ବଲିଉଡ୍ ଡ୍ରଗ୍ସ ଲିଙ୍କ୍ ମାମଲାରେ ଆଜି ଏନ୍ସିବିରେ ହାଜର ହେବ ରକୁଲପ୍ରୀତ ସିଂ । ରକୁଲଙ୍କ ସହ ସିମନ୍ ଖଂବାଟାକୁ ହେବ ପଚରାଉଚୁରା
କନକ ବ୍ୟୁରୋ : ବଲିଉଡ୍ ଡ୍ରଗ୍ସ ଲିଙ୍କ୍ ମାମଲାରେ ଆଜି ଏନ୍ସିବିରେ ହାଜର ହେବେ ସାଉଥ୍ ସୁପରଷ୍ଟାର ରକୁଲପ୍ରୀତ ସିଂ । ରକୁଲଙ୍କ ସମେତ ଫେସନ୍ ଡିଜାଇନର୍ ସିମନ୍ ଖଂବାଟାଙ୍କୁ ମଧ୍ୟ ଏନ୍ସିବିରେ ହାଜର ହେବା ପାଇଁ ସମନ୍ ହୋଇଛି । ସୁଶାନ୍ତ ସିଂ ମୃତ୍ୟୁ ମାମଲର ମୁଖ୍ୟ ଅଭିଯୁକ୍ତ ରିୟା ଚକ୍ରବର୍ତୀଙ୍କ ବୟାନ ପରେ ବଲିଉଡ୍ର ଡ୍ରଗ୍ସ ଲିଙ୍କ ଘଟଣା ସାମ୍ନାକୁ ଆସିଥିଲା । ଆଉ ଏହା ପରେ ଡ୍ରଗ୍ସ କାରବାର ନେଇ ଜଣେ ପରେ ଜଣେ ବଲିଉଡ ତାରକାଙ୍କ ନାଁ ସାମ୍ନାକୁ ଆସୁଛି । ସେପଟେ ଏନ୍ସିବିରେ ହାଜର ହେବେ ବଲିଉଡ୍ର ସବୁଠାରୁ ଚର୍ଚିତ ଅଭିନେତ୍ରୀ ଦୀପିକା ପାଦୁକୋନ ।
Kanak News is now on WhatsApp
Join and get latest news updates delivered to you via WhatsApp
ଦୀପିକାଙ୍କ ଡ୍ରଗ୍ସ ଚାର୍ଟ ଘଟଣାକୁ ନେଇ ଚର୍ଚ୍ଚା ଥମି ନଥିବା ବେଳେ ୨୦୧୭ର ଏକ କଥିତ ଡ୍ରଗ୍ସ ପାଟିର ଭିଡିଓ ଦୀପିକା ପାଦୁକୋନଙ୍କୁ ଅଡୁଆରେ ଛନ୍ଦି ଦେଇଛି । ଦୀପିକା ପାଦୁକୋନଙ୍କୁ ମଧ୍ୟ ସମନ୍ କରିଛି ନାରକୋଟିକ୍ କଂଟ୍ରୋଲ ବ୍ୟୁରୋ । ଦୀପିକାଙ୍କ ସହ ସାରା ଅଲ୍ଲି ଖାନ୍ ଏବଂ ଶ୍ରଦ୍ଧା କପୁରଙ୍କ ସମେତ ୭ ଜଣଙ୍କୁ ସମନ୍ କରିଛି ଏନ୍ସିବି । ଆସନ୍ତାକାଲି ଦୀପିକା ପାଦୁକୋନ ଏବଂ ୨୬ ତାରିଖରେ ସାରା ଅଲ୍ଲିଖାନ୍ ଏବଂ ଶ୍ରଦ୍ଧା କପୁରଙ୍କୁ ହାଜର ହେବା ପାଇଁ ସମନ୍ କରାଯାଇଛି । ବଡ଼ କଥା ହେଉଛି ବଲିଉଡ ଡ୍ରଗ୍ସ କନକ୍ସେନ୍ ମାମଲାରେ ବର୍ତମାନ ସୁଦ୍ଧା ୧୮ ଜଣଙ୍କୁ ଗିରଫ କରାଯାଇଛି ।