ସ୍ୱାଧୀନପ୍ରାର୍ଥୀ ଭାବେ ନାମାଙ୍କନ ଭରିଲେ ରାଜୁ ଦାସ । ଧାମନଗରରେ ଦେଖିବାକୁ ମିଳିବ ସ୍ୱାଭିମାନର ଲଢେଇ

କନକ ବ୍ୟୁରୋ : ନାମାଙ୍କନ ଭରିଲେ ସ୍ୱାଧୀନପ୍ରାର୍ଥୀ ରାଜୁ ଦାସ । ଧାମନଗରରେ ଦେଖିବାକୁ ମିଳିବ ସ୍ୱାଭିମାନର ଲଢେଇ । ବିଜେଡିରୁ ଅବନ୍ତୀ ଦାସ ନିର୍ବାଚନ ଲଢିବାକୁ ଯାଉଥିବା ବେଳେ ସ୍ୱାଧୀନ ପ୍ରାର୍ଥୀ ଭାବେ ନାମାଙ୍କନ ଭରିଛନ୍ତି ବିଜେଡିର ପୂର୍ବତ୍ତନ ବିଧାୟକ ରାଜୁ ଦାସ ।

ରାଜୁ ଦାସ ଧାମନଗର ଉପନିର୍ବାଚନ ପାଇଁ ଅନ୍ୟତମ ଆଶାୟୀ ଥିଲେ । କିନ୍ତୁ ଦଳ ତାଙ୍କୁ ଟିକେଟ୍ ନଦେଇ ମହିଳା କାର୍ଡ ଖେଳିଛି । ଅବନ୍ତୀ ଦାସଙ୍କୁ ଦଳ ଧାମନଗର ଉପନିର୍ବାଚନ ଲଢିବା ପାଇଁ ଟିକେଟ୍ ଦେବା ପରେ ଅସନ୍ତୁଷ୍ଟ ରାଜୁ ଦାସ ସ୍ୱାଧୀନ ଭାବେ ଲଢିବା ପାଇଁ ନିସ୍ପତ୍ତି ନେଇଛନ୍ତି । ତେଣୁ ଧାମନଗରରେ ସ୍ୱାଭିମାନର ଲଢେଇ ଦେଖିବାକୁ ମିଳିବ ବୋଲି ଚର୍ଚ୍ଚା ହେଉଛି ।