ନୂଆ ନିର୍ବାଚନ କମିଶନର ଭାବେ ନିଯୁକ୍ତି ପାଇଲେ ଅବସରପ୍ରାପ୍ତ ପ୍ରଶାସକ ରାଜୀବ କୁମାର: ଏନେଇ ରାଷ୍ଟ୍ରପତି ରାମନାଥ କୋବିନ୍ଦ ପକ୍ଷରୁ ବିଧିବଦ୍ଧ ବିଜ୍ଞପ୍ତି ଜାରି
ଅଶୋକ ଲାଭାସାଙ୍କ ସ୍ଥାନ ନେବେ ପୂର୍ବତନ କେନ୍ଦ୍ର ଅର୍ଥ ସଚିବ
କନକ ବ୍ୟୁରୋ: ନୂଆ ନିର୍ବାଚନ କମିସନର ଭାବେ ଅବସରପ୍ରାପ୍ତ ଆଇଏଏସ ଅଧିକାରୀ ତଥା ପୂର୍ବତନ ଅର୍ଥ ସଚିବ ରାଜୀବ କୁମାରଙ୍କୁ ନିଯୁକ୍ତି ଦେଇଛନ୍ତି ରାଷ୍ଟ୍ରପତି । କେନ୍ଦ୍ର ଆଇନ ମନ୍ତ୍ରାଳୟ ପକ୍ଷରୁ ଏ ନେଇ ବିଜ୍ଞପ୍ତି ପ୍ରକାଶ କରାଯାଇଛି । ନିର୍ବାଚନ କମିସନର ପଦରୁ ଅଶୋକ ଲାଭାସାଙ୍କ ଇସ୍ତଫା ଅଗଷ୍ଟ ୩୧ ତାରିଖରୁ କାର୍ଯ୍ୟକାରୀ ହେବ ।
Kanak News is now on WhatsApp
Join and get latest news updates delivered to you via WhatsApp
ଅଶୋକ ଲାଭାସା ନିର୍ବାଚନ କମିସନର ପଦ ଛାଡ଼ିବା ପରେ ଏସିଆନ୍ ଡେଭେଲପମେଂଟ ବ୍ୟାଙ୍କର ଭାଇସ୍ ପ୍ରେସିଡେଂଟ ଭାବେ ଯୋଗ ଦେବେ । ସୁନୀଲ ଆରୋରା ମୁଖ୍ୟ ନିର୍ବାଚନ କମିସନର ଥିବା ବେଳେ ସୁଶୀଲ ଚନ୍ଦ୍ରା ଅନ୍ୟତମ ନିର୍ବାଚନ କମିସନ ଅଛନ୍ତି । ଅଶୋକ ଲାଭାସାଙ୍କ ସ୍ଥାନରେ ଏହି ଟିମରେ ସାମିଲ ହେବାକୁ ଯାଉଛନ୍ତି ୧୯୮୪ ମସିହାର ଝାରଖଣ୍ଡ କ୍ୟାଡର ଆଇଏଏସ୍ ଅଧିକାରୀ ରାଜୀବ କୁମାର ।