ରାଜ୍ୟସଭାରେ ପରିବର୍ତ୍ତନ ଋତୁ ! ୧୯୫୦ ମସିହା ପରେ ପ୍ରଥମଥର ପାଇଁ ବଦଳିଲା ରାଜ୍ୟସଭା ମାର୍ଶଲଙ୍କ ବେଶଭୂଷା , ଏବେ ଧୋତି-ପଗଡିରେ ନୁହଁ ସେନା କମାଣ୍ଡରଙ୍କ ଭଳି ପୋଷାକରେ ନଜର ଆସିବେ ମାର୍ଶଲ ।
ସଂସଦରେ ଶୀତକାଳୀନ ଅଧିବେଶନ ଗତକାଲି ଠାରୁ ଆରମ୍ଭ ହୋଇଛି । ରାଜ୍ୟସଭାରେ ଏହା ହେଉଛି ୨୫୦ ତମ ଅଧିବେଶନ । ଏହି ଅବସରରେ ରାଜ୍ୟସଭାରେ ନୂତନ ପରିବର୍ତ୍ତନ ଦେଖିବାକୁ ମିଳିଛି । ଯେତେବେଳେ ରାଜ୍ୟସଭାର ଅଧ୍ୟକ୍ଷ ଭେଙ୍କେୟା ନାଇଡୁ ସଦନକୁ ପ୍ରବେସ କଲେ ତାଙ୍କ ସହିତ ଉପସ୍ଥିତ ରହୁଥିବା ମାର୍ଶାଲଙ୍କ ବେଶ ଭୂଷାରେ ପରିବର୍ତ୍ତନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସଂସଦର କାର୍ଯ୍ୟକାରୀ ଆରମ୍ଭ ହେବା ସମୟରେ, ଭେଙ୍କେୟା ନାଇଡୁଙ୍କ ସହିତ ଦୁଇ ମାର୍ଶଲଙ୍କୁ ଦେଖି ସେଠାରେ ଉପସ୍ଥିତ ଥିବା ସମସ୍ତ ସାଂସଦ ଆଶ୍ଚର୍ଯ୍ୟ ହୋଇଥିଲେ । ତାଙ୍କ ସହିତ ଥିବା ମାର୍ଶଲଙ୍କୁ ନୂଆ ଡ୍ରେସରେ ଦେଖିବାକୁ ମିଳିଥିଲା । ସୂଚନାନୁସାରେ, ସଂସଦରେ ପୂର୍ବରୁ ମାର୍ଶଲଙ୍କ ବେଶଭୂଷା ଧଳା ରଙ୍ଗର ଥିଲା । ଯାହା ଏବେ ପରିବର୍ତ୍ତନ ହୋଇ ସେନା ଭଳି ପୋଷାକ ହୋଇଛି । ଏହାର ରଙ୍ଗରେ ମଧ୍ୟ ପରିବର୍ତ୍ତନ ହୋଇଛି । ମାର୍ଶଲ୍ ଏବେ ପଗଡି ବଦଳରେ ପିନ୍ଧୁଛନ୍ତି କ୍ୟାପ୍ । ରାଜ୍ୟସଭାରେ ଏହା ହେଉଛି ୨୫୦ ତମ ଅଧିବେଶନ । ଏହି ସଦନରେ ୨୪୫ଜଣ ସଦସ୍ୟ ଅଛନ୍ତି । ଏହାର ଗଠନ ୧୯୫୨ ରେ ହୋଇଥିଲା । ୨୬ ନଭେମ୍ବରରେ ସମ୍ବିଧାନକୁ ୭୦ ବର୍ଷ ପୂରଣ ହେବ ।