ଗିରଫ ହୋଇପାରନ୍ତି ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ । ଜେରା ପାଇଁ ଇଡି ସହ ପହଞ୍ଚିଲା ଦିଲ୍ଲୀ ପୋଲିସ ।
କନକ ବ୍ୟୁରୋ: ଜମି ଦୁର୍ନୀତି ସହ ଜଡିତ ମନି ଲ୍ଣ୍ଡ୍ରିଂ ମାମଲାରେ ପଚରାଉଚୁରା କରିବାକୁ ଦିଲ୍ଲୀ ସ୍ଥିତ ହେମନ୍ତ ସୋରେନଙ୍କ ବାସଭବନରେ ପହଞ୍ଚିଲା ପ୍ରବର୍ତ୍ତନ ନିର୍ଦ୍ଦେଶାଳୟ ସହ ପହଞ୍ଚିଲା ଦିଲ୍ଲୀ ପୋଲିସ । ସୂଚନା ମୁତାବକ, ଏହି ମାମଲାରେ ତାଙ୍କୁ ଗିରଫ କରାଯିବାର ଯଥେଷ୍ଟ ସମ୍ଭାବନା ରହିଛି । ତାଙ୍କ ବାସଭବନର ଭିତରେ ଓ ବାହାରେ କଡା ସୁରକ୍ଷା ବ୍ୟବସ୍ଥା କରାଯାଇଛି । ଶନିବାର ରାତିରେ ହେମନ୍ତ ସୋରେନ ସ୍ୱତନ୍ତ୍ର ବିମାନ ଯୋଗେ ଦିଲ୍ଲୀରେ ପହଞ୍ଚିଥିବା ପରେ ହେମନ୍ତ ସୋରେନଙ୍କୁ ପଚରାଉଚରା ପାଇଁ ଇଡି ଟିମ୍ ସେଠାରେ ପହଞ୍ଚିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜମି ଦୁର୍ନୀତି ମାମଲାରେ ଇଡି ଟିମ୍ ହେମନ୍ତ ସୋରେନଙ୍କୁ ଏପର୍ୟ୍ୟନ୍ତ ୧୦ ଥର ସମନ ପଠାଇଥିଲେ ମଧ୍ୟ ସୋରେନ ପଚରାଉଚରା ପାଇଁ ହାଜର ହୋଇନାହାନ୍ତି। ସେପଟେ ତାଙ୍କ ଦିଲ୍ଲୀ ଯିବାକୁ ନେଇ ରାଜନୈତିକ ହଟଚମଟ ସୃଷ୍ଟି ହୋଇଥିଲା । ଏହି ମାମଲାରେ ହେମନ୍ତ ସୋରେନଙ୍କ ଉପରେ ମଧ୍ୟ ଗିରଫଦାରୀର ବିପଦ ଘନଉଛି ।