ମୋ ମା’ଙ୍କ ଅନ୍ତିମ ସଂସ୍କାରରେ ସାମିଲ୍ ହେବାକୁ ଛାଡିଲାନି କଂଗ୍ରେସ । ୧୯୭୫ ଜରୁରୀକାଳୀନ ପରିସ୍ଥିତି କଥା ମନେ ପକାଇ ଭାବବିହ୍ୱଳ ହେଲେ ରାଜନାଥ
କନକ ବ୍ୟୁରୋ : ନର୍ବାଚନ ମାହୋଲ ଚାଲିଥିବା ବେଳେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇ କଂଗ୍ରେସ, ଚୀନ୍ ଓ ପାକିସ୍ତାନ ଉପରେ ବର୍ଷୁଛନ୍ତି । ଜାତୀୟ ଗଣମାଧ୍ୟମର ଏକ ସାକ୍ଷାତକାରରେ କଂଗ୍ରେସକୁ ସିଧାସଳଖ ଟାର୍ଗେଟ୍ କରିଛନ୍ତି ରାଜନାଥ । ୧୯୭୫ରେ ଲାଗୁ ହୋଇଥିବା ଜରୁରୀକାଳୀନ ପରିସ୍ଥିତି କଥା ମନେ ପକାଇ ଭାବବିହ୍ୱଳ ହୋଇପଡିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
୧୯୭୫ରେ ଲାଗୁ ହୋଇଥିବା ଜରୁରୀକାଳୀନ ପରିସ୍ଥିତି ଏବଂ କଂଗ୍ରେସ ପାର୍ଟି ବିଷୟରେ ଆଲୋଚନା ବେଳେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଭାବପ୍ରବଣ ହୋଇପଡିଥିଲେ । ଭାବବିହ୍ୱଳ ହୋଇ ରାଜନାଥ କହିଛନ୍ତି, ଯେଉଁମାନେ ଏକଛତ୍ରବାଦୀ ଶାସନ ବ୍ୟବସ୍ଥାରେ ଜରୁରୀକାଳୀନ ପରିସ୍ଥିତି ଲଗାଇଥିଲେ ସେମାନେ ଆମକୁ ବର୍ତ୍ତମାନ ଏକଛତ୍ରବାଦୀ ଶାସକ କହୁଛନ୍ତି । ମୋ ମାଆଙ୍କର ବ୍ରେନ୍ ହାମ୍ରେଜ୍ ହୋଇଥିଲା । କିନ୍ତୁ କଂଗ୍ରେସ ସରକାର ମତେ ପରୋଲ୍ ଦେଇନଥିଲେ । ମୋ ମାଆ ୨୭ଦିନ ହସ୍ପିଟାଲରେ ରହିଥିଲେ । ଆଉ ମତେ ଜେଲରେ ରଖାଯାଇଥିଲା । ମୁଁ ମୋ ମାଆଙ୍କୁ ଥରେ ଦେଖିବାକୁ ବି ଯାଇପାରିଲିନି । ଏପରିକି ମୋ ମାଆଙ୍କ ଅନ୍ତିମ ସଂସ୍କାରରେ ବି ସାମିଲ ହୋଇପାରିନଥିଲି ।
ଅନ୍ୟପଟେ ପାକିସ୍ତାନ ଓ ଚୀନକୁ ମଧ୍ୟ ସିଧାସଳଖ ଟାର୍ଗେଟ୍ କରିଛନ୍ତି ରାଜନାଥ । କହିଛନ୍ତି, ଯଦି ଆତଙ୍କବାଦୀଙ୍କୁ ନିପାତ କରିବାରେ ପାକିସ୍ତାନ୍ ଅସମର୍ଥ ତେବେ ଭାରତ ଆତଙ୍କବାଦକୁ ରୋକିବା ପାଇଁ ପାକିସ୍ତାନର ସହଯୋଗ କରିବା ପାଇଁ ପ୍ରସ୍ତୁତ ଅଛି । ରାଜନାଥ ସିଂ ପାକିସ୍ତାନକୁ ଚେତାବନୀ ଦେଇ କହିଛନ୍ତି, ଯଦି ପାକିସ୍ତାନ୍ ଆତଙ୍କବାଦ ସହ ମିଶି ଭାରତ ବିରୋଧରେ କୌଣସି ଷଡଯନ୍ତ୍ର ରଚିବାକୁ ଚେଷ୍ଟା କରେ ତେବେ ତାକୁ ଏହାର ପରିଣାମ ଭୋଗିବାକୁ ପଡିବ ।
ସେହିପରି ଚୀନ୍ ଭାରତର କିଛି ଅଂଶକୁ କବ୍ଚା କରିନେଇଥିବା ପ୍ରଶ୍ନର ଉତର ଦେଇ ରାଜନାଥ କହିଛନ୍ତି, ମୋଦୀ ସରକାର ଥିବା ପର୍ଯ୍ୟନ୍ତ ଭାରତର ଗୋଟିଏ ଇଞ୍ଚ୍ ଯାଗା ବି କେହି ନେଇପାରିବେ ନାହିଁ । ପିଓକେ ବି ଆମର ଥିଲା, ଅଛି ଓ ଆଗକୁ ମଧ୍ୟ ରହିବ