କାଲି ଓଡିଶା ଆସୁଛନ୍ତି ରାଜନାଥ ସିଂ । ୨୪ ଲଢେଇ ପାଇଁ କରିବେ କ୍ଷେତ୍ର ପ୍ରସ୍ତୁତି ।
କନକ ବ୍ୟୁରୋ: ‘୨୪’ ଲଢ଼େଇ ପାଇଁ ବିଜେପିର କ୍ଷେତ୍ର ପ୍ରସ୍ତୁତି ଜୋରଦାର ହୋଇଛି । ଆସନ୍ତାକାଲି ଓଡ଼ିଶା ଗସ୍ତରେ ଆସୁଛନ୍ତି କେନ୍ଦ୍ରମନ୍ତ୍ରୀ ରାଜନାଥ ସିଂହ । ସଂସଦୀୟ କ୍ଷେତ୍ରର ପ୍ରସ୍ତୁତି ଓ ରଣନୀତି ନେଇ ୩ଟି ସ୍ଥାନରେ ଅନୁଷ୍ଠିତ କୋରକମିଟି ବୈଠକରେ ସାମିଲ ହେବେ ପ୍ରତିରକ୍ଷା ମନ୍ତ୍ରୀ । ।
Kanak News is now on WhatsApp
Join and get latest news updates delivered to you via WhatsApp
ଗଞ୍ଜାମ, ନବରଙ୍ଗପୁର ଏବଂ ମୟୁରଭଞ୍ଜରେ ଅନୁଷ୍ଠିତ କାର୍ଯ୍ୟକ୍ରମରେ ଦଳୀୟ ନେତା ଓ କର୍ମୀଙ୍କୁ ଉଦବୋଧନ ଦେବେ ରାଜନାଥ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବାର୍ତାକୁ କିଭଳି ଲୋକଙ୍କ ପାଖକୁ ପହଞ୍ଚାଯିବ ସେ ସମ୍ପର୍କରେ ଦଳୀୟ ନେତାଙ୍କୁ ସୂଚନା ଦେବେ । ସେହିପରି ଗାଁ ଚାଲ, ବୁଥ୍ ଚାଲ ଅଭିଯାନ୍ ଜରିଆରେ କେନ୍ଦ୍ର ସରକାରଙ୍କ ଯୋଜନାର ଲାଭାର୍ଥୀଙ୍କୁ ଭେଟି ବିଜେପି କର୍ମୀ କଣ କରିବେ ସେ ସମ୍ପର୍କରେ ବିସ୍ତୁତ ବିରରଣୀ ଦେବେ ।
ବ୍ରହ୍ମପୁର ସହରର ବିବେକ ବିହାରରେ ଗଞ୍ଜାମ ଜିଲ୍ଳାର କାର୍ଯ୍ୟକ୍ରମ ଅନୁଷ୍ଠିତ ହେବ । ଏଥିରେ ୨୦ ହଜାରରୁ ଅଧିକ ନେତା ଓ କର୍ମୀ ଯୋଗ ଦେବାର କାର୍ଯ୍ୟକ୍ରମ ରହିଛି । ସୂଚନା ଅନୁସାରେ ଏହି ୩ଟି ଜିଲ୍ଳା ଗସ୍ତ କାର୍ଯ୍ୟକ୍ରମରେ ଜନସଭାକୁ ମଧ୍ୟ ଉଦବୋଧନ ଦେବେ କେନ୍ଦ୍ରମନ୍ତ୍ରୀ ରାଜନାଥ ସିଂ ।