ରାମେଶ୍ୱରମ୍ କାଫେ ବ୍ଲାଷ୍ଟ ଘଟଣା । ୨ ଆତଙ୍କବାଦୀଙ୍କୁ ଗିରଫ କଲା ଏନଆଇଏ
କନକ ବ୍ୟୁରୋ : କନକ ବ୍ୟୁରୋ : ଜାତୀୟ ଯାଂଚ ଏଜେନ୍ସି ଏନଆଇଏ ତରଫରୁ ଶୁକ୍ରବାର ଦିନ ରାମେଶ୍ୱରମ୍ କାଫେ ବିସ୍ଫୋରଣ ଘଟଣାରେ ୨ଜଣ ଆତଙ୍କବାଦୀଙ୍କୁ ଗିରଫ କରିଛି । ସେମାନଙ୍କୁ ପଶ୍ଚିମବଙ୍ଗରୁ ଗିରଫ କରାଯାଇଛି । ମାର୍ଚ୍ଚ ପହିଲାରେ ବେଙ୍ଗାଲୁରୁର ରାମେଶ୍ୱରମ କାଫେରେ ବିସ୍ଫୋରଣ ହୋଇଥିଲା । ଏଥିରେ ୨ଜଣ ଲୋକ ଗୁରୁତ୍ୱର ହୋଇଥିଲେ । ଏହି ମାମଲାରେ ଗିରଫ ହୋଇଥିବା ୨ ଆତଙ୍କବାଦୀ ହେଉଛନ୍ତି ହୁସେନ ଶାଜିବ ଓ ଅବ୍ଦୁଲ ମଦିନ୍ ।
Kanak News is now on WhatsApp
Join and get latest news updates delivered to you via WhatsApp
ଏନଆଇଏର ଜଣେ ପ୍ରବକ୍ତା କହିଛନ୍ତି କି, ରାମେଶ୍ୱରମ୍ କାଫେ ବିସ୍ଫୋରଣ ମାମଲାରେ ଫେରାର ହୋଇଯାଇଥିବା ଅଦବୁଲ ମଥୀନ ତାହା ଓ ମୁସାବିର ହୁଶେନଙ୍କୁ କୋଲକତା ନିଟକସ୍ଥ ସେମାନଙ୍କ ବାସଭବନ ଉପରେ ଚଢାଉ କରି ଗିରଫ କରାଯାଇଛି ।
ଏନଆଇଏ ତରଫରୁ କୁହାଯାଇଛି କି, ୩୦୦ ରୁ ଅଧିକ ସିସିଟିଭି କ୍ୟାମେରାର ଫୁଟେଜକୁ ସ୍କାନ କରିବା ପରେ ପ୍ରମାଣ ମିଳିଥିଲା କି ୨୦୨୦ ମସିହାରେ ସୁରକ୍ଷା ଏଜେନ୍ସିର ରାଡାରକୁ ଆସିଥିବା ଆତଙ୍କବାଦୀ ସଂଗଠନ ଆଇଏସଆଇଏସର ଦୁଇଜଣ ସଦସ୍ୟ ଶାଜିବ ଓ ତାହା ଏହି ବିସ୍ଫୋରଣ ଘଟାଇଛନ୍ତି ।
ଏହି ମାମଲାରେ ଆହୁରି ୨ଜଣଙ୍କୁ ଅଭିଯୁକ୍ତ କରାଯାଇଛି । ସେମାନେ ହେଲେ ୨୬ ବର୍ଷିୟ ମାଜ ମୁନୀର ଅହମ୍ମଦ ଓ ୩୦ ବର୍ଷିୟ ମୁଜମ୍ମିଲ ଶରିଫ । ସେମାନେ ସେଲ୍ ଫାନ, ନକଲି ସିମକାର୍ଡ ଓ ବିସ୍ଫୋରଣ ଯୋଜନାକୁ ସଫଳ କରିବାକୁ ବିଭିନ୍ନ ବିସ୍ଫୋଟକ ସାମଗ୍ରୀ ଯୋଗାଇଥିଲେ । ଏହି ଅଭିଯୋଗରେ ସେମାନଙ୍କୁ ମଧ୍ୟ ଏନଆଇଏ ଗିରଫ କରିଛି ।