ଦାୟିତ୍ୱ ନେଲେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର। ୨୦୨୫ ଯାଏ ଦାୟିତ୍ୱରେ ରହିବେ।
କନକ ବ୍ୟୁରୋ: ଭାରତର ୨୫ ତମ ମୁଖ୍ୟ ନିର୍ବାଚନ କମିଶନର ଭାବେ ଶପଥ ନେଇଛନ୍ତି ରାଜୀବ କୁମାର । ୧୯୮୪ ବ୍ୟାଚର ଅବସରପ୍ରାପ୍ତ ଆଏଏଏସ ଅଫିସର ଭାରତର ନୂଆ ମୁଖ୍ୟ ନିର୍ବାଚନ କମିଶନର ଭାବେ ଦାୟିତ୍ୱଗ୍ରହଣ କରିଛନ୍ତି । ଆଜିଠାରୁ ସେ କାର୍ଯ୍ୟଭାର ଗ୍ରହଣ କରି ୨୦୨୫ ଯାଏ ଏହି ଦାୟିତ୍ୱରେ ରହିବେ । ସୁଶିଲ ଚନ୍ଦ୍ରା ମେ ୧୪ରେ ଅବସର ନେଇଥିଲେ । ଦୁଇ ଦିନ ପୂର୍ବେ ତାଙ୍କ ନିଯୁକ୍ତି ନେଇ କେନ୍ଦ୍ର ଆଇନମନ୍ତ୍ରୀ ସୂଚନା ଦେଇଥିଲେ । ଆଗାମୀ ଦିନରେ ଗୁଜରାଟ, ରାଜସ୍ଥାନ, ମଧ୍ୟପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହି ନିର୍ବାଚନର ସୁପରିଚାଳନା ତାଙ୍କ ପାଇଁ ପ୍ରଥମ ଚ୍ୟାଲେଞ୍ଜ ।
Kanak News is now on WhatsApp
Join and get latest news updates delivered to you via WhatsApp
Shri Rajiv Kumar today assumed charge as the 25th Chief Election Commissioner of India at Nirvachan Sadan, New Delhi in pursuance of the Ministry of Law & Justice, Government of India’s gazette notification dated 12th May 2022.
Press Note:- https://t.co/0A1ISMF1j5 pic.twitter.com/WY3Vdb2U76
— Election Commission of India #SVEEP (@ECISVEEP) May 15, 2022
ଜାଣନ୍ତୁ ରାଜୀବ କୁମାର କିଏ?
୧୯୬୦ ମସିହା ୧୯ ଫେବ୍ରୁଆରୀରେ ରାଜୀବ କୁମାରଙ୍କ ଜନ୍ମ ହୋଇଥିଲା । ୧୯୮୪ ବ୍ୟାଚର ଏହି ପ୍ରଶାସନିକ ଅଧିକାରୀ କେନ୍ଦ୍ରରେ ଅନେକ ଗୁରୁତ୍ୱପୂର୍ଣ୍ଣ ପଦରେ ରହି ଅବସର ନେଇଥିଲେ । ୨୦୨୦ରେ ସେ ନିର୍ବାଚନ କମିଶନର ଭାବେ ଦାୟିତ୍ୱ ନେଇଥିଲେ । ୩୬ ବର୍ଷର ଲମ୍ବା ପ୍ରଶାସନିକ ଦକ୍ଷତା ତାଙ୍କ ପାଖରେ ରହିଛି । ବିହାର ଝାରଖଣ୍ଡ କ୍ୟାଡରରେ କାମ କରିବା ପରେ ସେ କେନ୍ଦ୍ର ଅର୍ଥ ସଚିବ ଭାବେ ଅବସର ନେଇଥିଲେ ।
୨୦୨୪ ସାଧାରଣ ନିର୍ବାଚନରେ ମୁଖ୍ୟ ନିର୍ବାଚନ କମିଶନର ରହିବେ ରାଜୀବ
ଆଗାମୀ ସାଧାରଣ ନିର୍ବାଚନରେ ଦେଶର ମୁଖ୍ୟ ନିର୍ବାଚନ କମିଶନର ରହିବେ ରାଜୀବ କୁମାର । କେବଳ ଲୋକସଭା ନୁହେଁ ନିକଟରେ ୩ ରାଜ୍ୟରେ ବିଧାନସଭା ନିର୍ବାଚନ ମଧ୍ୟ ଅନୁଷ୍ଠିତ ହେବ । ଏ ନିର୍ବାଚନର ପରିଚାଳନାରୁ ଗୁରୁଦାୟିତ୍ୱ ତାଙ୍କ ଉପରେ ରହିଛି । ନିୟମ ଅନୁନସାରେ ୬ ବର୍ଷ କିମ୍ବା ୬୫ ବର୍ଷ ଯାଏ ଜଣେ ଏହି ପଦରେ ରହିବେ । ୨୦୨୫ ଯାଏ ତାଙ୍କର କାର୍ଯ୍ୟକାଳ ରହିଛି ।