୬୭ତମ ଜାତୀୟ ଚଳଚ୍ଚିତ୍ର ସମ୍ମାନ ବିତରଣ ଉତ୍ସବ । ଶ୍ରେଷ୍ଠ ଅଭିନେତ୍ରୀ ସମ୍ମାନ ହାତେଇଲେ କଙ୍ଗନା ରଣାୱତ । ରଜନୀକାନ୍ତଙ୍କୁ ମିଳିଲା ଦାଦା ସାହେବ ଫାଲକେ ଆୱାର୍ଡ ।
କନକ ବ୍ୟୁରୋ: ନୂଆଦିଲ୍ଲୀର ବିଜ୍ଞାନ ଭବନରେ ଅନୁଷ୍ଠିତ ହୋଇ ଯାଇଛି ଜାତୀୟ ଚଳଚ୍ଚିତ୍ର ପୁରସ୍କାର ବିତରଣ ଉତ୍ସବ । ଉପ-ରାଷ୍ଟ୍ରପତି ଭେଙ୍କୟା ନାଇଡୁ ଏବଂ ସୂଚନା ଓ ଲୋକସମ୍ପର୍କ ମନ୍ତ୍ରୀ ଅନୁରାଗ ଠାକୁର ମନୋନୀତ କଳାକାରଙ୍କୁ ଜାତୀୟ ସମ୍ମାନରେ ସମ୍ମାନିତ କରିଛନ୍ତି । ମଣିକର୍ଣ୍ଣିକା ଚଳଚିତ୍ର ପାଇଁ ଅଭିନେତ୍ରୀ କଙ୍ଗନାଙ୍କୁ ମିଳିଛି ଶ୍ରେଷ୍ଠ ଅଭିନେତ୍ରୀର ପୁରସ୍କାର । କଙ୍ଗନା ଚତୁର୍ଥ ଥର ପାଇଁ ନ୍ୟାସନାଲ ଆୱାର୍ଡ ବିଜେତା ହୋଇପାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଭାରତୀୟ ଫିଲ୍ମ ଜଗତର ବଳିଷ୍ଠ କଳାକାର ମନୋଜ ବାଜପେୟୀଙ୍କୁ ଭୋଁସଲେ ଫିଲ୍ମ ପାଇଁ ଶ୍ରେଷ୍ଠ ଅଭିନେତାର ପୁରସ୍କାର ମିଳିଛି । ସେହିପରି ତାମିଲ ଷ୍ଟାର ଧନୁଷ ମଧ୍ୟ ଅସୁରନ ଚଳଚିତ୍ରରେ ବଳିଷ୍ଠ ଅଭିନୟ ପାଇଁ ଶ୍ରେଷ୍ଠ ଅଭିନେତାର ଆୱାର୍ଡ ହାତେଇଛନ୍ତି ।
ଭାରତୀୟ ଫିଲ୍ମ ଜଗତକୁ ୭୦ ଦଶକରୁ ନିଜ ଅଭିନୟର ଜାଦୁଗରୀରେ ବାନ୍ଧିରଖିଥିବା ସାଉଥ ସୁପରଷ୍ଟାର ରଜନୀକାନ୍ତଙ୍କୁ ଦାଦା ସାହେବ ଫାଲକେ ସମ୍ମାନରେ ସମ୍ମାନୀତ କରାଯାଇଛି । ବର୍ଷ ବର୍ଷ ଧରି ନିଜର ସ୍ୱତନ୍ତ୍ର ଅଭିନୟ ପାଇଁ ଦର୍ଶକଙ୍କୁ ମନୋରଂଜନ ଯୋଗାଇ ଆସୁଛନ୍ତି ରଜନୀକାନ୍ତ । ଶିବାଜୀ, ରୋବୋର୍ଟ, ଚାଲବାଜ, ତ୍ୟାଗୀ ଭଳି ଚଳଚିତ୍ର ଜରିଆରେ ଫିଲ୍ମ ଇଣ୍ଡଷ୍ଟ୍ରିରେ ବେଶ ଲୋକପ୍ରିୟ ଥଲାଇବା । ନିଜର ଲୁକ ଆଉ ଡାଏଲଗକୁ ନେଇ ସବୁବେଳେ ଚର୍ଚାରେ ରହନ୍ତି ରଜନୀକାନ୍ତ । ତେବେ ସମ୍ମାନ ଗ୍ରହଣ ଅବସରରେ ରଜନୀକାନ୍ତଙ୍କ ପତ୍ନୀ ଓ ଝିଅ ମଧ୍ୟ ଉପସ୍ଥିତ ଥିଲେ । ସେହିପରି ସୁଶାନ୍ତ ସିଂ ରାଜପୁତଙ୍କ ଅଭିନୀତ “ଛିଚୋରେ” ମୁଭିକୁ ବେଷ୍ଟ ହିନ୍ଦୀ ସିନେମା ଆୱାର୍ଡ ମିଳିଛି । କରୋନା କାରଣରୁ ଦୀର୍ଘ ୨ ବର୍ଷ ଧରି ଏହି ପୁରସ୍କାର ବିତରଣ ଉତ୍ସବ ଆୟୋଜନ କରାଯାଇନଥିଲା । ସମସ୍ତ ପୁରଷ୍କାର ବିଜେତାଙ୍କୁ ସୋସିଆଲ ମିଡିଆରେ ପ୍ରଶଂସକ ମାନେ ଏବଂ ଚଳଚିତ୍ରପ୍ରେମୀମାନେ ଅଭିନନ୍ଦନ ଜଣାଇଛନ୍ତି ।