ରାଜ୍ୟସଭା ରେସ : କାହାକୁ ଭରସା କରିବ ବିଜେଡି? ନୂଆଙ୍କୁ ସୁଯୋଗ ନା ବରିଷ୍ଠଙ୍କ ଉପରେ ଭରସା !
କନକ ବ୍ୟୁରୋ : ରାଜ୍ୟସଭାର ୩ ଆସନରେ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇସାରିଛି । ଅଶ୍ୱିନୀ ବୈଷ୍ଣବ, ପ୍ରଶାନ୍ତ ନନ୍ଦ ଓ ଅମର ପଟ୍ଟନାୟକଙ୍କ କାର୍ଯ୍ୟକାଳ ଏପ୍ରିଲ ୩ରେ ଶେଷ ହେଉଥିବାରୁ ନୂଆ ସଦସ୍ୟ ରାଜ୍ୟସଭାକୁ ଯିବେ । ସଂଖ୍ୟା ଦୃଷ୍ଟିରୁ ୩ ଟି ଯାକ ଆସନ ବିଜେଡି ଜିତିବା ଏକପ୍ରକାର ନିଶ୍ଚିତ ଥିବାବେଳେ ବିଜେଡି ସୁପ୍ରିମୋ କାହା ଉପରେ ଭରସା କରୁଛନ୍ତି ତା ଉପରେ ସମସ୍ତଙ୍କ ନଜର ରହିଛି । ତେବେ କୁହାଯାଉଛି ଜଣେ ମହିଳା, ଜଣେ ବରିଷ୍ଠ ସାଂସଦ ଓ କର୍ପୋରେଟ ଜଗତ ସହ ଜଡିତ ବ୍ୟକ୍ତିଙ୍କୁ ରାଜ୍ୟସଭାକୁ ପଠାଇପାରେ ବିଜେଡି । ଏ ଦୃଷ୍ଟିରୁ ଦେଖିଲେ
-ଚର୍ଚ୍ଚାରେ ଅଛନ୍ତି ମନ୍ତ୍ରୀ ଟୁକୁନି ସାହୁ ଓ ପୁରୀ ସାଂସଦ ପିନାକୀ ମିଶ୍ର
-ବିଜେଡି ନେତା ଅରୂପ ପଟ୍ଟନାୟକଙ୍କ ନାଁ ବି ରେସରେ ଥିବା କୁହାଯାଉଛି
– ଶୁକ୍ରବାର ବିଜେଡିରେ ସାମିଲ ହୋଇଥିବା ସଂତୃପ୍ତ ମିଶ୍ରଙ୍କ ନାଁ ବି ଆଗରେ ଅଛି
Kanak News is now on WhatsApp
Join and get latest news updates delivered to you via WhatsApp
ଗତଥର ଅଶ୍ୱିନୀ ବୈଷ୍ଣବଙ୍କୁ ପ୍ରାର୍ଥୀ କରି ସମସ୍ତଙ୍କୁ ଚମକାଇଦେଇଥିଲେ ନବୀନ ପଟ୍ଟନାୟକ । ତେଣୁ ବିଜେଡି ସୁପ୍ରିମୋ ଏଥର ଯେ ସରପ୍ରାଇଜ କାର୍ଡ ଖେଳିବେନି ତାର ଆକଳନ କରିବା କଷ୍ଟକର । ଏହାଛଡା ପ୍ରତିଶ୍ରୃତି ମୁତାବକ ଟିକେଟ ପାଇବାକୁ ବ୍ରହ୍ମପୁରର ପୂର୍ବତନ ବିଧାୟକ ରମେଶ ଚନ୍ଦ୍ର ଚ୍ୟାଉପଟ୍ଟନାୟକ ଓ ଭୁବନେଶ୍ୱରର ପୂର୍ବତନ ସାଂସଦ ପ୍ରସନ୍ନ ପାଟଶାଣୀଙ୍କ ନାଁ ବି ରାଜ୍ୟସଭା ରେସରେ ରହିଛି ।
ରାଜ୍ୟସଭା ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇସାରିଛି । ୨୭ ତାରିଖରେ ହେବ ଭୋଟ । ତେଣୁ ସୋମବାର ବିଜେଡି ପ୍ରାର୍ଥୀ ଘୋଷଣା କରିବା ସମ୍ଭାବନା ରହିଛି ।