ଘର ଆଗରୁ ୪ଲକ୍ଷ ଲୁଟିନେଲେ ଦୁବୃର୍ତ୍ତ : ସିସିଟିଭିରେ କଏଦ ହେଲା ଟଙ୍କା ଝାମ୍ପିନେବା ବେଳର ଦୃଶ୍ୟ
ରାଜନଗର ସେଂଟ୍ରାଲ ବ୍ୟାଙ୍କ ଅଫ ଇଣ୍ଡିଆରୁ ଟଙ୍କା ଉଠାଇଥିଲେ ଅଶୋକ ପ୍ରଧାନ ଝାମ୍ପିନେଲେ ୪ ଲକ୍ଷ
କନକ ବ୍ୟୁରୋ : ପାର୍ବଣ ଋତୁରେ ରାଜନଗରରେ ମାତିଛନ୍ତି ଲୁଟେରା । କଳା ପଲସରରେ ଆସି ୪ଲକ୍ଷ ଟଙ୍କା ଲୁଟିନେଲେ ଦୁବୃର୍ତ୍ତ । ରାଜନଗର ଗାଁର ଅଶୋକ କୁମାର ପ୍ରଧାନ ସ୍ଥାନୀୟ ସେଂଟ୍ରାଲ ବ୍ୟାଙ୍କ ଅଫ ଇଣ୍ଡିଆ ଶାଖାରୁ ଚେକ ମାଧ୍ୟମରେ ୪ଲକ୍ଷ ଟଙ୍କା ଉଠାଇଥିଲେ । ସେ ଏହି ଟଙ୍କାକୁ ନିଜ ମୋଟରସାଇକେଲ ଡ଼ିକି ରଖି ରାଜନଗର ମେଡ଼ିକାଲ ରୋଡ଼ରେ ଥିବା ଘର ନିକଟକୁ ଆସିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଘର ନିକଟରେ ମୋଟରସାଇକେଲ ରଖି ଡ଼ିକିରୁ ଟଙ୍କା କାଢି ହାତରେ ଧରିଥିବା ବେଳେ ହଠାତ୍ ଜଣେ ଯୁବକ ଆସି ଅଶୋକଙ୍କୁ ଧକ୍କା ମାରିଥିଲେ । ଅଶୋକ ତଳେ ପଡ଼ିଯିବା ପରେ ତାଙ୍କ ହାତରୁ ଟଙ୍କା ବିଡ଼ା ଝାମ୍ପିନେଇଥିଲେ ଦୁର୍ବୃତ୍ତ । ତେବେ ଦୁଇଜଣ ଦୁର୍ବୃତ ଏକ କଳା ପଲସଲରରେ ଅଶୋକଙ୍କୁ ଫଲୋ କରି ବ୍ୟାଙ୍କ ନିକଟକୁ ଆସିଥିଲେ । ଲୁଟ ସମୟର ଦୃଶ୍ୟ ସିସିଟିଭିରେ କଏଦ ହୋଇଛି ।