ରେଳମନ୍ତ୍ରୀ ଭାବେ ଦାୟିତ୍ୱ ଦେଲେ ଅଶ୍ୱିନୀ ବୈଷ୍ଣବ : ରେଳବାଇର ଆଧୁନିକରଣ ସହ ବୈଷ୍ଣବଙ୍କ ଉପରେ ରହିବ ବଡ଼ ଦାୟିତ୍ୱ
ଆଜି ଦାୟିତ୍ୱ ନେବେ ଅନ୍ୟମନ୍ତ୍ରୀ; ଜାତୀୟ ଶିକ୍ଷା ନୀତି ଲାଗୁ କରିବା, ଧର୍ମେନ୍ଦ୍ରଙ୍କ ଗୁରୁ ଦାୟିତ୍ୱ
କନକ ବ୍ୟୁରୋ : କେନ୍ଦ୍ର ରେଳମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କଲେ ଅଶ୍ୱିନୀ ବୈଷ୍ଣବ । ବିଧିବଧ ଭାବେ ଆଜି ତାଙ୍କୁ ଦାୟିତ୍ୱ ହସ୍ତାନ୍ତର କରାଯାଇଛି । ସକାଳ ୧୦ଟା ସମୟରେ ଅଶ୍ୱିନୀ ବୈଷ୍ଣବ କେନ୍ଦ୍ରୀୟ ସଚିବାଳୟରେ ଥିବା ରେଳ ଭବନରେ ପହଂଥିଲେ । ସେଠାରେ ବିଭାଗୀୟ ସଚିବ ଓ ବରିଷ୍ଠ ପଦାଧିକାରୀ ତାଙ୍କୁ ଶୁଭେଚ୍ଛା ଜଣାଇବା ସହ ସ୍ୱାଗତ କରିଛନ୍ତି । ପରେ ବିଧି ଅନୁସାରେ ରେଳ ବିଭାଗ ଦାୟିତ୍ୱ ହସ୍ତାନ୍ତର କରାଯାଇଛି । ଭାରତୀୟ ରେଳର ଆଧୁନିକରଣ ଓ ସଂପ୍ରସାରଣ ସହ ଓଡିଶାରେ ରେଳ କ୍ଷେତ୍ରର ବିକାଶ ପାଇଁ ଓଡିଶାର ଏହି ସାଂସଦ ଉଲ୍ଲେଖନୀୟ କାର୍ଯ୍ୟ କରିବେ ବୋଲି ଆଶା ରଖାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ପକ୍ଷରୁ ଅଶ୍ୱିନୀ ବୈଷ୍ଣବଙ୍କୁ ରାଜ୍ୟସଭା ସାଂସଦ ଭାବେ ପ୍ରାର୍ଥୀ କରାଯାଇଥିବା ବେଳେ ବିଜେଡି ସମର୍ଥନରେ ନିର୍ବାଚିତ ହୋଇ ରାଜ୍ୟସଭାକୁ ଯାଇଥିଲେ । ୧୯୯୪ ବ୍ୟାଚ ଓଡିଶା କ୍ୟାଡର ଆଇପିଏସ ଅଶ୍ୱିନୀ ବୈଷ୍ଣବ । ଏହାପୂର୍ବ କେନ୍ଦ୍ରରେ ସଚିବ ଭାବେ ବହୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇଛନ୍ତି । ଅଟଳ ବିହାରୀ ବାଜପେୟୀଙ୍କ ଶାସନ ସମୟରେ ପିଏମଓର ଡେପୁଟି ସେକ୍ରେଟାରୀ ରହିଥିଲେ । ୧୯୯୯ ମହାବାତ୍ୟା ବେଳେ ୟୁଏସ ନ୍ୟାଭି ୱେବ୍ ସାଇଟ୍ ଟ୍ରାକ କରି ବାତ୍ୟାର ଗତି ପଥ ସଂପର୍କରେ ଗୁରୁତ୍ୱପୂର୍ଣ୍ଣ ସୂଚନା ଦେଉଥିଲ ।
ମୋଦିଙ୍କ ଦ୍ୱିତୀୟ ପାଳି ମନ୍ତ୍ରୀମଣ୍ଡଳ ସଂପ୍ରସାରଣରେ ଅଶ୍ୱିନୀ ବୈଷ୍ଣବଙ୍କୁ ରେଳ ମନ୍ତ୍ରୀ ଦାୟିତ୍ୱ ମିଳିଥିବା ବେଳେ ତାଙ୍କ ହାତରେ ଆଉ ୩ଟି ବିଭାଗ ରହିଛି । ରେଳ ବିଭାଗ ସହ ଯୋଗାଯୋଗ, ସୂଚନା ପ୍ରଯୁକ୍ତ ଓ ଇଲୋକ୍ଟ୍ରୋନିକ୍ସ ବିଭାଗ ରହିଛି ଓଡିଶାର ଅବସରପ୍ରାପ୍ତ ଆଇଏସଏସଙ୍କ ହାତରେ ।