ଏଲଏସି ସ୍ଥିତି ନେଇ ରାଜ୍ୟସଭାରେ ରାଜନାଥଙ୍କ ବିବୃତି : କହିଲେ, ଏଲଏସିରେ ଆମ ସେନା ପ୍ରସ୍ତୁତ : ଚୀନର କାର୍ଯ୍ୟକଳାପ ବିରୋଧରେ ଜବାବ ଦେବ ଭାରତ
କନକ ବ୍ୟୁରୋ : ଭାରତ ଚାଇନା ସୀମା ସ୍ଥିତି ନେଇ ଆଜି ରାଜ୍ୟସଭାରେ ବକ୍ତବ୍ୟ ରଖିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ବର୍ତ୍ତମାନ ଭାରତ ଓ ଚୀନ୍ ମଧ୍ୟରେ ପୂର୍ବ ଲଦାଖରେ ଥିବା ଏଲଏସିରେ ଉତ୍ତେଜନାମୂଳକ ସ୍ଥିତି ଲାଗି ରହିଛି । ରାଜ୍ୟସଭାରେ ନିଜ ବକ୍ତବ୍ୟରେ ରାଜନାଥ ସ୍ପଷ୍ଟ କରିଛନ୍ତି ସମସ୍ତ ପ୍ରତିକୂଳ ସ୍ଥିତି ଭିତରେ ଭାରତୀୟ ସେନା ସୀମା ସୁରକ୍ଷାରେ ଅଛନ୍ତି । ଏଲଏସିରେ ଆମ ସେନା ମଧ୍ୟ ପ୍ରସ୍ତୁତ ଅଛନ୍ତି । ଚୀନର କାର୍ଯ୍ୟକଳାପ ବିରୋଧରେ ଜବାବ ଭାରତ ଜବାବ ଦେବ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଦେଶ ମଧ୍ୟରେ ସୀମା ବିବାଦ ସମାଧାନ ପାଇଁ କୂଟନୈତିକ ଏବଂ ସାମରିକ କମାଣ୍ଡର ସ୍ତରୀୟ ଆଲୋଚନା ଜାରି ରଖିବାକୁ ଉଦ୍ୟମ ଜାରି ରହିଛି । ଦୁଇ ପକ୍ଷ ପୂର୍ବରୁ ହୋଇଥିବା ସମସ୍ତ ଚୁକ୍ତିକୁ ପାଳନ କରିବାର ଆବଶ୍ୟକତା ରହିଛି । କିନ୍ତୁ ଚୀନ୍ ଏହାକୁ ପାଳନ କରୁନାହିଁ । ଚୀନ୍ ୧୯୬୩ ମସିହାରୁ ଲଦାଖ କେନ୍ଦ୍ରଶାସିତ ଅଞ୍ଚଳର ୩୮ ହଜାର ବର୍ଗ କିଲୋମିଟର ଅଞ୍ଚଳ ଅନଧିକାର ଭାବେ ଅକ୍ତିଆର କରି ରଖିଛି ।
ସେହିପରି ପିଓକେର ସିଆଚୀନ୍ ଅଞ୍ଚଳର ୫ ହଜାର ୧୮୦ ବର୍ଗ କିମି ଅଞ୍ଚଳ ପାକିସ୍ତାନ ଚୀନ୍ ହାତକୁ ଟେକି ଦେଇଛି । ଭାରତୀୟ ସୀମାକୁ ଅନଧିକାର ଭାବେ ଅକ୍ତିଆର କରିବା ପରେ ୧୯୯୩ ଓ ୨୦୦୩ ମସିହାର ସୀମା ଚୁକ୍ତିକୁ ମଧ୍ୟ ପାଳନ କରୁନି । ବରଂ ଭାରତ ଚୀନ ୍ଭିତରେ କୌଣସି ସୀମା ସ୍ଥିର ହେବା କଥାକୁ ଅସ୍ୱୀକାର କରି ଆସୁଛି ।
ଗତ ୨୯ ଅଗଷ୍ଟରେ ସୀମାରେ ଚୀନ ସେନା ପକ୍ଷରୁ ଅନଧିକାର ଅନୁପ୍ରବେଶ ଉଦ୍ୟମ ଓ ଗୁଳି ବିନିମୟ ହୋଇଥିଲା । ଏହି ଘଟଣା ସ୍ପଷ୍ଟ କରିଛି ଚୀନ୍ ଭାରତ ସହିତ କଥାବାର୍ତ୍ତା ଭିତରେ ବିବାଦ ସମାଧାନ ଚାହୁଁନାହିଁ । ଅସ୍ଥିରତା ସୃଷ୍ଟି ପାଇଁ ଚୀନ୍ ପକ୍ଷରୁ ବାରମ୍ୱାର ଉଦ୍ୟମ ହୋଇ ଆସୁଛି । ବର୍ତ୍ତର୍ମାନ ଚୀନ୍ ଏହା ପାଶ୍ୱର୍ରେ ବହୁ ସଂଖ୍ୟାରେ ସୈନ୍ୟବଳ ମହଜୁଦ୍ କରିଛି । ଏହାକୁ ଜବାବ ଦେବାକୁ ଭାରତ ମଧ୍ୟ ସୀମାରେ ସୈନ୍ୟ ବଳ ବଢାଇଛି । ସୀମାରେ ଭିତିଭୂମି ବିକାଶ କରି ଚୀନକୁ ଜବାବ ଦେବାକୁ ଭାରତ ସମସ୍ତ ଉଦ୍ୟମ କରୁଥିବା ରାଜ୍ୟସଭାରେ ବକ୍ତବ୍ୟ ରଖିଛନ୍ତି ରାଜନାଥ ସିଂ । ଆବଶ୍ୟକ ହେଲେ ଦେଶ ହିତରେ କୌଣସି ବି ବଡ ପଦକ୍ଷେପ ନେବାକୁ ପଛ ଘୁଞ୍ଚା ଦେବନି ବୋଲି ସ୍ପଷ୍ଟ କରିଛନ୍ତି ରାଜନାଥ ।