ଦରକାର ପଡିଲେ…ଆଗାମୀ ଦିନରେ ପୁଣି ଫେରିବ କୃଷି ଆଇନ୍ । ରାଜସ୍ଥାନ ରାଜ୍ୟପାଳଙ୍କ ବୟାନଙ୍କୁ ନେଇ ଚର୍ଚ୍ଚା
କନକ ବ୍ୟୁରୋ: କିଛି ଦିନ ହେଲା ଚାଷୀମାନେ ଲଗାତାର ନୂଆ କୃଷି ଆଇନକୁ ପ୍ରତ୍ୟାହାର ପାଇଁ ଦାବି କରୁଥିଲେ । ଏବେ ଚାଷୀ ଆନ୍ଦୋଳନକୁ ଦେଖି କେନ୍ଦ୍ର ସରକାର ଠିକ୍ ନିଷ୍ପତ୍ତି ନେଇଛନ୍ତି । ହେଲେ ଯଦି ଆଗକୁ ଦରକାର ପଡେ ତେବେ ପୁଣି ଏହି କୃଷି ଆଇନ୍ ଲାଗୁ ହୋଇପାରେ । ରାଜସ୍ଥାନର ରାଜ୍ୟପାଳ କଲରାଜ ମିଶ୍ରାଙ୍କର ଏହି ବୟାନକୁ ନେଇ ଏବେ ଚାରିଆଡେ ଚର୍ଚ୍ଚା ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦେଶକୁ ସମ୍ବୋଧିତ କରି ତିନି ନୂଆ କୃଷି ଆଇନ୍ ପ୍ରତ୍ୟାହାର ହେବା ନେଇ ସୂଚନା ଦେଇଥିଲେ । ଖାଲି ସେତିକି ନୁହେଁ, ଆନ୍ଦୋଳନରତ ଚାଷୀଙ୍କୁ ନିଜ ନିଜ ଘରକୁ ଫେରିଯିବାକୁ ମଧ୍ୟ ପ୍ରଧାନମନ୍ତ୍ରୀ ଅନୁରୋଧ କରିଥିଲେ । ହେଲେ ଚାଷୀମାନେ ଏବେ ଆନ୍ଦୋଳନରୁ ଓହରିବେ ନାହିଁ ବୋଲି କହିଥିଲେ ରାକେଶ ଟିକାୟତ । ହେଲେ ଏହାରି ଭିତରେ ରାଜସ୍ଥାନ ରାଜ୍ୟପାଳଙ୍କ ଏହି ବୟାନ ରାଜନୀତି କରିଡରେ ଜୋରଦାର ଚର୍ଚ୍ଚା ସୃଷ୍ଟି କରିଛି ।
#WATCH | Bhadohi: Rajasthan Gov Kalraj Mishra says,”Govt tried to explain to farmers the pros of #FarmLaws. But they were adamant about repeal.Govt felt that it should be taken back&formed again later if needed but right now they should repeal as farmers are demanding…” (20.11) pic.twitter.com/3wHjXYaf2q
— ANI UP (@ANINewsUP) November 21, 2021
କୃଷି ଆଇନ୍ ପ୍ରତ୍ୟାହାରକୁ ନେଇ ବିରୋଧୀ ଓ ଶାସକ ଦଳର ନେତାମାନେ ଲଗାତାର ବୟାନବାଜି ଜାରି ରଖିଛନ୍ତି । ବିରୋଧୀମାନେ ଏହି ଘଟଣାକୁ ନେଇ ଶାସକ ଦଳକୁ ଘେରୁଥିବାବେଳେ, ଶାସକ ଦଳ ମଧ୍ୟ ପ୍ରଧାନମନ୍ତ୍ରୀଙ୍କ ନିଷ୍ପତ୍ତିକୁ ଠିକ୍ ବୋଲି କହିଛନ୍ତି । ଆଉ ଏଭଳି ସ୍ଥିତିରେ ଜଣେ ରାଜ୍ୟପାଳ କୃଷି ଆଇନ୍ ପୁଣି ଫେରିପାରେ ବୋଲି କହିବା ସମସ୍ତଙ୍କୁ ଦ୍ୱନ୍ଦ୍ୱରେ ପକାଇଛି । ତେବେ ତା ସହିତ ରାଜସ୍ଥାନ ରାଜ୍ୟପାଳ କଲରାଜ ମିଶ୍ରା ସରକାରଙ୍କ ଏହି କାର୍ଯ୍ୟକୁ ପ୍ରଂଶସା କରିଛନ୍ତି । ତିନି କୃଷି ଆଇନ୍ ପ୍ରତ୍ୟାହାର ଦେଶକୁ ସକରାତ୍ମକ ଦିଗ ଦେବ । ଏହି ଆଇନ୍ ଚାଷୀଙ୍କ ହିତ ପାଇଁ ବନାଯାଇଥିଲା, ହେଲେ ସରକାର ଏହାକୁ ଚାଷୀଙ୍କୁ ବୁଝାଇବାରେ ସଫଳ ହୋଇପାରିନଥିଲେ ବୋଲି ସେ କହିଛନ୍ତି ।