ଆସନ୍ତାକାଲି ଲେହ ଗସ୍ତରେ ଯିବେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ସୁରକ୍ଷା ବ୍ୟବସ୍ଥାର କରିବେ ଯାଞ୍ଚ ।
କନକ ବ୍ୟୁରୋ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ରବିବାର ଲେହ-ଲଦାଖ ଗସ୍ତରେ ଯାଉଛନ୍ତି । ସେଠାରେ ସେ ସେନାର ସ୍ଥିତି ପରଖିବା ସହିତ ବିଭିନ୍ନ ସଡକ, ବ୍ରିଜର ଉଦଘାଟନ କରିବେ । ରାଜନାଥଙ୍କ ଏହି ଗସ୍ତକୁ ଏବେ ବେଶ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି, କାରଣ ଗତ ସପ୍ତାହରେ ହିଁ ରକ୍ଷାମନ୍ତ୍ରୀ ରାଜନାଥ ସିଂହ ଆସାମ-ଅରୁଣାଚଳ ପ୍ରଦେଶ ଗସ୍ତ କରିବା ସହିତ ସେଠାରେ ବିଭିନ୍ନ ସଡକ ଏବଂ ବ୍ରିଜର ଉଦଘାଟନ କରିଥିଲେ । ଏହାର ଗୋଟିଏ ସପ୍ତାହ ପରେ ସେ ଲେହ-ଲଦାଖ ଗସ୍ତରେ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ମାସ ଧରି ସରକାର ବର୍ଡର ଅଂଚଳରେ ନିଜର ସ୍ଥିତି ମଜଭୁତ କରିବା ଲଗାତାର ପ୍ରୟାସ କରିିିଆସୁଛନ୍ତି । ଏଥିପାଇଁ ସେଠାରେ ଖୁବଶୀଘ୍ର ସଡକ ଏବଂ ବ୍ରିଜ୍ ନିିର୍ମାଣ କରାଯାଉଛି । ଏହାଫଳରେ ସେହି ଅଞ୍ଚଳରେ ସେନାର ଗତିବିଧି ବଢିବା ସହିତ ଦେଶର ସେନା ମଧ୍ୟ ଶକ୍ତିଶାଳୀ ହୋଇପାରିବ । ତେବେ ଏହି ଗସ୍ତରେ ପ୍ରତିରକ୍ଷା ମନ୍ତ୍ରୀ ସେନା ସହ ସାକ୍ଷାତ କରିବା ସହିତ ସଡକ ଏବଂ ବ୍ରିଜର ମଧ୍ୟ ଉଦଘାଟନ କରିବେ ।
ପୂର୍ବ ଲଦାଖ ଅଞ୍ଚଳରେ ସୀମା ବିବାଦକୁ ନେଇ ଭାରତ-ଚୀନ ଭିତରେ କଥା କଟାକଟି ଜାରିି ରହିଛି । ଚୀନ ସେନା – ଭାରତୀୟ ସେନା ଅନେକ ଥର ମୁହାଁମୁହିଁ ମଧ୍ୟ ହୋଇସାରିଲେଣି । ଏପରି ସ୍ଥିତିରେ ରାଜନାଥ ସିଂହଙ୍କ ଏହି ଗସ୍ତ ବେଶ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି ।