ବଟଲର-ସାମସନଙ୍କ ଦମଦାର ବ୍ୟାଟିଂ । ୧୭୧ ରନ କଲା ରାଜସ୍ଥାନ ରୟାଲ୍ସ । ମୁମ୍ବାଇ ଆଗରେ ୧୭୨ ରନର ବିଜୟ ଲକ୍ଷ୍ୟ 

କନକ ବ୍ୟୁରୋ: ଆଜିର ଆଇପିଏଲ ପ୍ରଥମ ମ୍ୟାଚରେ ଚମତ୍କାର ବ୍ୟାଟିଂ କରିଛି ରାଜସ୍ଥାନ ରୟାଲ୍ସ ଦଳ । ଫଳରେ ୧୭୧ ରନ କରିବାରେ ସକ୍ଷମ ହୋଇଛି ଦଳ । ଏହାସହ ମୁମ୍ବାଇ ଆଗରେ ଏବେ ୧୭୨ ରନର ବିଜୟ ଲକ୍ଷ୍ୟ ରହିଛି । ମୁମ୍ବାଇକୁ ଏହି ମ୍ୟାଚ ଜିତିବାକୁ ହେଲେ ଏବେ ରାଜସ୍ଥାନର ବୋଲର ମାନଙ୍କୁ ସାମ୍ନା କରିବାକୁ ହେବ ।

ଏହି ମ୍ୟାଚରେ ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ମୁମ୍ବାଇ । ଫଳରେ ପ୍ରଥମେ ବ୍ୟାଟିଂ କରିଥିଲା ରାଜସ୍ଥାନ । ରାଜସ୍ଥାନର ବ୍ୟାଟ୍ସମ୍ୟାନମାନେ ଚମତ୍କାର ବ୍ୟାଟିଂ କରିଥିଲେ । ଦଳ ପକ୍ଷରୁ ଜୋସ ବଟଲର ୪୧, ସଞ୍ଜୁ ସାମସନ ୪୨, ଶିଭମ ଦୁବେ ୩୫ ଓ ଯଶସ୍ୱୀ ଜୟଶ୍ୱାଲ ୩୨ ରନ କରିଥିଲେ । ଫଳରେ ଦଳ ୨୦ ଓଭରରେ ୪ ୱିକେଟ ହରାଇ ୧୭୧ ରନ କରିବାରେ ସଫଳ ହୋଇଛି ।