ରାଜନଗରେ ଭୟାବହ ଅଗ୍ନିକାଣ୍ଡ । ଜଳିଗଲା ୫ଟି ପରିବାରର ୧୩ ବଖରା ଘର

କନକ ବ୍ୟୁରୋ : ରାଜନଗରେ ଭୟାବହ ଅଗ୍ନିକାଣ୍ଡ । ଜଳିଗଲା ୫ଟି ପରିବାରର ୧୩ ବଖରା ଘର । ଗତକାଲି ବିଳମ୍ବିତ ରାତିରେ କୌଣସି କାରଣରୁ ରାଜନଗର ଗାଁର ନିତ୍ୟାନନ୍ଦ ମିଶ୍ରଙ୍କ ଘରେ ନିଆଁ ଲାଗିଯାଇଥିଲା । ନିଆଁର ପ୍ରକୋପ ଏତେ ମାତ୍ରାରେ ରହିଥିଲା ଯେ ସାଙ୍ଗେ ସାଙ୍ଗେ ୫ଟି ପରିବାରର ୧୩ ବଖରା ଘର ଜଳି ପୋଡ଼ି ପାଉଁଶ ହୋଇଯାଇଥିଲା । ଲୋକଙ୍କ ଘର ପୋଡ଼ି ପାଉଁଶ ହୋଇଥିଲେ ସହାୟତା ମିଳିନଥିବାରୁ କ୍ଷତିଗ୍ରସ୍ତ ପରିବାର ଲୋକେ ଏହାର ପ୍ରତିବାଦ କରି ରାଜନଗର ମୁଖ୍ୟ ରାସ୍ତା ଅବରୋଧ କରିଛନ୍ତି ।