ଉପନିର୍ବାଚନ ପୂର୍ବରୁ ଆରମ୍ଭ ହେଲା ଦଳଡିଆଁ ପର୍ବ । ବିଜେପି ଛାଡିଲେ ରମାକାନ୍ତ ଭୋଇ, ୨୦୧୯ରେ ପଦ୍ମ ଦଳରୁ ହୋଇଥିଲେ ପ୍ରାର୍ଥୀ ।
କନକ ବ୍ୟୁରୋ : ଉପନିର୍ବାଚନ ପୂବରୁ ଆରମ୍ଭ ହେଲା ଦଳଡିଆଁ ପର୍ବ । ତିର୍ତ୍ତୋଲ ଉପନିର୍ବାଚନ ପୂର୍ବରୁ ବିଜେପିକୁ ବାଏ ବାଏ କଲେ ରମାକାନ୍ତ ଭୋଇ । ୨୦୧୯ ନିର୍ବାଚନରେ ତିର୍ତ୍ତୋଲରୁ ବିଜେପି ପ୍ରାର୍ଥୀ ଭାବେ ଲଢିଥିବା ରମାକାନ୍ତ ଆଜି ନିଜ ସମର୍ଥକଙ୍କ ସହ ପଦ୍ମ ଶିବିରକୁ ପର କରିଛନ୍ତି । ଦଳ ତାଙ୍କୁ ଅଣଦେଖା କରୁଥିବା ଅଭିଯୋଗ ଆଣି ବିଜେପି ଛାଡିଛନ୍ତି ରମାକାନ୍ତ । ଯାହା ଦଳରେ ଥିବା କନ୍ଦଳକୁ ବାହାରେ ପକାଇଛି ।
Kanak News is now on WhatsApp
Join and get latest news updates delivered to you via WhatsApp
ତିର୍ତ୍ତୋଲ ଉପନିର୍ବାଚନ ପୂର୍ବରୁ କଂଗ୍ରେସ ନେତା ରାଜକିଶୋର ବେହେରା ଦଳ ଛାଡି ବିଜେପି ଶିବିରରେ ଏଣ୍ଟ୍ରି କରିବା ପରେ ରମାକାନ୍ତଙ୍କ ଶିବିର ଏହାକୁ ସହଜରେ ଗ୍ରହଣ କରିନଥିଲା । ଏପରିକି ଦଳ ପକ୍ଷରୁ ତାଙ୍କୁ ଅଣଦେଖା କରାଯାଉଥିବା ଅଭିଯୋଗ ଆଣିଥିଲେ ରମାକାନ୍ତଙ୍କ ଗୋଷ୍ଠୀ । ତିର୍ତ୍ତୋଲରେ ବିଜେପିରୁ ପୁଣି ଥରେ ପ୍ରାର୍ଥୀ ହେବାକୁ ରମାକାନ୍ତ ଆଶା ବାନ୍ଧି ବସିଥିବା ବେଳେ ଦଳରେ ରାଜକିଶୋରଙ୍କ ଯୋଗଦାନ ଟିକେଟ ରେସରେ ରମାକାନ୍ତଙ୍କୁ ପଛକୁ ଠେଲି ଦେଇଥିଲା ।
ତିର୍ତ୍ତୋଲ ନିର୍ବାଚନ ପାଇଁ ତାରିଖ ଘୋଷଣା ହୋଇ ସାରିଥିବା ବେଳେ ଏଯାଏଁ ୩ ପ୍ରମୁଖ ଦଳ ନିଜର ପ୍ରାର୍ଥୀ ଘୋଷଣା କରିନାହାନ୍ତି । ବିଜେଡି ନିଜ ଗଡ ବଞ୍ଚାଇବା ମାଷ୍ଟରପ୍ଲାନ ପ୍ରସ୍ତୁତ କରୁଥିବା ବେଳେ ବିଜେପି ଏହି ଆସନକୁ ଅକ୍ତିଆର କରିବାକୁ ଋଣନୀତି କରୁଛି । ସେହିଭଳି କଂଗ୍ରେସ ପୁଣିଥରେ ଏହି ଆସନରେ କମବ୍ୟାକ୍ କରିବାକୁ ନଜର ରଖିଛି ।