡର ମୁଖ୍ୟମନ୍ତ୍ରୀ ଦାୟିତ୍ୱ ସମ୍ଭାଳିଥିଲେ । ହେଲେ ଆଜି ରାଞ୍ଚୀରେ ବସିଥିବା ଇଣ୍ଡିଆ ମେଣ୍ଟ ବୈଠକରେ ହେମନ୍ତ ସୋରେନ ପୁଣିଥରେ ମୁଖ୍ୟମନ୍ତ୍ରୀ ପଦ ସମ୍ଭାଳିବେ ବୋଲି ନିଷ୍ପତ୍ତି ହୋଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆଜି ରାଞ୍ଚୀରେ ବସିଥିବା ବୈଠକରେ ବିଧାୟକ ଦଳ ମୁଖ୍ୟମନ୍ତ୍ରୀ ଭାବେ ହେମନ୍ତ ସୋରେନଙ୍କ ନାମ ଉପରେ ମୋହର ମାରିଛନ୍ତି । ଝାଡଖଣ୍ଡ ରାଜ୍ୟପାଳ ଆଜି ସନ୍ଧ୍ୟାରେ ରାଞ୍ଚୀରେ ପହଂଚିବେ । ଏହାପରେ ବର୍ତମାନର ମୁଖ୍ୟମନ୍ତ୍ରୀ ଚମ୍ପାଇ ସୋରେନ ରାଜ୍ୟପାଳଙ୍କୁ ଇସ୍ତଫା ପତ୍ର ଦେବେ ବୋଲି ଜଣାପଡିଛି ।
ସେପଟେ ଆଗାମୀ ବିଧାନସଭା ନିର୍ବାଚନ ହେମନ୍ତ ସୋରେନଙ୍କ ନେତୃତ୍ୱରେ ଇଣ୍ଡିଆ ମେଣ୍ଟ ଲଢିବ ବୋଲି ବୈଠକରେ ନିଷ୍ପତ୍ତି ହୋଇଛି । ଏହାସହ ଚମ୍ପାଇ ସୋରେନଙ୍କୁ ଦଳ ଭିତରେ ଏକ ଗୁରୁତ୍ୱପୂର୍ଣ୍ଣ ପଦ ମିଳିପାରେ ବୋଲି ଆଲୋଚନା ହେଉଛି ।